الموضوع: صيانه 15000 للاكسنت

انا عملت صيانه 15000 للاكسنت في فرع العبور والحمد لله العربيه بقت كويسه بعد شكوي من احساسي ان الدريكسيون خفيف حتي علي السرعات وتحس ان العربيه سايبه لكن الحمد لله العربيه بقت تمام بعد تربيط العفشه وكنت بشتكي من وجود تزييق في الابواب والشنطه عند فتحههم لقيته رشهم بسبراي وفعلا صوت التزييق راح دفعت في الصيانه 580 جنيه منهم 15 جنيه مش عارف بتوع ايه ممكن يكون تمن الكفرات اللي اتحطت علي كرسي السائق والفتيس والدريكسيون والشنطه الصغيره علشان احط فيها الولاعه والفلاشه و300 تمن الزيت اللي اتغيرت لزوجته من 5w40 الي 5w30 مش عارف دي ممكن تفرق في ايه و35 فلترزيت و6 ورده و175 مصنعيه وحوالي 55 ضربيه مبيعات الحمد لله علي كدا بس الصراحه الفني اللي كان بيشتغل في العربيه كان شغال صح رجلش الفرامل وربط عفشه العربيه من الامام والخلف بلمسدس وكمل السوايل زي مياه المساحات والريداتير ونضف فلتري التكييف والهواء وطلع منهم تراب جامد جو مصر مشاء الله عامر ونضف حوض العربيه واختبر الاضاءه والنور العالي والتكييف وانافي الصيانه لقيت عربيه النترا جديده بتغير ديسك واسطوانه مش عارف دا عيب سواقه ولا عيب تصنيع وبعد كدا استلمت العربيه التقييم العربيه فايقه عن الاول بكتيير تحس انها بعد تربيط العفشه العربيه تمام الخدمه ممتازه ومهندسين الاستقبال متفهمين معاك واعقبال الصيانه الجايه وشكرا

-اه العشرين 1200 جنية زيت و فلتر وصمولة 350 جنية..فلتر هواء 95 جنية فلتر بنزين 200 جنية ...بوجيهات 180 جنية +10%ضريبة ...المصنعية حوالي 300 جنية