برده الدبرياش تقييييييييييييييييل...حد يقولي اعمل ايه ؟

**dental_mn** · 11-10-2008 02:18 AM

السلام عليكم و رحمة الله و بركاته .....

مشكلتي مع العربية بتاعتي في الدبرياش (العربية سويفت) من فترة كده بدأت المشكلة في اني حاسيت ان الدبرياش بقى تقيل جدا و في صعوبة في نقل الغيارات .. المهم الميكانيكي قالي غير وير (سلك) الدبرياش و غير الزيت عملت زي ما قال و فعلا غيرته .. بقى الموضوع كويس بس بعد شهر كده الموضوع رجع تاني و و الدبرياش بقى تقيل جدا و في صعوبة في الغيريات

رحت لواحد ميكانيكي تاني قالي غير الديسك و الاسطوانة !! مع اني مش شايف قوي ان في اعراض تلف الديسك و الاسطوانة الا اذا كنت انا عارف الاعراض مزبوط

ياريت حد يفيدني في الموضوع ده لأني لما لما بركب العربية الايام دي بحس ان انا في ماتش مصارعة مع الدبرياش مع الدبرياش ولكم جزيل الشكر

**hossam_nasr** · 12-10-2008 01:53 AM

ممكن تغير طقم الدبرياج (اسطوانة ديسك و رولمان بيل و كبل)
و لما تغيرهم متبقاش تريح رجلك على الدبرياج و انت سايق انا عملت كدة و بقت تمام

**shankosi** · 12-10-2008 02:01 AM

تغيير الرمان بلي

**dental_mn** · 13-10-2008 06:34 AM

شكرا يا جماعة انا فعلا شكلي هعمل كده لأن الظاهر اني عندي مشكلة في الديسك و الاسطوانة بس نا مكنتش عارف ان ده ممكن يتقل الدبرياج

**l0new0lf** · 13-10-2008 07:35 AM

طب دواسة الدبرياج حاسس انها واطيه تحت رجلك عن الأول؟

**l0new0lf** · 13-10-2008 09:01 AM

ممكن تيلتين تثبيت الفُرش اتكسروا والفرش مبيلفش مظبوط - علشان كده العربيه ضبطت معاك لما غيرت السلك علشان ظبطلك الرجلاش
و ممكن البليه دخلت فى الدسك

**dental_mn** · 14-10-2008 03:17 AM

ايوا الدبرياش بقى واطي قوي عن الاول بس انا مش فاهم يعني ايه الفرش اتكسر هو الفرش ده موجود فين بالظبط .... معلش يا جمكاعة انا يمكن عارفه بس باسم تاني فا لو توقلي هو عبارة عن ايه و موجود فين

**askanas** · 14-10-2008 06:46 AM

شوف الماستر عامل ايه معاك عشان ممكن تكون تروسه بتفوت

**l0new0lf** · 14-10-2008 05:30 PM

الفرش ده بيكون داخل حلة الفتيس و بيبال لما تحل لتغيير اسطوانه و دسك, و الى بيحركه هو سلك الدبرياج, الفرش بيكون متثيت على اكس عن طريق تيلتين, و دول بيتكسروا لاسباب كتيره, و لما بيتكسروا الفرش مبيبقاش ثابت على الاكس, و مظاهر الموضوع ده انك تحس دواسة البرياج بتوطى تحت رجلك, تروح للميكانيكي يضبطلك رجلاش السلك و كلوا يبقى تمام يومين ولا حاجه والموضوع يرجع تانى لغاية ماللى فاضل فى التيله يتاكل خالص و الفرش يلف على الاكس.
الموضوع بسيط جداًًََََََ الميكانيكي هيحل الفتيس و يوديه للخراط و الخراط ينطر التيل المكسور و يحط جديد و هياخد 10 جنيه, و الميكانيكي انته و شطارتك