الموضوع: العربيه اتخبطت وهى واقفه فحالها

المشاركة الأصلية كتبت بواسطة shiko85

انا بجد بشكر حضرتك جدا على الموقف ده
بس احنا ممكن نتكلم و ننتقد بس من باب تقديرنا لجهودهم و رغبتنا انهم يكونوا فأحسن حال لان ده فمصلحة المصريين فالأول و الأخر
عارفه حضرتك على الرغم من ان ليا اصدقاء فالشرطه بس اول مره اعرف او احس بالمجهود اللى بيعملوه و بالتضحيه اللى بيضحوها هم و اسرهم (على الأقل الجانب الأنسانى) كان اول يوم عيد الأضحى 2011 و كنت تأمين للقاعده عندى
كانت اول مره انزل شغل فالعيد الكبير و وقت ما الناس كلها كانت بتحتفل بالعيد كنت نازل رايح الشغل و كان ضباط و افراد الشرطه منتشريين فكل مكان لتأمين الناس حسيت فعلا بأحساس كل فرد او ضابط شرطه و احساس اسرهم و انهم فعلا محروميين من حاجات كتير
و مواقف تانيه كتير بس صعب تتقال
تخيلى حضرتك انى مش بتصل بحد من صحابى فالشرطه او من زملائى اللى كانوا معايا فالقاعده خايف حد تانى يرد عليا و يقولى البقاء لله فلان استشهد
الشرطه و الجيش فيهم ناس افاضل فمتهى الأحترام و فيه منهم للأسف من يسئ لهم و لهذه المؤسسات العظيمه

فعلا فيه ناس بتسىء للباقيين المحترمين بسوء اخلاقهم
ومتخيله احساسك ده واكيد احساس صعب لما تكون خايف تكلم صاحبك ليكون استشهد
ربنا يحمى جيش وشرطه مصر حقيقى بيضحوا بدمهم وحاطين روحهم على كفهم عشان خاطر مصر
انا اه من غيظى كنت بدات اتكلم وحش عن الشرطه وحسيتهم كلهم زى الظابط ده بس كويس انك لحقتنى وفوقتنى بالكلمتين اللى قولتهم فى تعليقك اللى فات
لانى طول عمرى بكره اللى يتكلم وحش عن جيش او شرطه بلدى بس لما حصل الموقف معايا زى ماتقول اختل التوازن بتاعى
وعممت السيئه بتاعته على كل اللى بيشتغل وظيفته

متشكره اوى ليك

ده رد على تعليقك التانى اللى بعد اول تعليق ليا معلش حصل مشكله فى انى اعمله اقتباس
للاسف هو ده بالظبط اللى حصل معايا وفكرت فيها كده بالظبط زى ما انت وصفت
ربنا يخليك وميرسى لذوقك مره تانيه

المشكله دى فى مصر من قديم الأزل.
عربيتين يخبطو فى بعض والموضوع مش مين الغلطان ومين صاحب الحق.
للأسف من قليل الأدب اكتر وهو اللى حاينهى الموقف لصالحه
بجد حاجه تقرف
أنا شغال فى الخليج من حوالى سبع سنين
فى المواقف دى اصحاب العربيتين مش بيكلمو بعض ولا خناقه وغيره بس يتصلو بالشرطه بمنتهى البساطه وتفضل العربيتين مكانهم ما يتحركوش سم
تيجى الشرطه تعاين الحدثه وتعمل نسبه خطأء على كل واحد لو اعتبرنا مثلا ان الأول نسبه خطأ 100% والتانى صفر يتعمل محضر بالكلام دا وبعد كدا ياخدو العربيتين على مركز صيانه وتتعمل مقايسه اصلاح للعربيتن مجتمعتين ويتحملها كل واحد حسب نسبه الخطأ اللى اتعمل فى محضر الشرطه وفى حالتنا دى يدفعها الأول كلها
طيب ممكن حد يقول ان ممكن تحصل حادثه بين عربيتين والسواق الغلطان يهرب ويطلع يجرى
أرد عليك اقولك مش ممكن يحصل دا ابدا لأن مش ممكن ابدا حايعرف يصلح عربيته الا بمحضر الشرطه
لأن هنا ممنوع تتعمل اى سمكره لأى عربيه مخبوطه الا بمحضر شرطه.
عقبال ما دا يحصل فى مصر يا رب.
وكلمه اخيره لحضرتك ما تزعليش وفداكى وصدقينى ربنا حايجبلك حقك سواء فى الدنيا او فى الأخره