بخصوص شحن بطارية 12

**oscar2011** · 18-05-2014 10:45 PM

عليا الطلاق انا مختار قسم البطاريات عشان ارغى براحتى لانى عارف ان دة منتدى سيارات :d

ثم انى مشترطش دينامو عجلة لو دينامو سيارة حجمه صغير شوية مفيش مانع المهم دينامو 13 فولت امبير مناسب لشحن بطارية 12/36 و حجمه مناسب :d

وعلفكرة المرغوب من الفكرة مش تشغيل اجهزة منزلية
المقصد تحريك الموتور نفسه مش اى شئ تانى معاه هو بس 450 وات وعلفكرة دة موتور كرسى معاقين.

الهدف من الفكرة انه صاحب الكرسى موظف وعنده شغل تانى بالليل الكرسى بيفصل منه فالشارع سفاح بطاريات بيغير بطارية كل شهرين لمجرد انها مدة التفريغ بتقل واتخن بطارية بتمشيه ساعة بس.

الفكرة : هلحم طمبورة على طارة العجلة الخلفية من جوا او خارجى واعمل فيها الدينامو بحيث يلف معاها ويغذى البطاريات فمتفصلش منه مهما مشى بيها او يشحنها مرة كل يومين تلاتة عالاقل لانه ظروف شغله بتخليه يلف كتير.

ليه بقا عاوز الدينامو صغير !؟

لان المساحة جمب البطاريات صغيرة وهسيب مسافة بين البطاريات عشان السخونة ضيف على ذلك الكرسى فيه 2 موتور و 2 بطارية :d .

فهركب 2 دينامو كل واحد على عجلة خلفية.

بالنسبة لشرف التجربة .. التكلفة هتبقا عالية :( فعاوز على الاقل حد يكون خبير يدينى نسبة نجاح للفكرة لو النسبة عالية شوية هجرب.

واللى عنده مقترحات ياريت ميبخلش

**rotanamasoud** · 18-05-2014 11:58 PM

لا لن تتحمل تجارب ومحاولات للاسف الموضوع فاشل عمليا
لاكن ممكن نفكر فى افكار اخرى
1-انك تخليه يشحن وهو قاعد فى الشغل
2- انك توصل بطاريتين توازى حتضاعف المده لساعتين
وممكن نفكر مع بعض فى افكار تانيه

**oscar2011** · 19-05-2014 12:01 AM

فاشل :(

طب ايه اسباب فشله؟
هو مش نظريا الدينامو طلاما هيلف يبقا هيشحن؟ ياريت تقولى الاسباب يمكن الاقيلها حل

**rotanamasoud** · 19-05-2014 12:17 AM

حبسطهالك محرك الكرسى يستهلك مثلا 100 واط لتحريك الكرسى بوزن صاحبه
اصبح يستهلك 150 واط بعد توصيل الدينمو واصبح الدينمو ينتج بعد خصم ال100 واط للتحرك و10 واط فقد قدره =40 واط
البطاريه بتستهلك 150 واط وتشحن ب40 واط نسبه الشحن للتفريغ ستوئدى الى افراغ البطاريه فى النهايه واصبحت البطاريه التى كانت تستمر ساعه بسحب 100 واط مدتها اصبحت نصف ساعه بحمل 150 ومع اضافه ال40 لن تصل لمده ساعه للفقد فى الطاقه وسيقصر عمر البطاريه مع الزمن لالستهلاك الكبر من الحمل المناسب اللى صممت عليه 100 واط
كل ده كمثال نظرى

**oscar2011** · 19-05-2014 09:17 AM

مش عارف اقول ايه

بس عندى سؤال ايه اللى هيزود الوات بعد توصيل الدينامو؟ هو مش كدة كدة الكرسى بيتحرك ؟

**oscar2011** · 19-05-2014 09:17 AM

جاهل معلش اعزرونى :d

**rotanamasoud** · 19-05-2014 11:13 AM

المشاركة الأصلية كتبت بواسطة oscar2011

مش عارف اقول ايه

بس عندى سؤال ايه اللى هيزود الوات بعد توصيل الدينامو؟ هو مش كدة كدة الكرسى بيتحرك ؟

الحمل هو اللى حيزود الواط (مش حتولد الكهرباء مجانا)
لو عندك عجله راكب فيها كشاف ودينمو اول لما تقيد الكشاف حتلاقيها تقلت جدا اتقل من واحد صاحبك راكب وراك

**besso** · 19-05-2014 11:43 AM

انت ممكن تعمل فكره تانه
تخلي الكرسي فيه بطاريتين
واحده يكون شغال بيها والتانيه تكون بتتشحن في الوقت ده ولما تقرب تبضي دائره الكترونيه صغيره تبدل بين البطاريتين

الفكره هنا انك مش هاتخلي البطاريات تفصل وده يطول عمرها الافتراضي
بس خلي بالك انك محتاج دينامو يشحن البطاريه في اقل من ساعه علشان ماتكونش التانيه فضيت

**oscar2011** · 19-05-2014 12:31 PM

المشاركة الأصلية كتبت بواسطة besso

انت ممكن تعمل فكره تانه
تخلي الكرسي فيه بطاريتين
واحده يكون شغال بيها والتانيه تكون بتتشحن في الوقت ده ولما تقرب تبضي دائره الكترونيه صغيره تبدل بين البطاريتين

الفكره هنا انك مش هاتخلي البطاريات تفصل وده يطول عمرها الافتراضي
بس خلي بالك انك محتاج دينامو يشحن البطاريه في اقل من ساعه علشان ماتكونش التانيه فضيت

الكرسى فيه بطاريتين مستحيل علميا المكان يشيل 4

**oscar2011** · 19-05-2014 12:33 PM

مين عنده فكرة احوله بيها لبنزين بدل البطاريات

الموضوع: بخصوص شحن بطارية 12

LinkBack

أدوات الموضوع

عرض

-

-

-

-

المواضيع المتشابهه

بخصوص بطارية ابيزا 94

سؤال بخصوص بطارية ل 128

سؤال بخصوص بطارية سياره

استفسار بخصوص بطارية الماروتي

الكلمات الدلالية لهذا الموضوع

المفضلات

المفضلات

ضوابط المشاركة