الموضوع: تحية لكل شخص بيقف يعدي الناس

وربنا يهدينا جميعا الا ما يحبه ويرضاه :)

المشاركة الأصلية كتبت بواسطة mk3

بص انا هقولك بصراحه
لازم لازم اقف اعدى الناس سواء كان كبير او صغير خصوصا الكبير والحوامل ....الخ
لكن عندك اماكن مينفعش الناس تعدى منها ولو عدت الاشاره اللى انا متعطل فيها اصلا هتقفل عليا....يعنى ش 26 يوليو تقاطع رمسيس الناس هناك كتير جدا وبتبقى الاشاره مفتوحه لكن هما اللى قافلينها باجسادهم ...طبعا هى مش مشكلتهم ...هى مشكله دوله+سلوكيات غلط من المواطنين

اكيد ده من حقك قدام فيه اشارة يبقى عداك العيب :)

انا بتكلم على شوارع اصلا مفيهاش لا اشارة ولا مرور زي مثلا قدام جامعة عين شمس سداح مداح او جمبها طرق رمسيس من العباسية الي قدام الدمرداش ودي مستشفى لا قدمها مرور ولا فيها اشارة حتى

المشاركة الأصلية كتبت بواسطة shiko85

الحمد لله لما بلاقى حد بيعدى الطريق بقف استنى اعديه و ده مش فضل منى عليه ولا حاجه
انا بعمل كده علشان حد يقف ليا او لوالدى او والدتى
زمان قبل ما ربنا يكرمنى و اشترى عربيه, و انا راكب مواصلات كنت بقوم و اسيب مكانى لراجل او ست كبار فالسن و اكتر من مره ماما كانت بتخرج و لما ترجع البيت تقولى المواصلات كانت زحمه جدا و كنت هفضل واقفه لولا شاب قام و قعدنى مكانه :ob_mak1[1]:
نرجع للموضوع الأصلى, اكتر حاجه بتزعلنى و تضايقنى ان لما اقف علشان الناس تعدى الاقى واحد دايس على الكلاكس و يفضل يزعق كمان, طيب ما ممكن تكون الست الكبيره دى مامتك او الراجل العجوز ده والدك او الست الحامل مراتك او اختك او بنتك
و للأسف فيه ناس لما اقف ليها علشان تعدى بحس انهم بيتدلعوا فالمشى :019f3b~14:

الي بيديلك كلاكس سيبك منه انت بتعمل خير والي يقف يتلكع انت اديله كلاكس بقى :0002014a:

المشاركة الأصلية كتبت بواسطة أبو آسر

أنا برده بحب أقف للناس أعديهم طالما الظروف تسمح بكده مش ألاقي واحد جاي على طريق سريع وعايز يعدي بالعافية والمفروض إني أقف واللي ورايا يخبط فيا علشان سيادته يعدي
بس أكتر حاجة بتغيظني إني أقف لواحد علشان يعدي فيقعد يتدلع ويتمخطر بدل ما يقدر إني واقفله مخصوص فاللي زي ده بندم بصراحة إني وقفتله أساسا !

لاء متقفش في طريق سريع :)

ومتندمش على فعل الخير حتى لو الشخص مقدرش :)