الموضوع: تقريــر عن صيـــانة الـ 15 الف للياريـــس - Sharky

المشاركة الأصلية كتبت بواسطة محمد ابراهيم 1

ههههههههههههه
إنت لسه فاكر
بس جامده بصراحه
مع الإعتذار للأستاذ أحمد

أعمل ايه بس يا باشا

القافية تحكم

المشاركة الأصلية كتبت بواسطة محمد ابراهيم 1

على فكره يا أخ محمد
الأستاذ أحمد (شاركى ) ولا أذكيه على الله
ولكنى أحسبه راجل محترم جدا جدا ومش متعصب
وخدوم إلى أبعد مدى

والله كل أعضاء المنتدى ناس محترمة و أنا متأكد من كده

أنا ماقصدتش حاجة غير صدة ردة و انت قريت الموضوعين وفاهم قصدى

ربنا يكرمنا جميعا

2- تربيط العفشة ده بقه عمري ما شوفت حاجه اسمها بتتربط كل مش عارف ايه
يا عم الحاج اي عربيه هتدخل صيانة في اي ميعاد بيتربط عل عفشتها
انت فاكر نفسك عايش في فرنسا انت في مصر بلد المنحنيات والمتعرجات والمرتفعات والسهول والوديان والنقر وكل اللي قلبك يحبه من تنطيط

العربيه لو دخلت كل 5 الاف صيانة لازم هيتربط على عفشتها
واذا كانو مش بيربطوها بقه في كل صيانة
للأسف ده يبقى عيب عندهم لأن مفيش عربيه حتى لو بي ام عفشتها مش هتحتاج تتربط كل شويه
الموضوع مالوش علاقة بجوده
ده له علاقة بأن في مسامير من كتر الخبط لازم بتهوي شويه

بلاش نبقى واقفين على اي حاجه كده يا راجل يا طيب

عندك حق يابو عبدالله..أنا فى صيانة الألف طلبت منهم يبصوا ع العفشة و قالوا لى انهم كده كده بيبصوا ع العفشة فى أى صيانة عشان عارفين حالة الطريق فى مص

بصراحة توكيل العباسية ناس محترمين جدا

المشاركة الأصلية كتبت بواسطة


[U

ملاحظات سلبية على الصيانة :[/U]
1- سألت المهندس إن كان فيه Wi-Fi و لا لأ محدش كان عارف و قالولى حنسأل و نقلك و بعد ربع ساعة رحت سألت تانى قالى أيو فيه لما جيت أدخل بلاب توب لقيت فيه باسوور و لما رحت سألته عليا قالى يبقوا مش عايزين حد يدخل النهاردة !!!
عكس ما لقيته فى توكيل رينو Wi-Fi شغال عاطول بدون باسوور دا غير توكيل المقطم فيه جهازين كمبيزتر كمان للى عايز يخش على الإنترنت.

2- موضوع تربيط العفشة كل 10 الاف لم أراه فى الميجان !!!

3- قالى تغيير السيور و الصيانة الشاملة فى الياريس و الكورلا عند 40 الف فى المقابل هذه الصيانة فى الميجان عند 60 الف !!!

4- صيانة الياريس الـ 15 الف 500 جم + 340 جم فى صيانة الـ 5 الاف يعنى المجموع خلال 15 الف 840 جم فى مقابل فى الميجان 485 جم فى إجمالى صيانة الـ 15 الف !!!!!

5- المشروبات بفلوس عكس توكيل رينو ببلاااش !!!

واحده واحده نحكي مع بعض:

1- WI-FI موجود وشغال فري وسرعته كويسه , جربته مره قبل كده.

2- عادي, بس المشكله لما طلبت منهم مره انهم يعملوا روتيشن للعجل زي الكتالوج مابيقول, للأسف كنت خارج مش متأكد اتعمل بالظبط زي الكتالوج ولا لأ.

3- انهي سيور بالظبط اللي هاتتغير , علي فكره انا هاعمل صيانه ال 45 تقريبا كمان شهرين , عمري ما هافكر اني اغير اي سير زياده عن اللي موجود في كتالوج الصيانه , إن شاء الله هابقي احكيلكم ايه اللي هايحصل.

4- فعلا هما بيزودا 160 جنيه مصنعيه في كل صيانه مبلغ مبالغ فيه شويه , بس لو عربيتك كان فيها مشكله لا قدر الله هاتحس ان ده مبلغ عادي مقابل اكتشاف العيب ده وتصليحه.

5- طبعا بفلوس متنساش اننا في مصر , وبعدين في ناس بتعمل صيانه لهاي لوكس ومكروباصات ممكن يعيشوا هناك كل يوم علي حس المشاريب المجانيه.

المشاركة الأصلية كتبت بواسطة m5m

رأى الشخصى ليك
بيع الياريس احسن لإنك غير مفتنع بيها و كل شوية تطلع عليها حاجات ما شافوهاش ملاكها
بيعاه هات أى حاجة تانية

هى كل الناس زيك يا باشا
:D :D :D :D :D :D

المشاركة الأصلية كتبت بواسطة أبو عبدالله

طيب ايه الفايده انت مش مصدقني يعني
والله العظيم يا عم ان مهندس في توكيل رينو قال ان الميجان مشكلتها ان اعطالها كتير علشان فيها اوبشن كتير والعربيه مش مستحملاها

أوبشن كتير إيه إللى مش متحملها
دا نفس الأوبشن إللى موجود فى أى عربية إوربية فى فئتها !!!!

المشاركة الأصلية كتبت بواسطة أبو عبدالله

انا بحس ان من كتر الكلام اللي بيتقال على الميجان انتم عاوزين تلبسوه في اي عربيه تانيه

هو لما نتكلم عربية تانية ملاكها أكتر من 90% من ملاكها بيشتكوا من حاجة فيها يبقى عايزين نلبس الكلام بتاع الميجان عليها
لا حول ولا قوة إلا بالله

المشاركة الأصلية كتبت بواسطة أبو عبدالله

2- تربيط العفشة ده بقه عمري ما شوفت حاجه اسمها بتتربط كل مش عارف ايه
يا عم الحاج اي عربيه هتدخل صيانة في اي ميعاد بيتربط عل عفشتها
انت فاكر نفسك عايش في فرنسا انت في مصر بلد المنحنيات والمتعرجات والمرتفعات والسهول والوديان والنقر وكل اللي قلبك يحبه من تنطيط

يا عم الحاج بقولك العربية كات عفستها مش عجبانى و لما دخلت التوكيل قالى لازم تتربط كل 10 لالف لإنها بتفك !!!
فى الميجان عمرى ما حسيت بإحساس العفشة و التفكيك دا خلال 3 سنوات و برضه الميجان بتاعتى بتمشى فى مصر و فى نفس شوارع الياريس مش فى فرنسا

المشاركة الأصلية كتبت بواسطة أبو عبدالله

العربيه لو دخلت كل 5 الاف صيانة لازم هيتربط على عفشتها
واذا كانو مش بيربطوها بقه في كل صيانة
للأسف ده يبقى عيب عندهم لأن مفيش عربيه حتى لو بي ام عفشتها مش هتحتاج تتربط كل شويه
الموضوع مالوش علاقة بجوده
ده له علاقة بأن في مسامير من كتر الخبط لازم بتهوي شويه

بلاش نبقى واقفين على اي حاجه كده يا راجل يا طيب

فيه فرق إنه بيشيك على العفشة و إنها كلها لازم تتربط كل 10 الاف بتتربط

المشاركة الأصلية كتبت بواسطة أبو عبدالله

3 , 4 - تغيير السيور
ماهو المشكلة ان الكورولا والياريس سير الكاتينه جنزير
وعلى فكره باقي السيور بيقعدوا اكتر من كده وممكن يكون ده شغل التوكيل علشان يعمل فلوس
اما بره التوكيل السيور دي الناس بتقعد عليها اكتر من كده بكتير

طب ما توكيل رينو إللى بتقولوا عليه غالى و حرام معلمش شغل التوكيلات دا ليه
لمعلوماتك نفس الكلام دا بيتعمل برضه فى تويوتا الكويت
يعنى واضح إن دى سياسة شركة تويوتا مش الوكيل
يعنى شركة تويوتا شايفه إن الصيانة الشاملة بتاعتها لازم تتم كل 40 الف
و شركة رينو شايفه إن عربياتها بحتاج صيانة شاملة كل 60 الف

المشاركة الأصلية كتبت بواسطة أبو عبدالله

سبق وقولتلك اين كان السعر
هاتلي الياريس في 100 الف صرفت كام بمشاكلها وعيوبها وصيانتها وقطع الغيار اللي اتغيرت فيها حتى لو على الضمان
وهاتلي الميجان صرفت كام بمشاكلها وعيوبها وصيانتها وبقطع الغيار اللي اتغيرت فيها حتى لو على الضمان

مش انت عاوز تثبت من اعتمادية اكتر مع اقل تكلفة

من عينى الإتنين إنت تأمر يا أبو عبدالله
و الحمد لله الإتنين عندى و أدى أول القصيدة
صيانة الـ 15 الف فى الإتنين الياريس مش إللى هى فئة أقل من الميجان صارفة أكتر
و إن شاء الله عند صيان الـ 25 الف ححط باقى المقارنة

المشاركة الأصلية كتبت بواسطة أبو عبدالله

5- المشروبات بفلوس دي مش عارف ممكن تكون نتانه في التوكيل بس
بس للأسف ده مالوش علاقة بنوع العربيه خالص

فعلا مالوش علاقة بالعربية بس له علاقة بتوكيل مش صغير زى تويوتا

على فكرة فيه حاجة نسيت أقولها لما قولتلهم العربية بحدف شوية ممكن تدخلوها على جهاز ظبط الزوايا قالولى معلش أصله بايظ بقاله فترة !!!
توكيل تويوتا بحجم مبيعاته الكبيره فى مصر ماعندوش غير جهاز واحد و بايظ بقاله مده كمان و دا إيه التوكيل الرئيسى يعنى أروح أظبط زوايا بره من الاخر

المشاركة الأصلية كتبت بواسطة tamohsen

واحده واحده نحكي مع بعض:

1- WI-FI موجود وشغال فري وسرعته كويسه , جربته مره قبل كده.
.

أنا بقى قالولى مش عايزين حد يدخل النهاردة علشان كده حاطين باسوور !!!

المشاركة الأصلية كتبت بواسطة tamohsen

2- عادي, بس المشكله لما طلبت منهم مره انهم يعملوا روتيشن للعجل زي الكتالوج مابيقول, للأسف كنت خارج مش متأكد اتعمل بالظبط زي الكتالوج ولا لأ.
.

فيه فرق بين إن العربية عفشتها تتفك كل 10 الاف و إنه إجراء روتينى

المشاركة الأصلية كتبت بواسطة tamohsen

3- انهي سيور بالظبط اللي هاتتغير , علي فكره انا هاعمل صيانه ال 45 تقريبا كمان شهرين , عمري ما هافكر اني اغير اي سير زياده عن اللي موجود في كتالوج الصيانه , إن شاء الله هابقي احكيلكم ايه اللي هايحصل.
.

دا إللى إتقالى و الورقة بتاعة جدول الصيانة مكتوب فيها سيور فقط
و لما تروح صيانة الـ 45 الف أبقى قولنا غيروا سيور إيه
على فكرة دا كمان بيتغير فيها زيت طلمبة الدريكسيون +زيت الجير بوكس +زيت الفرامل و بتتكلف تقريبا 1400 جم

المشاركة الأصلية كتبت بواسطة tamohsen

4- فعلا هما بيزودا 160 جنيه مصنعيه في كل صيانه مبلغ مبالغ فيه شويه , بس لو عربيتك كان فيها مشكله لا قدر الله هاتحس ان ده مبلغ عادي مقابل اكتشاف العيب ده وتصليحه.
.

دا مقابل إكتشاف العيوب فقط يعنى الكشف على العربية
لكن إصلاحها بيبقى فيه مصنعية تانية