الموضوع: تقريــر عن صيـــانة الـ 15 الف للياريـــس - Sharky

ما هو دا للأسف إللى الناس فاكرها
فاكره إن الميجان مليانه أوبشنز مش موجودة فى أى حتة تانى و دا غلط عليها و مبتسحتملوش العربية فعلشان كده محدش مصدق إنها حتسحمل الأوبشن دا
و هى فى الأخر زيها زى غيرها من منافستها فى الأوربى و كل إللى مجنن الناس موضوع الكارت هو دا إللى خلاها معجزة فى نظرهم و خاصة إنها تجميع تركى
و طب ما الكورلا أهى تجميع جنوب افريقى هل دا عيب فيها ؟؟
رغم إن مهندس الإستقبال قالى إن فيه بعض ملاكها إشتكوا من التقفيل
رجعوا قالوا أصل سعرها دا ما ينفعش مع الأوبشن إللى فيها
طب ما الكورلا الجنوب أفريقى نزلت مصر باوبشن قريب من الميجان و بنفس سعر الكرولا إللى قبليها تقريبا
يبقى أزاى نازلة بالأوبشن دا بالسعر دا و بنفس سعر اليابانى إللى مافيهوش الأوبشن بتاعها يبقى دا معناه إنها تعبانة أو حتبوظ بسرعة !!!

برضه قولتلكزي ما انا لم انكر على كلام مهندس تويوتا
لا تنكر انت كلام مهندس رينو اللي اعترف بنفسه ان العربيه اعطالها كتير

اقتباس:
أرسل أصلا بواسطة أبو عبدالله

هو مين 90% دول وبيشتكوا من ايه بالظبط علشان انا مش فاهم بجد

ملاك الكرولا الجديدة من كلام مهندس إستقبال توكيل تويوتا و العديد من ملاكها فى المنتدى

انت متأكد من النسبة دي
امال العربيات اللي مغرقة الشوارع دي ايه
دي اكتر من الميجان يا راجل والله

أقولك الفرق
يشيك يعنى المفروض العربية مظبوطة و يشوف لو حاجة محتاجة تربيط يعنى اطبيعى تكون مظبوطة
لكن إنه لازم كل 10 الاف يربطها علشان بتفك دى معناه إن ما بتقعدش كتير و بتفك
و شئ أساسى إنها تتربط زى تغيير البوجيهات و الفلاتر كده و إلا بتفتح منك

كلام مش مظبوط برضه
يا عم الحاج اي صيانة المفروض انهم بيشيكو على العفشة علشان لو حاجه مهويه
وده شئ طبيعي ولا يوجد فرق بين التشييك والتربيط نفسه
انا قولت قبل كده ان العامل هيمسك المفتاح وهيرفع العربيه يعني كده كده نفس الخطوات قولي ايه الفرق بقه ؟؟؟؟؟
نفس الخطوات يبقى فيه فرق ازاي

فعلا كل فترة يعنى مثلا 30 أو 40 الف على الأقل مش لازم كل 10 الاف لإنها بتفك !!

يا جدعان حد يقولي عربية ايه اللي بتفضل لحد 40 الف كيلو ومش محتاجه تربيط في بلدنا دي

المشكلة انها مش قوة عربيه يعني
دي مسامير ولازم تهوي

يا باشا كل معظم العربيات فى مصر ضمانها ما بيعديش اصلا الـ 60 الف و فيه منها بيبقى سنة أو 20 الف كمان و دلوقتى بقى 100 الف زى التويوتا يبقى دا معناه إن الناس دى مش واثقة برضه فى منتجها !!!!

ددي صيني بقه ولا ايه

ايوه طبعا لما تبقى بتعطي ضمان اقل يبقى اكيد الثقه لسه مش كامله اكيد
معنى كلامك ان المفروض كل واحد ينزل عربيه جديده يعمل ضمنها 100 الف عالطول
مش كده ولا ايه

أمال أسطوانة الدبرياج إللى بتتغير فى الياريس و الأفنسيس دى إيه !!!!

الغريب إن الياريس إللى أقل فئة من الميجان أسعار صيانتها أعلى من الميجان !!!
حتى لو الميجان غيرت حاجات به الضمان الفرق مش حيبقى فرق بين الفئتين أصلا

ما احنا قولنا اسطوانة الدبرياج طلعت كهرباء
والمشكلة ان الناس متعوده تريح رجلها علي الدبرياج طول ما هيا ماشية وده اللي بيبوظها
يعني مش مشكلة تصنيع زي الجنوط اللي محصلتشي التايواني ولا حتى الصيني كله

طيب بالله عليك كام واحد تعرفه غير حاجات على الضمان
وشوف مع تويوتا مثلا كام واحد تعرفه غير على الضمان
وشوف حساسية مكان القطع اللي اتغيرت
يعني لو عطلت على طريق يبقى تعمل ايه ساعتها

انت ليه لما برد عليك بحاجه بتردي عليا بحاجه تانيه
انا بقولك والعربيات اللي بقت اكتر من الميجان في السوق ده
مع انها لسه مكملتشي كام شهر
ودي بقالها كام سنه

تروح تقولي كلام المهندس
مهندس ايه يا اخي دلوقتي

المهندس نفسه قالك ان الناش مش متقبله الفتيس

تانى نقول كمان
العفشة كلها بتفك مش بيبقى مسمار بيهوى دا إللى إتقالى

تاني ايه بس يا عم انت بتتكلم مع واحد مش فاهم حاجه ولا ايه

يعني ايه مسمار بيفك

هو المسمار لو فك العربيه هتمشي عادي ولا ايه

يا اخي مفيش حاجه اسمها مسمار بيتفك دي

في حاجه اسمها تربيط عفشة يعني المسامير مهوية وبيتربط عليها
انت ابقى ادخل كده واتفرج على الصيانة ولا انتم معندكوش زجاج بتشوفوا اي اللي بيحصل في العربيه ولا ايه

ابقى حاول تدخل وتشوف بس

مفيش حاجه اسمها مسمار يفك دي يا راجل يا طيب
اسأل اي عفشجي بره وانت تعرف ان كل العربيات لازم تتربط كل شويه مش كل 40 الف كم

دي لو نقل مش هتقعد كل ده

دى معنى كلامك إنت
و برضه ماردتش ما رينو بقت 100 الف يبقى برضه الناس مش واثقة فى العربية !!!

ايوه صح لأن هما لقو نفسهم خلاص ممكن يخرجوا من السوق بعد الكلام اللي طلع عليها جامد وكانت خلاص
فلو كان معملشي كده كان ممكن يطلع من السوق المصري وتبقى دي نهايته في مصر خلاص لأنه لو طلع مش هيدخل تاني خلاص

اقتباس:
أرسل أصلا بواسطة أبو عبدالله
ما احنا قولنا اسطوانة الدبرياج طلعت كهرباء
والمشكلة ان الناس متعوده تريح رجلها علي الدبرياج طول ما هيا ماشية وده اللي بيبوظها

معلش أصل الناس فى مصر ميعرفوش يسوقوا صح و الناس فى إنجلترا إللى بيشتكوا من فتيس MMT وقرفوا منه برضه مابيعرفوش يسوقوا

ايه اللي جاب MMT دلوقتي
احنا مش بنتكلم على الدبرياج بتاع الياريس والأفينسيس
طيب دول مفيهمشي الفتيس ده خالص

وبعدين لما انت بتتكلم دلوقتي على الأنجليز
طيب ما الأنجليز دول هما اللي عاملين تقرير JDPOWRE اللي انت مش عاجبك تقييمه وان الرينو متذيلة العربيات في التقييم والميجان كمان متذيلة القائمة برضه

بلاش ناخد اللي احنا عاوزين وترك اللي مش عاوزينه

هنتكلم على الأنجليز يبقى هنتكلم على التقرير

و برضه لسه ما جاوبتش ليه شركة تويوتا بتعمل الصيانة الشاملة كل 40 الف رغم عدم وجود تكنولوجيا حديثة و هى المعروفة بالجودة و شركة رينو التعبانة بتعمل صيانتها كل 60 الف رغم التكنولوجيا الحديثة إللى فيها

ليه مجموع صيانات التويوتا لحد 120 الف مش 100 الف أغلى من مجموع صيانات الرينو لحد 120 الف !!!!

انا لم احسب بصراحه الأسعار
ولكن هقولك انت معاك كتالوج الميجان والياريس

صورهم وارفع الصور بتاعتهم هنا
واحنا نشوف ايه اللي بيتغير وبيتفحص في كل عربيه

مش كده احسن


الا انت زعلان انك بتدفع اكتر في الياريس

انت مش واخد بالك ان الياريس دي انت اشترتها بــ 98 الف تقريبا والميجان اشترتها بــ 120 الف تقريبا مش عارف ولكن تقريبا
ولو انت بعت الياريس دلوقتي هتجيبلك فوق 90 الف
ولو بعت الميجان دلوقتي عمرها ما هتجيبلك فوق 85 الف

يبقى انهي الصفقة الرابحة اللي بتدل على اختيار السوق واختيار الناس اللي عمره ما يبقى في اجماع على عربيه ذات تكلفة عالية ابدا استحالة

يعنى ايه اسطوانة دبرياج كهربا
أنا اللى أعرفه ومتأكد منه إن بعض العربيات الياريس موديل 2007 تحديدا كان فيها عيب صناعه والتوكيل بيغير الطقم كله على حسابه والعيب ده منزلش فى موديل 2008

المشاركة الأصلية كتبت بواسطة sharky

نفس الكلام بتكرر و علقت عليه قبل كده بدل المرة مليون

هو أنا بدفع صيانة غالية علشان لما أجى أبيعها يبقى سعر إعادة بيعها عالية !!!
سعر إعادة البيع دا ثقافة سوق مالوش دعوة بتسعير سعر الصيانة

لكن فى الأخر إتفقنا إن سعر الصيانة أغلى من الرينو

من الأخر مش حاقول غير انا كان معايا لانسر قبل الميجان و حاليا معايا ياريس مع الميجان يعنى انا بقارن من تجربة سنين
من الاخر الأوربى أفضل كثيرا و صيانة اليابانى العادية أعلى من صيانة الرينو العادية

مش مسالة بتدفع علشان اعادة البيع
القصد ان كل حاجه ولها ثمن

معلشي مع احترامي للانسر وان كنت انا افضلها على الكليو ولكن للأسف متسوبيشي كلها في تقييم برضه مؤسسة الــ JDPower في ذيل القائمة يعني رينو متعدياها

يعني حتى لما جربت ياباني جربت اقل فئات فيه للأسف
حتى اصحاب الميجان اللي علقو على كلامي باستهزاء وقالو انهم خبره وجربوا الأتنين برضه جربوا اللانسر بس في الياباني

انا عاوزك تركب عربيه ياباني محترمه وبعدين اتكلم عن الياباني عموما
للأسف انا مبتكلمشي بعموم على الأوروبي ودائما بفصل واقول فرنساوي فقط
لأني عارف انا بتكلم في ايه بالتحديد
ولكن دائما لما بترد بتقول ياباني أكنك جربت كل الشركات من اول لكزس لحد سوزوكي ودايهاتسو

يا راجل والله انت لو جربت عربيه ياباني فئة عالية هتعرف انا بتكلم في ايه

ومع احترامي للانسر 98 كسيارة جيده بسعر جيد ولكن تجربتي معاها اني لما جبت بها 140 كنت حاسس بخوف شديد جدا على الطريق والله كان الهوا بيجيبها يمين في شمال

ثانيا كلامك عن عافشة الياريس
انا عاوزك بقه تجرب عافشة الكليو
والله ثم والله الكليو بتعمل كل صيانتها في التوكيل واقسم بالله العربيه تركبها اكنك راكب مراجيح المولد كل حاجه بتشخلل

ما هو المشكلة اللي مجربشي فعلا .......

انا والحمد لله راكب الرينو من اول الرينبو والأوبتيما لحد الكليو
والعيوب واحده وهيا هيا متغيرتش
عافشة ناشفه وشخلله واعطال كهربائية مفاجاة


طيب خد كده عندك ومن مصر كمان

http://www.carsurvey.org/review_90781.html

والتاني كمان

http://www.carsurvey.org/review_92104.html


وقولي العيوب دي من ملاك العربيه ولا من حد تاني
طيب من ملاك العربيه
طيب ممكن تقولي العيوب دي ايه والمشاكل اللي ظهرت دي ليه
وهل تفتكر انها صدفه او قدرا بمعنى اصح ان اتنين من مصر يتكلموا على مشاكل في العربيه
ولا تفتكر انهم عملاء


وخد لفه في الموقع واعمل مقارنه بسيطة بين مثلا الكورولا المعفنه والميجان الجميلة الرشيقه

وشوف هتلاقي الوش ده فين كتير

وهتلاقي الوش ده فين اكتر

وقولي وهات الموديلات اللي انت عاوزها

من 2000 لحد 2007 وبراحتك

ودي اراء ناس زي زيك ويعتبر عددهم حلو لعمل احصاء ومعرفة سريعه من هيا السيارة التي اعجب بها اكثر راكبيها ولم تأثر عليهم بالسلب ولم يقولوا انهم لن يشتروا من مصنعها مره اخرى