تقريــر عن صيـــانة الـ 15 الف للياريـــس - Sharky

**Sharky** · 13-10-2008 03:39 PM

إسمه بالإنجليزى زى العربية
كويل إنجكشن
Coil Injection

قولى إنت بس إيه رأيك فى جودة تويوتا بعد الشكاوى العديدة من الأفنسيس و الأفالون و دى عربيات تويوتا إللى فيها تكنولوجيا و حساسات زى رينو مش الكرولا و الياريس إللى مافيهموش الكلام دا

يا راجل دا حتى الكامرى شوف كده قولى كام واحد مبسوط منها و كام واحد عاجباه حتلاقى الأغلبية قرفانين منها
بس كده على اللينكات دى :
http://www.carsurvey.org/reviews/toyota/camry/2006/
http://www.carsurvey.org/reviews/toyota/camry/2005/
http://www.carsurvey.org/reviews/toyota/camry/2003/

دا إحنا طلعنا غلابة قوى و مضحوك علينا و فاكرين تويوتا دى محصلتش و الناس بره بيشتكوا منها و مش طايقنها و خاصة الكامرى إللى إحنا حنموت عليها فى مصر :D

شكرا يا أبو عبدالله على الموقع المفيد جدا

**أبو عبدالله** · 13-10-2008 03:47 PM

هههههههه
والله انت بتضحكني
بقى كده وصلت ان تويوتا بقت هيا اللي وحشه

هههههههههههه

يعني الياريس دي بقه تروح تبيعها وتركب كليو افضل
ما هيا تويوتا وحشه ورينو ميه ميه

لازم تبيع الياريس قبل ما تغير كويل عند 40 الف

انا عاوزك بدل ما تجيب تهم لأي ماركه تانيه
عاوزك تجيب اعطال الميجان واعملها موضوع خاص
خصوصا في اسباب سوء سمة الميجان

مش المفروض كده ولا ايه

طيب انا معترف بكل اللي موجود في الموقع هناك وتويوتا مش اعتمادة وفيها مشاكل علشان كده شغاله الله ينور في الخليج اللي مش بيفهموا في العربيات وفي العالم كله اللي برضه مش بيفهم في العربيات

والرينو احسن منها بس مستخبية من الناس دي

اعمل موضوع ورد فيه على اسباب سوء سمعة الميجان خصوصا ان التويوتا
مالهاش اي سوء سمعه هنا في مصر خصوصا علشان الناس مش بتعرف حاجه في العربيات

بدل ما تجيب لنكات للمشاكل بتاعت تويوتا خلينا في مشاكل الميجان والرينو عموما
اللي هناك برضه
لأن موضوعنا في الأساس الرينو بالاعتمادية المزعومة هنا ولا لأ
وليس تويوتا فيها مشاكل ولا لأ
مع ان انا اقريت وقولتلك ماشي انا مقتنع ان فيها مشاكل
بس فين وفي ايه والعمر الأفتراضي لقطع الغيار اد ايه علشان نعرف مين اللي هيصرف اكتر من مين بعد 100 الف

**Sharky** · 13-10-2008 03:59 PM

يا باشا هو أنا إللى قلت تويوتا وحشة
دا الموقع بتاعك :D

أولا إللى بينزل فى الخليج الكامرى أقل اوبشن مش زى إللى فى أوربا
ثم لما بقى الناس بره بتشكى من تويوتا يبقوا وحشين و بلاش منهم و نشوف الخليج احسن لأنه بيحب اليابانى :D
لمعلوماتك معظم الخليجين بيركبوا الامريكى و معظم العرب هناك هما إللى بيركبوا اليابانى

ثانيا يا راجل كل المشاكل إللى مليانة دى و تقولى برده جودتها عالية
ياريت تقتنع برايك إللى بطالب بيه الناس و تعترف إن جودة تويوتا بره مش قوى بدليل الموقع إللى إنت جبته :D

ثالثا ليه ما أجبش لينكات لمشاكل تويوتا و خلينى فى رينو فقط !!!

رابعا موضوعنا فى الأساس جودة الإتنين مش رينو فقط

خامسا رينو فيها مشاكل زيها زى أى عربية و تويوتا برضه زيها زى أى عربية فيها مشاكل و ملاكها بره قالوا الكلا دا و بلاش بقى حكاية العمر الإفتراضى دى لإنها ملهاش لازمة بعد البلاوى إللى موجود بره فى تويوتا

ياراجل دا معظم ملاك الكامرى مش طايقنها و تقولى نسبة إللى مش عاجبها الميجان أد إيه
طب أجاوبك نسبة إللى كارهين الكامرى أكتر :D
و نسبة المعجبين بالميجان أكتر من كارهيينها
يبقى دا معناه إيه :D

و سلملى بقى على جودة تويوتا :D

**محمد يوسف** · 13-10-2008 04:05 PM

أنا أسف يا جماعة انى حاتدخل فى الخناقة اللى شغالة بين أبوعبدالله وبين شاركى

بس سؤالى للأستاذ أحمد شاركى لما انت كاره التويوتا قوى كده و حابب الرينو..جبت ليه تويوتا وانت معاك رينو؟

مجرد استفسار والله مش أكتر

**Sharky** · 13-10-2008 04:09 PM

أنا مش كاره تويوتا
انا حبيت أوضح إنها زيها زى أى شركة عندها مشاكل فى عربياتها إللى فيها تكنولوجيا عاليه
يعنى مش زيرو إيفكت زى ما بيتقال

**Sharky** · 13-10-2008 04:14 PM

و على فكرة الياريس إللى جبتها عربية حلوة تقيمتها كويسه فى الموقع إللى أبو عبدالله جابوه
لكن انا اعيب عليها مصاريف صيانتها الغالية و العفشة إللى لازم تتربط كل شوية

ياريت تكون إجاباتى وضحت إستفساراتك

**OlaOsman** · 13-10-2008 04:46 PM

عذرا لتدخلي.. بس انا شايفة ان حوار الرينو و الياباني من نوعية تويوتا و دايهاتسو القائم و المتصل دوما بين أبو عبد الله و شاركي - مع كامل احترامي و تقديري للأشخاص - شايفاه بلا طائل و ما دام وصلنا لنقطة كل مننا متأكد انه الطرف الآخر مش هايقتنع بوجهة نظره مهما حاول إقناعه فمن الأفضل إنهاء النقاش لوجه الله حتى لا يتحول إلى مراء.

أرجو تقبل كلامي بصدر رحب من أخت ليكم :)

**Sharky** · 13-10-2008 05:18 PM

إذن فهى الهدنه

موافق على مبادرة زميلتنا علا

على فكرة انا و أبو عبدالله بنعز بعض قوى و إختلافنا فى الرأى لا يفسد صداقتنا و معزتنا لبعض

و يارب يبطل طناش و يجى القاهرة قريب و أشوفه

دا انا بفكر نطلب من الإدارة تعمل لينا قسم نقعد انا و هو نناكف بعض فيه :D

**OlaOsman** · 13-10-2008 09:18 PM

المشاركة الأصلية كتبت بواسطة sharky

إذن فهى الهدنه

موافق على مبادرة زميلتنا علا

على فكرة انا و أبو عبدالله بنعز بعض قوى و إختلافنا فى الرأى لا يفسد صداقتنا و معزتنا لبعض

و يارب يبطل طناش و يجى القاهرة قريب و أشوفه

دا انا بفكر نطلب من الإدارة تعمل لينا قسم نقعد انا و هو نناكف بعض فيه :D

جزاك الله خيرا يا شاركي على الاستجابة السريعة :)

انا عارفة طبعا معزتك انت و أبو عبد الله لبعض و ربنا يديم المودة بينا جميعا يا رب :)

اما عن إقتراح قسم مناكفات شاركي و أبو عبد الله فأنا أؤيده بشدددددددددددددة :err:

**أبو عبدالله** · 14-10-2008 12:33 AM

المشاركة الأصلية كتبت بواسطة OlaOsman

جزاك الله خيرا يا شاركي على الاستجابة السريعة :)

انا عارفة طبعا معزتك انت و أبو عبد الله لبعض و ربنا يديم المودة بينا جميعا يا رب :)

اما عن إقتراح قسم مناكفات شاركي و أبو عبد الله فأنا أؤيده بشدددددددددددددة :err:

ليه بس كده هدنه ليه
طيب لنك اخير بس علشان اعرف احمد ان كلامي ليس لوحدي
او ليس من ابو عبدالله اللي من مصر ارض الكنانة
يعني للأسف فيه ناس مش بتفهم زي ابو عبدالله في الخارج
بتقول برضه ان رينو معروفة بمشاكل الكهرباء
واعادة البيع بتاعتها برضه بالخارج ضايعه مش علشان المصريين مش بيفهموا
ولكن طلع ان الاجانب برضه مش بيفهموا زي المصريين

I suggest you buy second hand rather than new because they drop their price as most french cars do.

ومشاكل امبولايزر
وان اعتماديتها مش زي الياباني والألماني

تخيل الجمله اتكتبت كده

renaults are not too bad nowadays ,but obviously not as reliable or as well built as japanese or german ,but then they cost a lot less

تقولشي توارد افكار يا راجل

واول رد من الياهو نفسه بيقول

Renault electrics are notoriously bad

وده كمان بيقولك ايه

The main problem with Renaults is the labour charges incurred for carrying out the simplest of tasks due to the engine ancilliaries being tucked away behind pipes and wires, and each other!!

خلي بالك انا مش بقول ان العربيه لها عيوب علشان متقوليش ان كل العربيات فيها عيوب

انا بتكلم اني كنت بقول العيوب دي وكان الرد دائما ياتي ان دي اشاعات وبطلوا تروجوا اشاعات .......... مش كده ولا ايه

اهه الناس بالخارج نفس الكلام بالملي
حتى اعادة البيع برضه نفس الموضوع
مش الناس في مصر مش مقدرين العربيه صح
لأ
طلع الاجانب كمان وفين ده في اوروبا بلد العربيه نفسها

اللنك اهه ومن الياهو كمان

http://answers.yahoo.com/question/in...6123158AAPif41?

وبكده يبقى الختام وسلملي على ارض الكنانة بتاعت العدس

وكده يبقى الهدنة ان شاء الله