صراحة : فكك منها هتغلبك كتييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييير اسمع مني (مجرب)
عرض للطباعة
صراحة : فكك منها هتغلبك كتييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييير اسمع مني (مجرب)
مبدئياً فكك منها
لان بعد الجواز هتقعد تحسسك كل شويه انها عملت واجب فيك
وبعدين موضوع كان فيه ناس طب وهندسه عايزين يتقدموا ده كلام مرسل وأضغاث أحلام
لو كان فيه حد عاوز يتقدم كان اتقدم ايه اللى حايشه
هى المشكله انها قالت انها مش عاوزه الشقه بطريقه فجه غير كده كان ممكن يبقى فيه كلام تانى
انسانة سطحية (مالها لهجة الفلاحين؟؟؟؟؟ هي عار مثلا لا سمح الله ؟؟؟؟؟؟ ) و انت مش مالي عينها ...... فكك منها الله يكرمك ......
اسوا حاجة الزوجة اللي تفضل طول العمر حاسة انها عاملة فيك جميلة انها رضيت تتجوزك و انك ما كنتش تطول ........
بضيف على كلامي : سيبك منها بجد لانها هتغلب جداااا جدااا مش هتخليك راضي على نفسك
نمسكها واحدة واحدة : هي كانت في مستوى منخفض ودلوقتي في مستوى احسن وحضرتك عندك انتماء لعيلتك وللمكان الي انته اتربيت فيه ودي حاجة جميلة (هي هتخليك تخسرها )
ان شاء الله : انت انتقلت لمستوى افضل هتروح معاك وهتبقى مبسوطة مش عشان بتحبك لا عشان عيشتها بقت احسن ( التسلسل هاتلي كذا وكذا ومش هيبقى عاجبها حاجة وصاحباتشي بتجيب ومبتجبش وجوزها مش عارف ايه )
تخيل واحده زي دي انت في مستوى معيشة حلو جدا وهي معاك حصلك دروب جااامد ابتلاء واضطريت اسفا انك تنزل تاني لمستواك الاولاني
(هل تفتكر هتكمل معاك ) الاجابة لاء طبعا دي سوري في اللفظ (هتلعن اليوم الي شافتك فيه )
كفاية انها هتخليك تخسر اهلك لو حبيت تروحلهم او تسال عليهم هتحاول تنسيك اهلك طول ماهما في وضعهم
نصيحتي : ليك ابعد عنها (لانها مش بتحبك )
معنى الحب الحقيقي : انها تعيش جمبك لو حتى كنت عايش في الشارع الحب يعني تضحية لو كانت عايزاك كانت قالتلك انا اعيش معاك في عشة ملهاش سقف كمان
انا اسف لو انا طريقة كلامي كده وده لسبب اني شفت الصنف ده كتير وبحتقره جدا جدا جدا لانه معندوش (الايمان الكافي بانه يقتنع ان الرزق والعيشة والمال والجاه دي حاجة بتاعت ربنا مش بتاعت البشر وان كله في الاخر ملوش لزمة الحب هو الي ليه لزمة :)
مثال قصة حقيقة : انا اعرف واحده كان معاها ليسانس وابوها (عقيد طيار) واخوها (ظابط شرطة ) وعائلتها جامدة جدااا جدااا جداا وعايشين في المدينة حبت واحد معاه دبلوم وصممت عليه واهلها وافقوا الولد ده كان بيكافح وبيشتغل وكان عايش في قرية اتجوزو وراحت معاه القرية وحياتهم حلوة بالحب
دلوقت الراجل ماشاء الله ده خلف منها 4 اطفال وجم عاشوا في المدينة ومعاه اكتر من عربية جايب واحده ليه وواحده ليها وواحده لابنه الي مكملش 17 سنة
وبقى من الاثرياء ماشاء الله شوفت الحب ممكن يودي ال ايه بس الصبر
ابعد عنها ودور على انسانه قنوعه صبورة طيبة :)
و هافولهالك كمان مرة
الاصل في فطرة الامور ان الراجل يكون احسن من زوجته في اغلب الامور
و المفروض تبقى هي شايفاك سوبرمان و احسن واحد في الدنيا و تبقى مالي عينها تماماً
شغل التعالي من اولها و جالي فلان و جالي علان ....... و تلميحات ضمنية انهم احسن منك ...... ما ينفعش
شغل انا اتنازلت و انا بتاع لو بيتقال دلوقتي على حفيف فبعد الجواز هيتقال لك كل يوم ... و في كل خناقة و كل مشكلة
و طبعا هتمشي كلامها عليك في كل حاجة ما انت يا حرام قليل و تحمد ربنا ان الهانم رضيت بيك
حكم عقلك مش عواطفك لانك هتلبس في الحيط لو كملت
ماتزعلشى منى لكن هى فعلا اتنازلت
بصراحه كليه حقوق دلوقتى مش بتأكل عيش
عارف انك مستريح ماديا - لكن المؤهل العلمى مطلوب برضه و هى اعلى منك فى الكليه
فهى فعلا اتنازلت و ده مؤكد فى موضوع الكليه ده - اما موضوع الاقامه فى القريه او المدينه بصراحه مش شايفها تفرق كتير خاصه ان المسافه بينهم 15 دقيقه زى ما انتا بتقول
بصراحه نصيحتى فكك منها - مش علشان هى مصره تقعد فى المدينه - لا علشان هى متفوقه عليك فى ناحيه المؤهل و هى حاسه بكده - و عند اول خلاف بينكم حيظهر انعكاسات التفوق و التنازل ده
لما تختار شريكه حياتك اختارها تكون اقل منك او فى نفس مستواك اجتماعيا و علميا و اخر حاجه تفكر فيها المستوى المادى (مالم يكن فارق المستوى المادى كبير) لإن الفلوس بتروح و تيجي و مابقيتشى دلاله على حاجه
عارف ان كلامى مش مقنع ليك بسبب الرومانسيه اللى انتا عايشها دلوقتى
بينلها انك زعلت وانك اللى بتقرر
هم البنات ساعات يبقوا شايفين نفسهم شوية فى الكلية
عقلت وربنا هداها كان بها فضلت راكة دماغها سيبك منها
يعنى ما تقطعش نهائي مجرد قرصة ودن لغاية ما تقيم الأمور
لو انت عندك استعداد تتنازل متهيالى التنازلات مش هتنتهي
بص الناس كلها عملت الواجب و قالت الصح كله و اللى نفسى فيه و زياده
و على رأى اللى قال " انا مش هحلف بس اقسم بالله" هقولك حوار صغير حصل معايا
واحده كنت بحبها و كنت هتقدملها كانت بتغنى فى نفس الكلام و قالت فى نص الحوار انها شايفانى اوبشن و ان فى ناس كتير متقدمين وكده
طبعا العبد لله ميمشيش معاه الكلام ده خالص
قولتلها انا هساعدك على الاختيار و هشيل الاوبشن ده خالص و دى اخر مكالمه بينا و كل واحد يشوف حاله
طبعا شويه اعتذار و مكنش قصدى طبعا خلاص الحوار انتهى
الملخص :
الجواز مش بالشهاده ( ياما ناس معاها اعلى الشهادات و حراميه و نصابين و مش عايز افسر اكتر من كده)
و ياما ناس مش متعلمين و قمه فى الذوق و الاخلاق
متجيش على نفسك سيبك من حوار بنكلم بعض بالساعات ده الدنيا بعد الجواز مختلفه تماما
انا بحبها والله بس هي مصعباها علي جدا مش مخلياني اخد قرار في صالحنا مفيش مرونه منها مفيش حاجه اسمها اخدت قرار في الجواز لازم يكون في تشاور
انا اسف في الي هقوله ده بس في غيرها لو دخلت حياتي وشافت الي هي هتبقي فيه هتكون طايره من الفرح لكن هي دايما شايفه ان ده اقل حاجه حصلت ليها يعني هديك مثال مره بقولها علي ان لو في حاجه العربيه مووده نجبها بالعربيه فبتقولي متفرقش معايا قولت عادي يعني مش لازم ترقص ان في عربيه بس انها تبقي حاجه ان في حد تاني كان ممكن يكون زي وهيخليها تعيش في مستوي احسن مني مخليني حاسس اني كنت اختيار مؤقت لو نفذت الي عيزاه كان بها لو محصلش في غيرك هيعملههما سابوها زي أي حد بيسيب مكان لانه لقي مكان افضل والعيله كلها مشيت من فتره مش كبيره اوي بس حوالي 9 سنين مثلا وينزلوا القريه كتير لان اهل ابوها وممامتها من هنا مفيش حد في المدينه خالص
حضرتك انا لو عارف ان البيت فيه مشاكل مكنتش انا نفسي هقعد فيه المشكله في تنشيف الدماغ وكلمات التنازل الي بتتقال انا بحبها بس مش عايز ابداء حياتي باني رضيت بحقوق واتنازلت ومش هتنازل في المكان الي هعيش فيه كمان فاهمني حضرتك