اقتباس:
المشاركة الأصلية كتبت بواسطة amr011111
مبدئياً فكك منها
لان بعد الجواز هتقعد تحسسك كل شويه انها عملت واجب فيك
وبعدين موضوع كان فيه ناس طب وهندسه عايزين يتقدموا ده كلام مرسل وأضغاث أحلام
لو كان فيه حد عاوز يتقدم كان اتقدم ايه اللى حايشه
هى المشكله انها قالت انها مش عاوزه الشقه بطريقه فجه غير كده كان ممكن يبقى فيه كلام تانى
هي بتقول زهقت من الكلام في الموضوع ده وانا قدمت كل الوعود الي تخليها تعيش حياه جميله جدا معايا والي اعرفه اني مع الي بحبه اياً كان المكان في الحب انا بحبك اه بس مش هعيش في المكان ده
اقتباس:
المشاركة الأصلية كتبت بواسطة أحمد كمال
انسانة سطحية (مالها لهجة الفلاحين؟؟؟؟؟ هي عار مثلا لا سمح الله ؟؟؟؟؟؟ ) و انت مش مالي عينها ...... فكك منها الله يكرمك ......
اسوا حاجة الزوجة اللي تفضل طول العمر حاسة انها عاملة فيك جميلة انها رضيت تتجوزك و انك ما كنتش تطول ........
انا خايف لو حصل نصيب الكلام ده يتقال وساعتها مش هسمح بيه وحاسس مع اول مشكله ممكن يتقال الله اعلم
اقتباس:
المشاركة الأصلية كتبت بواسطة automea
بضيف على كلامي : سيبك منها بجد لانها هتغلب جداااا جدااا مش هتخليك راضي على نفسك
نمسكها واحدة واحدة : هي كانت في مستوى منخفض ودلوقتي في مستوى احسن وحضرتك عندك انتماء لعيلتك وللمكان الي انته اتربيت فيه ودي حاجة جميلة (هي هتخليك تخسرها )
ان شاء الله : انت انتقلت لمستوى افضل هتروح معاك وهتبقى مبسوطة مش عشان بتحبك لا عشان عيشتها بقت احسن ( التسلسل هاتلي كذا وكذا ومش هيبقى عاجبها حاجة وصاحباتشي بتجيب ومبتجبش وجوزها مش عارف ايه )
تخيل واحده زي دي انت في مستوى معيشة حلو جدا وهي معاك حصلك دروب جااامد ابتلاء واضطريت اسفا انك تنزل تاني لمستواك الاولاني
(هل تفتكر هتكمل معاك ) الاجابة لاء طبعا دي سوري في اللفظ (هتلعن اليوم الي شافتك فيه )
كفاية انها هتخليك تخسر اهلك لو حبيت تروحلهم او تسال عليهم هتحاول تنسيك اهلك طول ماهما في وضعهم
نصيحتي : ليك ابعد عنها (لانها مش بتحبك )
معنى الحب الحقيقي : انها تعيش جمبك لو حتى كنت عايش في الشارع الحب يعني تضحية لو كانت عايزاك كانت قالتلك انا اعيش معاك في عشة ملهاش سقف كمان
انا اسف لو انا طريقة كلامي كده وده لسبب اني شفت الصنف ده كتير وبحتقره جدا جدا جدا لانه معندوش (الايمان الكافي بانه يقتنع ان الرزق والعيشة والمال والجاه دي حاجة بتاعت ربنا مش بتاعت البشر وان كله في الاخر ملوش لزمة الحب هو الي ليه لزمة :)
مثال قصة حقيقة : انا اعرف واحده كان معاها ليسانس وابوها (عقيد طيار) واخوها (ظابط شرطة ) وعائلتها جامدة جدااا جدااا جداا وعايشين في المدينة حبت واحد معاه دبلوم وصممت عليه واهلها وافقوا الولد ده كان بيكافح وبيشتغل وكان عايش في قرية اتجوزو وراحت معاه القرية وحياتهم حلوة بالحب
دلوقت الراجل ماشاء الله ده خلف منها 4 اطفال وجم عاشوا في المدينة ومعاه اكتر من عربية جايب واحده ليه وواحده ليها وواحده لابنه الي مكملش 17 سنة
وبقى من الاثرياء ماشاء الله شوفت الحب ممكن يودي ال ايه بس الصبر
ابعد عنها ودور على انسانه قنوعه صبورة طيبة :)
شكرا لحضرتك قولت الي بفكر فيه بس انا بسال نفسي هو انا غلطان
اقتباس:
المشاركة الأصلية كتبت بواسطة أحمد كمال
و هافولهالك كمان مرة
الاصل في فطرة الامور ان الراجل يكون احسن من زوجته في اغلب الامور
و المفروض تبقى هي شايفاك سوبرمان و احسن واحد في الدنيا و تبقى مالي عينها تماماً
شغل التعالي من اولها و جالي فلان و جالي علان ....... و تلميحات ضمنية انهم احسن منك ...... ما ينفعش
شغل انا اتنازلت و انا بتاع لو بيتقال دلوقتي على حفيف فبعد الجواز هيتقال لك كل يوم ... و في كل خناقة و كل مشكلة
و طبعا هتمشي كلامها عليك في كل حاجة ما انت يا حرام قليل و تحمد ربنا ان الهانم رضيت بيك
حكم عقلك مش عواطفك لانك هتلبس في الحيط لو كملت
ربنا يسهل يا رب
اقتباس:
المشاركة الأصلية كتبت بواسطة khaled_sabry
ماتزعلشى منى لكن هى فعلا اتنازلت
بصراحه كليه حقوق دلوقتى مش بتأكل عيش
عارف انك مستريح ماديا - لكن المؤهل العلمى مطلوب برضه و هى اعلى منك فى الكليه
فهى فعلا اتنازلت و ده مؤكد فى موضوع الكليه ده - اما موضوع الاقامه فى القريه او المدينه بصراحه مش شايفها تفرق كتير خاصه ان المسافه بينهم 15 دقيقه زى ما انتا بتقول
بصراحه نصيحتى فكك منها - مش علشان هى مصره تقعد فى المدينه - لا علشان هى متفوقه عليك فى ناحيه المؤهل و هى حاسه بكده - و عند اول خلاف بينكم حيظهر انعكاسات التفوق و التنازل ده
لما تختار شريكه حياتك اختارها تكون اقل منك او فى نفس مستواك اجتماعيا و علميا و اخر حاجه تفكر فيها المستوى المادى (مالم يكن فارق المستوى المادى كبير) لإن الفلوس بتروح و تيجي و مابقيتشى دلاله على حاجه
عارف ان كلامى مش مقنع ليك بسبب الرومانسيه اللى انتا عايشها دلوقتى
الحياه مش بالكليه حضرتك مادام انا راجل شغال واقدر اصرف علي البيت وبدل الشقه في واحده واتنين وتلاته وعربيه وكل الحاجات الي تخلي العيشه سهله لو هي كان اهلها وزراء ومستشارين كنت قولت ماشي بس اهلها عاديين جدا زينا مفيش فرق يعني الفرق كله في الكليه طبعا دا غير اهلها الي شاييفين انها مش هتتجوز الا دكتور او مهندس لان ده الي احنا عايزينك تعيشي فيه كتر الكلام ده علي ودانها حاسس انه خلاها تحس انها بتضحي بعيشه كبيره مستنياها مش هتلاقيها مع واحد متمسك يقعد في قريه مع اهله
اقتباس:
المشاركة الأصلية كتبت بواسطة ahmedteam
بص الناس كلها عملت الواجب و قالت الصح كله و اللى نفسى فيه و زياده
و على رأى اللى قال " انا مش هحلف بس اقسم بالله" هقولك حوار صغير حصل معايا
واحده كنت بحبها و كنت هتقدملها كانت بتغنى فى نفس الكلام و قالت فى نص الحوار انها شايفانى اوبشن و ان فى ناس كتير متقدمين وكده
طبعا العبد لله ميمشيش معاه الكلام ده خالص
قولتلها انا هساعدك على الاختيار و هشيل الاوبشن ده خالص و دى اخر مكالمه بينا و كل واحد يشوف حاله
طبعا شويه اعتذار و مكنش قصدى طبعا خلاص الحوار انتهى
الملخص :
الجواز مش بالشهاده ( ياما ناس معاها اعلى الشهادات و حراميه و نصابين و مش عايز افسر اكتر من كده)
ده الي بقوله والله مش بالكليه
و ياما ناس مش متعلمين و قمه فى الذوق و الاخلاق
متجيش على نفسك سيبك من حوار بنكلم بعض بالساعات ده الدنيا بعد الجواز مختلفه تماما