ابعد عنها خالصصصصصصصصصصصصصصصصصصصص
عرض للطباعة
ابعد عنها خالصصصصصصصصصصصصصصصصصصصص
يجماعة بلاش نتكلم بسطحية ونقول لوبتحبك ههتنازل الخخخخخ
وليه الى بيتكلم ميفكروش بطريقة تفكيره هية
يعنى من الى باين من كلامها انها بتفكر بالطريق التى تم تصويره ليه عن البلد وبيت العيلة والكبيرة الخ
وياريت قبل متحكم على اى حد حط نفسك مكانه
صديقى المواطن
فى سبيل الحب يموت كل شىء.. ولكن إذا كان الحب مقابل الكرامة.. فليموت الحب وتحيا الكرامة... وبس
من وجهة نظري كأنثى :-
1) البنت لسة في الجامعة وبتحبك ( زي ما بتقول ) .
2) السن دا أكيد مش بالخبرة الكافية اللي تضحي بحبها علشان شكليات أو طموحات .
3) الكلام المنقول لك دا نصائح من أحد معارفها أو والدتها .
4) الكلام اللي دايماً كان بيتقال لنا في فترة الخطوبة ( لازم يشتريكي ، لازم يضحي ، لازم تعرفيه أنك أعلى منه علشان يقدرك أكتر ويفضل خايف على حبك ، لازم يعرف أنك مطلوبة من دكاترة ومهندسين وأنتي هتضحي علشانه ، أبعدي عن بيت العيلة كله مشاكل ) .
5) بعد كل النصائح دي من الأصحاب أو الأهل أو المعارف ( لو البنت بتحب بجد بتضحي بكل دا) .
6) يعني هي في الآخر مش بتحبك حب حقيقي ، هي بتحب فيك أنك بتحبها ، وبتحب فيك إمكانياتك الأعلى منها ( كما قولت ) ولكن لا ولن ولم تعترف بدا أبداً .
7) لو أتنازلت وضحيت علشانها أول مرة هتفضل تتنازل وتضحي طول العمر ومش هيعجب برضوا.
8) ولو هي أتنازلت بقيمة كليتك ياعيني ( الحقوق ) ، هتفضل تزلك طول عمرها بالتنازل .
9) وفي الآخر : ممكن كل الكلام دا ما يأثرش في قرارك ( اللي الله أعلم به ) لأنك مغمور بحبها ، فحاول تصلي صلاة إستخارة ، وربنا يدلك على الصالح .
اللهم أرزق أولادنا وبناتنا بالزيجات الصالحة
اللهم آمين
انا مش فاهم حكاية غلطان ف ايه انك كتبت موضوع كده ؟؟ لا مش غلطان احنا اخوات وبنتناقش
بس اكبر غلطة لو انت كملت في الموضوع ده
فيه سناريوهين ..
الاول ده مش كلامها يعني كلام اهلها وفي الحالة دي مش هتعرف تعيش منهم
الثاني ده كلامها وطبعا ده ان دل على شئ فهو انها بتحب الماديات ..الخ وبرضو مش هتعرف تعيش معاها
انا مش بقفلها فوشك ولا حاجه بس شوف وحده غيرها وادعي ربنا يوفقك للاصلح
اخى العزيز هذا هو الرد وانا لم اكتبه ولكن توارد خواطر مع اخى shiko85 لانه كتب الذى كنت سوف ارد بيه
هى مش عارفه تعبر عن اللى هى عايزاه بأسلوب ناضج شويه
كانت تقصد لما اتكلمت على الكليه انها كانت بتحلم مثلا تتجوز مهندس او طبيب و انها حتى لما اتقدم لها دول رفضتهم علشان بتحبك و عايزاك (اعتبرت انها تخلت عن جزء من حلمها علشانك فا عايزاك تعوضها عن ده بأنك تعيشها فالمكان اللى هى عايزاه مش تخليها تتخلى عن باقى حلمها)
انتوا بتحبوا بعض و عايزين الحلال يبقى حرام تضيعوا الحب ده علشان قلة خبره او قله وعى
خلى بالك غلطان اللى يلاقى حد يحبه بجد و يضيعه منه او يضيع الحب ده لأى سبب لانه بكره هيندم لان الحب فالزمن ده زى ما بيقولوا بقى عزيز جدا
استحملها و اعمل المستحيل علشان تكون معاها و خليك انت العاقل و فهمها انك شاريها و انك هتعمل كل اللى تقدر عليه علشان تكونوا لبعض و علشان تخليها اسعد واحده فالدنيا (بس مش مجرد كلام لازم تكون صادق فده)
على فكره انا خريج تجاره وزوجتى ماجستير اقتصاد وعلوم سياسيه وطلبت منها عدم النزول الى العمل ووافقت وصار لنا 26 سنه متزوجون والحمدلله
ماهي مش راضيه خالص يعني تقولي هعمل كل حاجه الا ان اقعد فيها اقول اصبري محدش عارف النصيب فين تقولي اوك بس مش في البلد برضه والله زي ما بقولك كدهمعلش بس المفاجاءه بقي ان اهلي بالذات اخويا جوز خالتها شايفهم متكبرين اصلا ولو فتحت معاه الموضوع اصلا هيقولي وانت عملت ليه كده اصلا بس لو كانت معايا ومع راي كان هيقتنع وهقوله انها مش زي الفكره الي في دماغك
اكيد والله وباذن الله هيحصل
بص موضوع السكن مش مهم خالص
المشكلة فالكلمة الي اتقالت اتنازلت وكلية حقوق
خلي بالك جدا من الجملة دي
لان قدام هتلاقي تنازلات منك كتير وانت الي هتتعب
يا سيدى الفاضل هى مش عايزه تقعد فالشقه, نفسيا مش مستعده تسكن فالمكان ده و كان نفسها انك تحس بيها وتطمنها و تقولها مش هنقعد فيها علشان خاطرك و الكلام اللى انت عارفه ده
طبعا الأعضاء هنا بتقول الردود على حسب وصفك و كلامك بس صدقنى كل واحد بينقل الصوره من وجهة نظره هو بمعنى ان لو هى اللى بتتكلم اكيد كان هيبقى فيه وجهة نظر مختلفه و بعد تانى للموضوع و قصه غير اللى انت قلتها و هتلاقى اعضاء هنا مؤيدين لوجهة نظهرها
و فالأخر انت بس اللى تقدر تحكم و تقرر
اسهل حاجه اقولك سيبك منها بس صدقنى ده مش الحل كل حاجه فالدنيا فيها جزء جيد و جزء سئ مفيش حاجه جيده فالمطلق و لا سيئه فالمطلق و الأختلاف بين الأشخاص فتعامل كل شخص مع الجزء الجيد و الجزء السئ بمعنى انك هتلاقى نفس الموقف لأشخاص مختلفين و كل واحد ليه رأى او فكر مختلف
لو انا مكانك اجرب و اقولها انك مش هتسكن فالشقه و فالسنتين دول هحاول اجيب شقه فمكان تانى او ممكن تقولها انك هتشوف شقه ايجار فأى مكان هى عايزاه و شوف هتقولك ايه
والله قالت موافقه يبقى فعلا هى مش عايزه تسكن فالشقه للسبب اللى هى قالت عليه و لو قالت انا مش هسكن فشقه ايجار تعرف انها هتتعبك فحياتك كلها و يبقى سيبك منها احسن