دى حاجه تسعدنى و شرف ليا :satelite:
عرض للطباعة
عايز افكرك ان الحلال صعب جدا
اسأل اى حد هتلاقى كل واحد حصل معاه مواقف او معوقات اول ما فكر فالحلال
مشاكل ماديه مشاكل مع الأهل مشاكل ..... مشاكل.....
اللى عايز الحلال لازم يحارب علشان يوصله
هقولك تانى اوعى تفرط فيها لو هى بتحبك بجد و اوعى تفرط فيها لو انت بتحبها بجد
انا بتكلم عن الحب اللى الهدف منه الجواز
كلام حضرتك علي راسي من فوق بس انا حاسس اني لو اتنازلت في دي وبعدت عن اهلي بعد ما شرحت انا مختار المكان ده ليه هتنازل في حاجات كتير اوي بعد كده تاني حاجه ايه فمره انها تقول ده قرار انا خدته خلاص ايه الفمره في اني اضحي انا بكل ده وهي لا وتقولي اصل اصحابي مش هيرضوا يجوا يباركولي لما نتجوز علشان المكان الي احنا فيه اقسم بالله تعالي في كلام لو اتقال هيغير وجه نظر حضرتك انا بحبها فعلا علشان متقولش اني بكرهها بس الي بيحب بيعمل اي حاجه والمفروض تقولي انا معاك لاني صاحب الحق في اني اقعد باسبابي المقنعه مش اللهجه الفلاحي واصحابي الي مش هيجولي
الطموح والشقة والكلية والاحلام كل ده منطقى جدا في حالة جواز الصالونات
اللى بيعيش في المدينة ميقدرش يعيش في القرية اكيد وطبيعى ومنطقى برضه الا في حالة الحب
اصل الحب ده ينطبق عليه قوانين تانية خالص كلها غير منطقية وكلها تضحيات وتنازلات عن اى حاجة الا حاجة واحدة بس انك تضحى بالشخص اللى بتحبه خاصة لو الحب متبادل
بس لو فكرنا من وجهة نظر البنت هتلاقيها بتفكر بنفس الطريقة وبتقول لو بتحبها هتحقق كل احلامها ومش هترفضلها طلب ومش هتضحى بيها عشان تسكن في بيت العيلة لان سكنك في مدينة على بعد دقايق مش معناها انك هتفارق اهلك ولا هتبقا بعيد عنهم وصعب تشوفهم
خاصة لو هى عارفة ان امكانياتك المادية تسمح
موضوع الكلية واتنازلت والعرسان طوابير دى كلها دلع بنات وانت اكتر شخص تقدر تحدد ده دلع فعلا عشان تعبر عن حبها ليك وتخليك دايما غيور وخايف تضيع منك ولا هى فعلا مش فارق معاها تكملوا مع بعض اولا
بس خلاصة الكلام لحسم الموقف لو انت فعلا متمسك بالسكن في بيت العيلة وشخصيا منصحكش بيه حتى لو هى وافقت لانها هتكون متحفزة تجاهم من البداية لانها هتكون مرغمة وكارهاهم لانهم من وجهة نظرها سبب سكنها في القرية وانك فضلتهم عليها
بس لو انت مش هتقدر تسكن غير في بيت العيلة وعندك استعداد تخسرها هى وومتسيبش بيت العيلة
يبقا بلغها قرارك ده انك مش هتسكن غير في بيت العيلة وتسيبلها الاختيار والقرار الاخير تحب تكمل معاك ولا كل واحد يروح لحاله
اخى شيكو تقبل تحياتى سبحان الله كل كلمه كتبتها فى مشاركاتك كنت بافكر فيها
فموضوع ان الاعضاء سوف يردون على المشاركه بطريقه مختلفه لو كانت الاخت هى التى كتبت المشكله
وموضوع ان الانسان الكامل غير موجود فكل شخص به صفات جيده وصفات غير جيده ويجب ان نتقبل من نحب
الواحد شاف من الدنيا كتير بجد و اكتر حاجه بتزعلنى ان حد يخسر انسان بيحبه او يضيع منه حد بيحبه
اللى اعرفه ان اللى بيحب حد بيعمل المستحيل علشان يكون معاه و يكون مستعد ان يحارب الدنيا كلها فسبيل انه يوصل للى هو عايزه
البنت بتختلف عن الولد فالجزء ده على حسب نشأتها و طبع اهلها فيه بنات بتقدر تستحمل و تقاوم و تحارب و تضحى بأى حاجه علشان تكون مع الشخص اللى بتحبه و فيه بنات تانيه عايزه كل حاجه و مش عايزه تضحى بأى حاجه و كأنها هى بدون اى عيوب و فيه بنات بتستسلم و تسيب اهلها يرسمولها حياتها و فالأخر اللى بيفرط فاللى بيحبه مهما كانت الأسباب هو اللى خسران