الموضوع: بعد حيرة اتراج الجديدة 2014

المشاركة الأصلية كتبت بواسطة Lama

عايزة أسأل إذا كنت هشتري عربية في حدود 110000 جنيه
صني نيسان ex أفضل و لا أتراج أعلى فئة ؟

بصى انا فكرت كتيييييييييييير والنيسان عدت عليا والافيو والاكسنت يوزد
النيسان يابانى والاتراج يبانى بالنسبة للوسع الاتراج واسعة والصنى اوسع بالنسبة للشكل الاتراج تكسب بمراحل دى 2014 لكن الصنى وقفت عند شكلها وبعدت عنها لكن كعربية متجربة وهى تمام لكن الاتراج مش متجربة بس انا جايبها لان المبدئيات الاولية بتقول انها كويسة من حيث المتور والامان
من الاخر الاتراج عملية متور صغير هيادى الغرض ويوفر ماديات والوسع والتكيف ممتاز
الصنى عربية متجربة وممتازة لكن حريقة بنزين متور اكبر لكن شكل قدم خالص والشكل الجديد منها محدش شكر فيه خالص وربنا يوفقك
الصنى ex تقريبا ب 117 الف
والاتراج ب 113 الف

بس انها 1200 سي سي و 3 سلندر مش بيخليها أضعف من الصني ؟

الف مليون مبروك وعقبال ماتعمل تقرير حلو كده بعد ال1000 كيلو الاول

الله يبارك فيكم وفعلا انا احساسى بيقولى انها مش تربو انا لقيت كلمة تربو على الصور اللى من النت برة مصر فقط
هو المعرض قافل عنده على العربية لان ورقها لسة مجاش وهيفتح الاحد ولما اروح اخليه يحسم الموضوع ولو هو مش متاكد مش هطلع غير لما يجيب قرارها وهو اللى قالى تربو انا عن نفسى مش فارق معايا بس اللى يفرق معايا ان محدش يقول اى حاجة مش فى العربية علشان يحلى البضاعة

المشاركة الأصلية كتبت بواسطة hosam_optrawy

أستاذ هانى , مبدأيا خلينا نتفق ان 90 % من اللى شغالين في المعارض في مصر لا يفقهوا شيء عن العربيات اللى بيبيعوها ومعلوماتهم غير دقيقه بشكل عام , وعندهم إستعداد يقولوا أي كلام عشان يحلوا بضاعه زى مانت قلت خصوصا لو شايفين الزبون اللى قدامهم معندوش خبره كفايه وممكن يصدق اى كلام يتقال له , فمش اى كلام تسمعه من البياعين تصدقه حتى لو شخص بتثق فيه

بالنسبه للمواتير mivec هي مواتير خاصه بشركة ميتسوبيشى ومش شرط تكون تربو وكلمة مايفك إختصار ل mitsubishi innovative valve timing electronic control system وتقدر تقرا عنه بإستفاضه أكتر في اللينك دا

mivec - wikipedia, the free encyclopedia

ثانيا موتور الأتراج هو نفس موتور الميراج مش عارف حضرتك قريت الكلام دا فين , ويعنى ايه بيعتمد على التسارع ؟ الموتور هو هو في العربيتين

ثالثا هانفترض ان الموتور دا تربو خلينا ناخدها بالعقل احنا لينا بالأرقام , ازاى مطلع 78 حصان و 100 نيوتن ؟!! وتسارع ضعيف جدا 0-100 ف 14 ث ؟!! اقل موتور 1200 تربو هايطلع فوق ال 100 حصان والاهم من الحصان العزم هايكون فوق ال 170 نيوتن

يعنى كمثال السيات ليون الجديده نازله 1200 تربو 105 حصان 175 نيوتن التسارع بتاعها 0-100 في 10 ثوانى

يعنى مستحيل بأى حال من الأحوال موتور الأتراج يكون تربو , وعشان تعرف مواصفات اى عربيه إدخل الموقع الرسمي ليها ماتاخدش بكلام حد

ودا الموقع الرسمي للأتراج هاتلاقى في كل مواصفاتها بالتفصيل

specifications | attrage/mirageg4 | mitsubishi motors

استاذ حاتم الجزء ده من اللينك اللى انت منزله بعد ما ترجمته
(ميتسوبيشي توقيت صمام مبتكر نظام التحكم الإلكتروني) [1] هو اسم العلامة التجارية لتوقيت الصمام المتغير (vvt) تكنولوجيا المحرك التي وضعتها شركة ميتسوبيشي موتورز. Mivec، كما هو الحال مع أنظمة أخرى مماثلة، يختلف توقيت تناول وأعمدة الكامات العادم مما يزيد من القوة وعزم الدوران الناتج على نطاق واسع سرعة المحرك في حين يجري أيضا قادرة على مساعدة التخزين المؤقت شاحن توربيني بسرعة أكبر.

هو معنى كدة ان المافيك فيه شاحن توربينى وواضح من الكلام ان المافيك بيدى عزم اعلى ويزيد سرعة المحرك ؟ ياريت تفهمنى بشكل اوضح

عربية اقتصادية جميلة ربنا يباركلك فيها