الموضوع: أيها الإخوة الأعزاء ... أسألكم المشورة.

المشاركة الأصلية كتبت بواسطة جندى مجند

ربنا يوفقكو و يباركلكو فى الموضوع دة ... فعلاً أسعار الشقق فى اسكندرية بقت تجيب الضغط ... المشكلة الرئيسية اللى حتواجه حضرتك بالاضافة لكل التحذيرات و الاحتياطات اللى الاخوة قالوها هى الترخيص ... المقاولين دلوقت بيخافوا جداً انهم يعلوا الارتفاع عن الترخيص و هو دة اللى سبب ارتفاع الأسعار الشديد دة ... فطبعاً الأرض اللى حضرتك حتشتريها ممكن عرض الشارع ميسمحش انه يطلع عليها 10 أو 12 دور ... أنا أعرف واحد بانى عمارة واخدة ناصية شارع العيسوى (شوف شارع واسع أد ايه) مع شارع تانى و بنى 4 أدوار و واقف مش عارف يكمل و طبعاً مش عايز يبيع عشان مش عارف يجيب تكاليفه ... و الظاهر انه شكله كدة مستنى المحافظ يمشى و ييجى واحد تانى!

شكرا لردك ...
إحنا كمان هنستني تحسن الحال يا المحافظ يسمح بالأرتفاعات يا يمشي...


سورى على المداخلة
بس هو من السهل كدة انك تلاقى 12 واحد حتة واحدة من اصحابك وكلهم معاهم نفس الرقم ال 200 الف دول
هى الفكرة جميلة بس مش عارف التنفيذ والتنسيق واتفاق الناس والمواعيد والرغبات كل دى معقولة هاتتفق
انا بس مع الفكرة الحلوة والعملية بس المهم التنفيذ

و لا سوري و لا حاجه يا باشا :)
بص إحنا الـ 12 في شركة واحدة و ظروفنا تقريبا واحدة و بعدين أنا مختارهم علي الفرازة
أنا عارف إن الموضوع صعب سواء أتفاق الناس او المحافظ أو المقاول و مقدار مصداقيته
لكن أنا حسيت إننا بنتسرق لما الشقة تتباع بـ 400 ألف أو أكثر و هي متكلفة 150 ألف أو أقل
فقلت أحاول أكسر الدائرة دي ... و نجحت خير :) .. فشلت يكفيني شرف المحاولة :?