لسه مغير الجوان من قريب عشان كانت بتعمل طحينه فى غطاء الزيت والمياه كانت بتنقص كتير
لكن دلوقتى المياه مش بتنقص خالص الحمد لله وبرضه العربيه بتسخن مع الجرى بس
كده الدوره اكيد واخده هوا ممكن الدوره فيها تنفيس يعني الميه ممكن متقلش وفي نفس الوقت فيها فتحه صغيره بتدخل هوا للدوره والعربيه مش هتسخن كده غير مع الجري بسبب الهوا,روح اكشف علي الردياتير والخراطيم والوصلات كلها واتاكد ان مفيهاش تنفيس وان شاء الله يكون هو ده السبب
سؤال صغير عدد ريش مروحة التبريد كام ريشة ؟
لو 4 ريشة يبقى العربية لازم تسخن نصيحتى ركب مروحة الموتور 1600 6 ريشة انا ركبتها والعربية الحرارة مابتزيدش عن 90 حتى لو مشيت على سرعة 120 ك
واهم حاجة لازم تغسل دورة التبريد وتحط مية خضراء اصلى وانا باحط مية ابرو usa بعد ماجربت مشاكل مية الحنفية وحتى لو حتزود المية زودها مية خضراء وربنا يكفينا شر الحمى والسعال الديكى !!!
سؤال صغير عدد ريش مروحة التبريد كام ريشة ؟
لو 4 ريشة يبقى العربية لازم تسخن نصيحتى ركب مروحة الموتور 1600 6 ريشة انا ركبتها والعربية الحرارة مابتزيدش عن 90 حتى لو مشيت على سرعة 120 ك
واهم حاجة لازم تغسل دورة التبريد وتحط مية خضراء اصلى وانا باحط مية ابرو usa بعد ماجربت مشاكل مية الحنفية وحتى لو حتزود المية زودها مية خضراء وربنا يكفينا شر الحمى والسعال الديكى !!!
حتة اخيرة اكشف على اجهزة وخراطيم امامى الفرامل لان الفرامل قدام لو قفشة دة بيزود الحمل على الموتور فى السرعات العالية وبيسخن طنابير العجل وبياكل تيل الفرامل
السلام عليكم يا جماعة
انا هقولكم ان شاء الله عن سر جديد من اسرار الفليشيا عرفته بقدر الله رغم ان السيارة معايا منذ 2007 ولم اعرف هذا السر الخطير.
منذ فترة وانا الاقى الميه بتنقص من دورة التبريد ومش عارف بتنقص منين ورحت للميكانيكى ومعرفش بتنقص منين وعمال ادور وابص ومش شايف اى تسريب
وبقيت ابص تحت العربية ومبلاقيش ميه بتنقط منها
وطبعا العربية بقت بتاخد هوا من هذا التسريب وبقت بتسخن وبتاكل ميه كتير
وايضا بلاقى صدى فى القربة على الرغم ان الريداتير المونيوم وطبعا الموتور الومنيوم
المهم كنت فى يوم فى مشوار والدنيا كانت حر شوية ولقيت العربية سخنت قمت نزلت ازود الميه كالعادة لقيت ميه عمالة تنقط من تحتها
الغريبة ان الميه لقيتها جاية عند سدر العربية
روحت للميكانيكى واتارى ان فيه وصلة بتدخل للساخن فى سربنتينه نحاس عشان تدفى العربية
وهذه السربنتينه موجوده فى علبه سودة تحت هواية الكبوت وهذه السربنتينة اتخرمت من عامل الزمن وكانت السبب فى وجود الصدء فى القربة اللى هو من النحاس بتاع السربنتينه
قمنا لغينا هذه الوصلة ونظفت الريداتير وحطيت ميه والحمد لله بقت بتنقص بمعدل معقول
قولت افيدكم عشان تاخدوا بالكم وتدعوا لى
شكرا لكم
ياجماعة الكلام ده جميل جدا وفعلا اى حد يفتح كابوت عربية المانى يعرف ان فيه حاجة اسمها الشجرة فى دورة التبريد
الف شكر
معلومة مهمة جداااا
ما الثرموستات القديم بيشتغل تقريبا عند نفس الدرجة من الحرارة ؟ لو جبت اقل مثلا هيبقي ف مشكله ؟اقتباس:
ثرموستات 90 على 80 درجة 20 جنية