اقتباس المشاركة الأصلية كتبت بواسطة Mohamedjetta مشاهدة المشاركة
انا من ملاك الجيتا dsg السبع سرعات (مش بتاعتي بتاعت الوالد بس انا اللي بسوقها دايما )و عيبه الوحيد ان الكلتشات مش بتستحمل الزحمه نهائي وممكن تغير بعد 30 الف او 40 الف بس لو استعملت الفتيس صح انك ف الزحمه تكون ع المانويل او s بس انا بحس ان s بيخلي الموتور مضايق ومعلي صوته و يفضل تستخدم المانويل عشان يكون فيه تحكم و الصراحه يا باشا ان كل يوم ببقي بفكر ف الفتيس ومتوتر لو انت من النوع ده هتتعب اوي
وتحياتي ليك وفعلا الشكاوي مختفيه اوي بعد 2012
نسيت اقولك الفتيس ده فيه رزعة خفيفه كده لما تعمل كيك داون و تفرمل عشان شفت حاجه مفاجاءه قدامك
وفيه اصوات الشخلله
احب اوضح معني كلاتشات
الفتيس DSG فتيس مانيوال بتحكم آلي في الدبرياج (الكلاتش)
وطالما فتيس مانيوال يبقي فيه اسطوانة (كلاتش Clutch Plate) والمعجز في الفتيس دة انه مش علي كلاتش واحدة
دة علي 2 كلاتش يعني كأنه 2 فتيس في قلب بعض
ومع طبعا التبديل الكتير بين الكلاتشات فطبيعي انهم يستهلكوا او يتأكلوا وبالتالي بيتغيروا كتير وللأسف غاليين

عايز تحافظ عليهم
اشتغل مانيوال في الزحمة عشان التغيير يبقي بشويش شوية او سبورت عشان تمشي علي نفس الغيار مسافة اطول

طوالي اشتغل d لأنه مش هيغير كتير لو انت ثابت علي سرعة وليكن 90

اي استفسار انا تحت امرك