الموضوع: استرا 2014 ولا سيراتو 2015

المشاركة الأصلية كتبت بواسطة yasser100

فيه معليش كذا نقطه :
اه المواتير كلها نفس الرينج و العزم بس الاوزان كام هيه دى المهمه
الاسترا موتورها مش وحش بالعكس بس وزن العربيه هو اللى تقيل و ده اللى يخوف من ضعف قوة الموتور على اخر الاربع سنين اللى هو بيقول عليهم مع استهلاك التكييف كمان
الراجل عايز يبيع بعد اربع سنين و مش عايز يخسر كتير و احنا كلنا عارفين الاوبل بتكون عامله ازاى اسعار اعادة البيع و معظم الاوروبى
مواتير السيراتو و الالنترا بتصفى على احصنه اقل من 130 لانهم بيقسوه قبل ما بيركب على العربيه غير الاوبل بيتقاس بعد ما بيركب يعنى ممكن يصفوا على 115 حصان برضه بس الوزن هو ده المقصود . الاسترا 1400 كجم و ده كتير

انا نقطي من إن ال1600 في نفس الرينج مش الإشارة أنه موتور ضعيف.
انا بقول إن الاسترا عشان تنافس في الفئة السعرية دي لازم تنزل بالموتور ده بالرغم من وزنها, لأن الوزن ليه شغل جامد في الثبات والأمان. لو دخلت علي الeuroncap وبصيت عالأسترا هتلاقيها واخدة 95%. يعني عربية أمنة بمعني الكلمة.
و لو نزلوها بالتيربو هتخش في فئة سعرية عالية ومحدش هيشتريها أو قليل اللي هيشتريها, وساعتها كنا هنقول الاسترا عربية جبارة بس المشكلة انها غالية عشان تيربو, بس لو كان في منها موتور 1600 عادي كانت هتبقي حاجة تانية.
فانا شايف أنه الموتور مش نقطة ضعف عالعربية, اللي عايز شد وجري يجيب حاجة تانية.
اللي عايز عربية ALL ROUNDER يبقي الأسترا.

المشاركة الأصلية كتبت بواسطة amh_1983

يعني اية خلاصة الكلام
لو هبيع كمان 5 سنين بمعدل الكيلومترات اللي بقطعة دة اعمل اية

أعتقد السيراتو.
الأسترا ممكن تنزل نازلة جامدة في سعرها مع نزول الأسترا ال2015.

المشاركة الأصلية كتبت بواسطة yasser100

ده نظام المواتير الجديد اللى فارض مواصفاته الاتحاد الاوروبى لاستهلاك البنزين الاقل و انبعاثات اقل و ده بيحتاج فتيس تكنولوجيا عاليه الله اعلم هايكون ايه ظروفها

هو الموتور مصمم من أوبل وبيطابق مواصفات الeuro 5 ومش محتاج فتيس مخصوص ولا حاجة هو موتور في الأخر.
اي فتيس بيقي ليه اعلي عزم يقدر يستحمله والفتيس بتاع الاسترا بيستحمل لأكتر من 240 نيوتن. فالموتور ده ممكن يركب عالفتيس بتاع الاسترا اللي هنا عشان يوفره في مصاريف الإنتاج.
بس ممكن برضه ينزله فتيسات جديدة عشان يقلله الإستهلاك أكتر وأكتر. بس الأسعار هتزيد اكتر وأكتر برضه.

المشاركة الأصلية كتبت بواسطة yasser100

تمام . انا باقيسها على نفس تجربة فولكس اللى نزلت مواتير tsi و معاها فتيس dsg علشان يدى احسن عزم . بغض النظر عن مشاكله و برضه كان علشان سبب euro5 ده التريند برضه

ربنا يستر وأوبل ماتتهورش زي فولكس وتنزل فتيس مش ملائم لبلدنا.
المصيبة إن في توقعات ان الاسترا ال2015 تنزل بفتيس 6 سرعات...........dual clutch !!!!!!!!!!!!!!!!!!!
والله لو اوبل عملت كده وطلع في مشاكل (مفيش فتيس بالتكنولوجيا دي مفهوش مشاكل) يبقي ده اول مسمار في نعشها.
ربنا يستر.

الاسترا الجديدة مش حتنزل بره قبل ٢٠١٦. Next Vauxhall Astra in development for 2016 launch | Autocar هي حتدخل خط الانتاج في ٢٠١٥ و تنزل علي اخر ٢٠١٥ طبعا منصور حيجبها هنا ٢٠١٧ زي ما عمل مع الاسترا j الي نزلت سبتمبر ٢٠٠٩ و هو جابها اخر ٢٠١٠ في مصر بموديل ٢٠١١