زيت فتيس كوردوبا 2006 اتوماتيك

**A_7akam** · 25-05-2014 02:57 PM

السلام عليكم
أرجوا المساعدة
كنت حابب أسأل على زيت فتيس سيات كوردوبا 2006 أتوماتيك هيه عاملة معايا دلوقتي 52000 وانا عارف ان الزيت بيتغير على 60000 بس لقيت تعريقة زيت عند كارتيره الفتيس فقررت أغير الزيت فكنت عايز أعرف انسب زيت ايه وهل الوفلر اي تي اف 3 الجديد ينفع معاها ولا لأ وطبعا انتم عارفين الفتيس الألماني من أقل حاجة بيعمل مشاكل.

تحياتي وشكراً للمساعدة

**A_7akam** · 26-05-2014 08:00 AM

ياجماعة حد يساعدني من فضلكم كوردوبا 2006 اتوماتيك كود الموتور والفتيس bky عايز اعرف زيت الفتيس نوعة ايه وبتاخد كام لتر ومين اللي ممكن يغيري الزيت بطريقة صحيحة وكمان عايز اعمل فحص على العربية هيه عاملة 52000 .

وشكراً للمساعدة

**Karim Ibiza** · 27-05-2014 07:54 AM

أهلا بيك فى قسم سيات نايل موتورز

فى البداية أحب أعتذر عن التأخير فى الرد لأنى لسه شايف الموضوع حالا

أنا معلوماتى عن زيت الفتيس الأوتوماتيك للموديل ده بتقول انه يتزود فقط, لكن اذا حضرتك معاك الكتالوج وبيقول يتغير يبقى أكيد هو الأصح

عموما الفتيس عندك بياخد 5.7 لتر والزيت اللى تجيبه هو زيت febi ATF

بالنسبة لزيت فتيس وولفر أنا مش عارف مواصفاته ولا درجة لزوجته ايه وبالتالى مقدرش أقولك جربه

تحياتى ليك مرة تانية

**A_7akam** · 27-05-2014 11:16 AM

شكراً ياكريم على الرد انا فعلا راجعت على الكتالوج وقايل يتغير عند 60000 ومش كاتب حاجة عن نوع الزيت لكن في كتالوج الفحص كاتب انه atf فانا محتار هو الزيت من الأبيض الموصل للكهرباء ولا العادي وبعدين كل بتوع مراكز الصيانة بيقولوا بتاخد 4 لتر ولما رحت أسأل في التوكيل قالي 6 لتر بس لو غيرناه هيبقى على مسئوليتك وانا بقيت محتار ومش عايز حد يشتغلني ويجرب على حساب عمر الفتيس.

ارجوا الإفادة وشكرا للمساعدة

**Karim Ibiza** · 27-05-2014 11:31 AM

المشاركة الأصلية كتبت بواسطة a_7akam

شكراً ياكريم على الرد انا فعلا راجعت على الكتالوج وقايل يتغير عند 60000 ومش كاتب حاجة عن نوع الزيت لكن في كتالوج الفحص كاتب انه atf فانا محتار هو الزيت من الأبيض الموصل للكهرباء ولا العادي وبعدين كل بتوع مراكز الصيانة بيقولوا بتاخد 4 لتر ولما رحت أسأل في التوكيل قالي 6 لتر بس لو غيرناه هيبقى على مسئوليتك وانا بقيت محتار ومش عايز حد يشتغلني ويجرب على حساب عمر الفتيس.

ارجوا الإفادة وشكرا للمساعدة

طيب ليه فى التوكيل قالولك على مسؤوليتك؟

بالنسبة للكمية زى ما قلتلك هو 5.7 لتر , يعنى أقل من 6 لتر بحوالى ربع لتر

**SYD** · 27-05-2014 02:06 PM

بص يا باشا
حتي الأن
من خلال بحثي لم اجد لزوجة محددة لزيت الفتيس تيبترونيك 6 غيار
ولكن كل ما ورد حول التغيير كان كالأتي
1- فترات التغيير بين 30,000 - 60,000 ميل (يعني حوالي بين 48 لحد 96,000 كم)
2- الزيت تخليقي بالكامل (مش مذكور لزوجة)
3- بعض مراكز الخدمة بتنصح بعدم تغييره والبعض ينصح بتغييره وتغيير الفلتر ايضاً

لم انتهي من بحثي
ولكن حبيت ارد علي حضرتك علشان حضرتك مستعجل الرد

تحياتي لشخصكم الكريم