تجربتى فى تغيير البطارية للافااااااااااااادة

**loda80** · 25-05-2014 08:28 PM

السلام عليكم يا رجالة الاوبل الكرام
انا كنت عملت موضوع عن احتمالية وجود مشكلة فى البطارية وقد كان واشكر جميع الاعضاء اللى شاركوا برأيهم فى هذا الموضوع وطنانى باشا بردة وقد أجمعوا على acdelco 66 أمبير ولما نزلت ودورت رحت لواحد معرفة وكان عندة النوع دا بس ادانى نوع تانى كورى بيقولى لسة ماركة جديدة ومحترمة وقالى كمان هتدعيلى طيب اية هية الماركة دى يا هندسة اسمها ديوبكس خرج 62AH و600 ma المهم بكام قالى انت مش زبون والكلام دا المهم جبتها على 440 جنية بالضمان وقلتلوا و فيها حاجة قالى تعلالى المهم توكلت على الله وقست الشحن مع الاحمال اديت 13,8 تقريبا من غير ما ادوس بنزين قلت الحمد لله وخلصت فيها البطارية بالمناسبة جافة وانا بلف كمان لقيت ال acdelco ب 585 قلت حرااااااااااام اجيب بطارية وتتغير بعد سنتين بالسعر دا
كنت عايز اعرف ررأيكم فى الديوبكس الكوري دى وال خرج 62 اللى بيقولوا عليها 70 امبير مناسب للفيكترا ولا قليل عليها وكمااان بالنسبة للسعر انا اتخدمت ولا اتختمت ههههه ياريت متبخلوش بالرد لان ممكن ناس تانية محتاجة رأيكم واسف على الاطالة وتقبلوا تحياتى

**Omar Mahmoud** · 25-05-2014 08:57 PM

الف مبروك
انا مش فاهم يعني هي 70 امبير مش كدة؟لو كدة مناسب
بس بعد كدة متخليش صنايعي يجيبلك حاجة حتي لو عارفه كويس لان بغير بفارتا و خلصت بعد اربع سنين جيت اغير قاللي نوع ممتاز اسمه فولت ماستر ايطالي بعد سنة و شهر باظت و في اليوم ده كان عندي فحص