الموضوع: استشارة قانونية ـ عقد ابتدائي كمبوند

لازم تخلي بالك ان اللى حتمضي عليه هو ده اللى حيلتزم بيه الطرفين - محدش يقولك كبر دماغك و بعدين ساعة المشاكل الورق اللى بيتكلم و كل اللى اي حد قالهولك يبقى نصب و اي كلام فارغ - أو لازم انت كملن تعمل شغل النصب و تجيب ناس تفهم فيه و تخش فى وجع دماغ
انا حقولك على رأي من خلال تعاملاتى


[QUOTE=Abdelmoneem;3875600206]السلام عليكم،،


أولاّ، العقد بحق امتياز حتى سداد كامل الثامن، يعني من الآخر استلم الشقة لما أدفع الأقساط كلها

مفيش حد بيسللم الشقة و تقدر تتصرف فيها من غير ما تكون سددت كامل القيمة و معاك مخالصة - بس الشركة هنا مجحفة عشان بتقول :ان فلوسك كلها اللى دفعتها :انها تعامل كحق إمتياز مثل الإيجار أو حق انتفاع مش بغرض انها تبقى تمليك - و بالشرط ده الشركة بتأمن نفسها عشان محدش يقدر يشتكيها

المفروض العقد يقول صراحا ان الشركة باعت الشقة بيع موقوف على سداد الثمن و أسقط و تنازل بكافة الضمانات الفعلية و القانونية عن الشقة للمالك


ثانيًا، وده اللي أنا قلقان بسببه، في بند في العقد بيقول "لا يحق للطرف الثاني التصرف في الوحدة المبيعة إلا بعد سداد كامل الثمن .. وفي حالة رغبة الطرف الثاني في التنازل عن العقد للغير بعد سداد كامل الثمن يستحق للشركة مقابل عن التنازل 5% من إجمالي الثمن للغير.
جزء من الرد فى الفقرة السابقة و يكمل عليه أن الفكرة ان كل الشركات بتاخد نسبة من قيمة العقد بين المالك الاصلي و الشركة - بس البند هنا بيقول ان الشركة حتاخد ال5% من قيمة البيع مش من العقد الاصلي - طبعا مش من حقه أصلا بس للأسف الناس تتفنن فى أكل أموال الناس بالباطل



ثالثاً، في بند التسليم مكتوب "يتم تسليم الوحدة المبيعة كاملة المباني مع نهاية آخر قسط بعد سداد كامل الثمن، ويتم التسليم النهائي لباقي أعمال المشروع بالكمبوند بعد عام من التسليم ما لم يكن التأخير خارجًا عن إرادة الشركة. وفي حالة تأخر الشركة في التسليم يحق للطرف الثاني استكمال أعمال التشطيب الداخلي للوحدة في الموعد المتفق ومتعاقد عليه.


كلمة كاملة المباني مش مفهومة و لازم تتوضح و المفروض توضح نوع التشطيب بالظبط او تشير إليه لو مذكور فى بند تاني - و غرض البند ده مش مفهوم و إذا أشار تسليم الوحدة يعنى يحص لك التصرف فيها فالمفروض يبقى يعاد صياغة و إلا من حقه طبقا للنص انه ميسلمكش إلا بعد سداد قيمة الثمن
تسليم الكمبوند المفروض يبقى فى ميعاد محدد و طبعا ده لعب فى الكلام عاشان يضمن حقة انك مش بطالب بتسليم المشروع زي الناس اللى بتقرف الشركات التانية
للأسف اي عقد لو تقرأه كويس حيبقى دايما فى صالح الشركة و لازم يأمنوا نفسهم فى كل حاجة و حضرتك متعرفش تاخد حقك إلا فى أضيق الحدوود



رابعًا، في بند بيقول إن الطرف الثاني ملتزم بمصاريف ورسوم وأتعاب الدعاوى اللي تترفع بشأن العقد، ويضمن عدم الرجوع بشيء منها على الطرف الأول البائع.


الكلام عام جدا و يفسر فى الحالتين - انت ترفع عليهم قضية - او حد يرفع عليك قضية بسبب الشقة - هو طبعا المفروض يكون الحالة الثانية فقط و لا يجوز فى الحالة الأولى

فإذا لم يوجد بند آخر يحدد الحالة الآولى يبقى كده البند عام و يجب تغييره او تحديده
و ياريت منعا للبس يبقى ارفع صورة العقد عشان نشوف باقى العقود لأن فى بنود ممكن تكمل معنى عقود او تغيرها