الموضوع: صيانة الريداتير

الزملاء الاعزاء سلام الله عليكم ورحمة وبركاتة
بماذا تنصحونى فى صيانة الريداتير 1- هناك ماكينة فى البنزينات بشوفها بتسحب المياة والريداتير راكب مكانة فى العربية
2- والطريقى الثانية هى فك الريداتير وغسيلة عند المتخصصين
ايهما افضل ولماذا بعد اذن حضراتكوا
2105 1995

انا جربت الماكينة اللى فى البنزينة وممتازة جدا وبعمل الصيانة دى كل دخلة صيف

انا اللى جربته فك الردياتير وغسله وتزويده بالماء الاخضر وعمل معايا نتيجة زى الفل الصيف اللى فات

بص يا باشا
أنا معرفش موضوع المكنه اللى فى البنزينه بس موضوع غسيل الريداتير سهل
أنا جربت أروح لمتخصص ريداتير, و كان شغله كويس, و فيه ميزة أنه بيسلك المواسير اللى جوه الريداتير بمياه نار مخففه و لو فيه إخرام أو تسريب بيلحمه طبعاً الكلام ده مش فى البنزينه.

بعد كده بقيت بسلك الريداتير بنفسى:
1- أفك الخرطوم اللى فوق الدينامو (و أغطى الدينامو بكيس بلاستيك كويس) أو تفك الطبه اللى تحت الريداتير (لو عرفت توصل لها), و تفضى شوية مياة بتاع لترين, و تربط تانى
2- بعد ككده تجيب زجاجتين خل طعام (بتاع السلطه ده) و تحطه فى الريداتير و القربه و تمشيلك بيه يومين
طبعاً الخل هيلف مع المياه و يسلك المجارى بتاعة الريداتير و البلوك و يشيل الأملاح المتراكمه كلها
(فيه ناس بتحط جاز مع الخل علشان يلين طرمبة المياة و برضه مزيل للصدأ)
3- بعد يومين: تجيب خرطوم مياة أو زجاجات / جراكن مياه (مصدر للمياه و خلاص)
4- مفك عادة و كام كولية (أفيز) حسب قطر الخراطيم اللى عندك, و ممكن تحتاج بكرة تافلون من عند محلات السباكه
5- هتفك الخرطوم الكبير اللى داخل من المكنه على الريداتير من فوق و تفك غطا الريداتير و تحط مياه عادية خالص (مياة حنفية) باستمرار - سواء بخرطوم المياة او الزجاجات - داخل الريداتير, و سيبها شوية تنزل كل اللى جوه لحد المياه اللى بتطلع من الخرطوم تبقى بيضاء
6- اربط الخرطوم اللى فوق تانى( و يفضل تلف لفتين تافلون على مكان تركيب الخرطوم قبل التركيب و تغير الكوليه لو محتاج)
7- فك الخرطوم اللى فوق الدينامو أو الطبه اللى تحت الريداتير و فضى المياه كلها
8- برضه أربط الخرطوم تانى و برضه تلف لفتين تافلون و تغير الكولية لو احتاجت, المهم تربط حلو علشان ميبقاش فيه تسريب
9- تغسل القربة من جوة و الخرطوم بتاعها غسله تمام (ممكن بمياه و صابون من الداخل و الخارج) و تربطهم مكانهم و تشد الحزام بتاع تثبيت القربه مكانها
10- تملى القربة و الريداتير مياه (مقطرة أو مياة تكييف أو خضرا بس مش الرخيصه)

و مبروك مقدماً

المشاركة الأصلية كتبت بواسطة zing0

بص يا باشا
أنا معرفش موضوع المكنه اللى فى البنزينه بس موضوع غسيل الريداتير سهل
أنا جربت أروح لمتخصص ريداتير, و كان شغله كويس, و فيه ميزة أنه بيسلك المواسير اللى جوه الريداتير بمياه نار مخففه و لو فيه إخرام أو تسريب بيلحمه طبعاً الكلام ده مش فى البنزينه.

بعد كده بقيت بسلك الريداتير بنفسى:
1- أفك الخرطوم اللى فوق الدينامو (و أغطى الدينامو بكيس بلاستيك كويس) أو تفك الطبه اللى تحت الريداتير (لو عرفت توصل لها), و تفضى شوية مياة بتاع لترين, و تربط تانى
2- بعد ككده تجيب زجاجتين خل طعام (بتاع السلطه ده) و تحطه فى الريداتير و القربه و تمشيلك بيه يومين
طبعاً الخل هيلف مع المياه و يسلك المجارى بتاعة الريداتير و البلوك و يشيل الأملاح المتراكمه كلها
(فيه ناس بتحط جاز مع الخل علشان يلين طرمبة المياة و برضه مزيل للصدأ)
3- بعد يومين: تجيب خرطوم مياة أو زجاجات / جراكن مياه (مصدر للمياه و خلاص)
4- مفك عادة و كام كولية (أفيز) حسب قطر الخراطيم اللى عندك, و ممكن تحتاج بكرة تافلون من عند محلات السباكه
5- هتفك الخرطوم الكبير اللى داخل من المكنه على الريداتير من فوق و تفك غطا الريداتير و تحط مياه عادية خالص (مياة حنفية) باستمرار - سواء بخرطوم المياة او الزجاجات - داخل الريداتير, و سيبها شوية تنزل كل اللى جوه لحد المياه اللى بتطلع من الخرطوم تبقى بيضاء
6- اربط الخرطوم اللى فوق تانى( و يفضل تلف لفتين تافلون على مكان تركيب الخرطوم قبل التركيب و تغير الكوليه لو محتاج)
7- فك الخرطوم اللى فوق الدينامو أو الطبه اللى تحت الريداتير و فضى المياه كلها
8- برضه أربط الخرطوم تانى و برضه تلف لفتين تافلون و تغير الكولية لو احتاجت, المهم تربط حلو علشان ميبقاش فيه تسريب
9- تغسل القربة من جوة و الخرطوم بتاعها غسله تمام (ممكن بمياه و صابون من الداخل و الخارج) و تربطهم مكانهم و تشد الحزام بتاع تثبيت القربه مكانها
10- تملى القربة و الريداتير مياه (مقطرة أو مياة تكييف أو خضرا بس مش الرخيصه)

و مبروك مقدماً

طيب ازاي اعرف ان الراديتير محتاج صيانه علما بأن سيارتي موديل 2014 وهيا لسه جديده حطيط مياه خضراء رخيصه اول ماجيبتها في شهر 2 وعايز اغيرها بمياه توتال الحمراء 30% تركيز علما بأن الراديتير عندي الومنيوم بتاع الفبريقه ؟؟؟؟؟؟؟؟؟؟
ولا ميلحقش يحصل سدد او صدي او حاجه و اتوكل علي الله واغير الميه فقط لاغير ومعملشي حاجه في الراديتير ؟؟؟؟؟؟؟؟؟؟

طيب ازاي اعرف ان الراديتير محتاج صيانه علما بأن سيارتي موديل 2014 وهيا لسه جديده حطيط مياه خضراء رخيصه اول ماجيبتها في شهر 2 وعايز اغيرها بمياه توتال الحمراء 30% تركيز علما بأن الراديتير عندي الومنيوم بتاع الفبريقه ؟؟؟؟؟؟؟؟؟؟
ولا ميلحقش يحصل سدد او صدي او حاجه و اتوكل علي الله واغير الميه فقط لاغير ومعملشي حاجه في الراديتير ؟؟؟؟؟؟؟؟؟؟

ربنا يبارك لك فيها
طبعاً دى موديل السنه يعنى لسه الريداتير و دورة التبريد كلها بخيرها مفيهاش رواسب زى العربيات القديمه
حضرتك هتفضى المياه و تحط الجديده و شكراً
فيه ناس علشان تتجنب الغش بتحط مياه مقطرة (من بتاعة البطاريات أو من التكييف) علشان بتكون مياه بدون أملاح نهائى و يحطوا عليها علبه كوولر cooler و ده أرخص و أضمن حل من المياه الملونه اللى بتتغش دى

نسيت أنبه على حاجه مهمه جداً
موضوع تنضيف الريداتير ده يفضل تعمله و هيا العربية بارده تماماً
و لما تحط مياه بالخرطوم للغسيل أو لما تحط المياه النهائية (سواء المقطرة أو الملونه)- فى كلا الحالتين لازم تكون العربية دايرة و انت بتحط المياه علشان حاجتين
1- أثناء الغسيل و هو الموتور داير المياه هتتقلب مع طرمبة المياه و تنضف كل اللى جوه دايرة التبريد
2- علشان المكنه متكونش سخنه و تدخلها مياه بارده فجأه فيقوم البلوق يقفع و العياذ بالله و تدخل فى حوارات خرط و جوانات ... ربنا يسترها معانا

أعاننا الله و إياكم للخير

نسيت أنبه على حاجه مهمه جداً
موضوع تنضيف الريداتير ده يفضل تعمله و هيا العربية بارده تماماً
و لما تحط مياه بالخرطوم للغسيل أو لما تحط المياه النهائية (سواء المقطرة أو الملونه)- فى كلا الحالتين لازم تكون العربية دايرة و انت بتحط المياه علشان حاجتين
1- أثناء الغسيل و هو الموتور داير المياه هتتقلب مع طرمبة المياه و تنضف كل اللى جوه دايرة التبريد
2- علشان المكنه متكونش سخنه و تدخلها مياه بارده فجأه فيقوم البلوق يقفع و العياذ بالله و تدخل فى حوارات خرط و جوانات ... ربنا يسترها معانا

أعاننا الله و إياكم للخير

كل الشكر والتقدير والاحترام لجميع الردود الخاصة بسيادتكم وشكرااا على الاهتمام وتعظيم الاستفادة وربنا يسترها معانا ومعاكوا