اجيب إيه

**M.Yehya** · 02-06-2014 02:04 AM

السلام عليكم و رحمة الله و بركاته
اهلا بكل اعضاء المنتدى الكرام

دي اول مشاركه ليه هنا و كنت عايز راي حضراتكم في موضوع شراء سياره

و انا كان ليا ميول لحاجتين اولا فيكترا بي 1 او 2 المهم الحاله النضيفه
ثانيا اجيب جيلي ام جراند زيرو
فياريت الاخوه الافاضل يفيدوني بالاصلح
و شكرا

**د احمد** · 02-06-2014 02:38 AM

طبعا فيكترا بي 2 بس المهم الحاله

**caeser** · 02-06-2014 02:45 AM

طبعاااااااااااااااااااااا فيكترا بي

ام جراند اية يا باشا

انت بتقارن الالماني بالصيني طب دة كلام يا راجل

الفيكترا انا بسميها الرصاصة

**mohamedeltawel** · 02-06-2014 04:48 AM

بصراحه مقارنه مش فى محلها اينعم الايمى جراند شكلها ومشيها دلوقتى شيك بس اصبر عليها 3 او 4 سنين واتفرج عليها هتبقى عامله ازاى
خليك مع بنت الاصول اكرملك واصلحلك

**M.Yehya** · 02-06-2014 11:57 AM

المشاركة الأصلية كتبت بواسطة mohamedeltawel

بصراحه مقارنه مش فى محلها اينعم الايمى جراند شكلها ومشيها دلوقتى شيك بس اصبر عليها 3 او 4 سنين واتفرج عليها هتبقى عامله ازاى
خليك مع بنت الاصول اكرملك واصلحلك

انا عارف ان المقارنه مش في محلها بس المشكله ان انا بحب الفيكترا جدا بس خايف من اعطالها و ده جطبعا علشان سيرنها الذاتيه مع الناس بتقول كده اعطال كتير و قصع غيار غاليه
لكن حطيت في المقارنه معاها و دي مش مقارنه و لا حاجه على فكره ده بس اقل عربيه ممكن اشتريها زيرو مقارنة بالفلوس اللي معايا و اسمي ح اركب زيرو
الخلاصه انا بحب الاوبل بس نفسي اركب عربيه تريحني
وفي نفس الوقت انا مش بسافر كتير

**kaza** · 02-06-2014 09:05 AM

مع كامل احترامي لاراء الاوبلاوية واللي انا كنت واحد منهم بمنتهي الحيادية الاوبل بلاعة قطع غيار واصلاحات لا تنتهي تقريبا كل مشوار حاجة بتبوظ اشي طلمبة مياة - اشر ايرماس - حساس كرنك -شداد كاتينة والله ما عدي شهر بدون زيارة للميكانيكي واخر ما قرفت بقيت باصلحا بنفسي بعد ما دخت علي كتاب الصيانة وجيبتة واظن الاوبلاوية كلهم بيعانوا العربية دي وانا اسف كلنا بنضحك علي بعض بانها الماني تصبيرة يعني لكن لا تقارن نهائي بالمرسيدس والبي ام او حتي الاودي والفولكس كفاية فضيحة الفتيس في الموديلات فيكترا سي والاسترا ولا الكورسا
نصيحة وبرضة في منتهي الحيادية لو ناوي علي الاميجر اند افضل مليون مرة من وجع القلب واللف علي قطع الغيار واسعار مبالغ فيها بحجة الالماني
ياراجل الاوبشن والحركات افضل بكتير والعربية باعت 15000 في السوق المصري في سنتين ومنتشرة حاليا اكتر من الاسبرانزا ولو دخلت اليوتيوب حتجدها منتشرة في اوكرانيا واليونان وتركيا وانجلترا ويكفي حصولها علي 4 نجوم في اختبارات الصدم الاوروبي وانها اول صيني تنتشر كدة
مش باعمل دعايا بس العربية متوازنة من حيث بتدفع كام وبتاخد اية غير هتشتري دماغك لمدة لاتقل عن 4-5 سنين من موال قطع الغيار والصيانات
بلدنا غرريبة عن اي بلد في سوق العربيات وعندنا الكوري والصيني هما اللي واكلين السوق وربنا يصلح الاحوال والماركات العريقة والتي لاجدال عليها زي الفيات والبيجو والفولكس والتي يقال انها سيارات اقتصادية برضة الفورد ولعامة الشعب واسعارها كويسة وطبعا الياباني تويوتا وهوندا ونيسان ومؤخرا ميتسوبيشي ترجع تاني لمكانتها ويكون ليها مصانع او تتجمع في مصر يارب ومانحتجش لا كوري ولاصيني رغم انهم بيغزوا اسواق العالم باسعار رخيصة وجودة واعتمادية حاليا
في الاخر استخير ربك واتكل علية

**Omar Mahmoud** · 02-06-2014 01:30 PM

المشاركة الأصلية كتبت بواسطة kaza

مع كامل احترامي لاراء الاوبلاوية واللي انا كنت واحد منهم بمنتهي الحيادية الاوبل بلاعة قطع غيار واصلاحات لا تنتهي تقريبا كل مشوار حاجة بتبوظ اشي طلمبة مياة - اشر ايرماس - حساس كرنك -شداد كاتينة والله ما عدي شهر بدون زيارة للميكانيكي واخر ما قرفت بقيت باصلحا بنفسي بعد ما دخت علي كتاب الصيانة وجيبتة واظن الاوبلاوية كلهم بيعانوا العربية دي وانا اسف كلنا بنضحك علي بعض بانها الماني تصبيرة يعني لكن لا تقارن نهائي بالمرسيدس والبي ام او حتي الاودي والفولكس كفاية فضيحة الفتيس في الموديلات فيكترا سي والاسترا ولا الكورسا
نصيحة وبرضة في منتهي الحيادية لو ناوي علي الاميجر اند افضل مليون مرة من وجع القلب واللف علي قطع الغيار واسعار مبالغ فيها بحجة الالماني
ياراجل الاوبشن والحركات افضل بكتير والعربية باعت 15000 في السوق المصري في سنتين ومنتشرة حاليا اكتر من الاسبرانزا ولو دخلت اليوتيوب حتجدها منتشرة في اوكرانيا واليونان وتركيا وانجلترا ويكفي حصولها علي 4 نجوم في اختبارات الصدم الاوروبي وانها اول صيني تنتشر كدة
مش باعمل دعايا بس العربية متوازنة من حيث بتدفع كام وبتاخد اية غير هتشتري دماغك لمدة لاتقل عن 4-5 سنين من موال قطع الغيار والصيانات
بلدنا غرريبة عن اي بلد في سوق العربيات وعندنا الكوري والصيني هما اللي واكلين السوق وربنا يصلح الاحوال والماركات العريقة والتي لاجدال عليها زي الفيات والبيجو والفولكس والتي يقال انها سيارات اقتصادية برضة الفورد ولعامة الشعب واسعارها كويسة وطبعا الياباني تويوتا وهوندا ونيسان ومؤخرا ميتسوبيشي ترجع تاني لمكانتها ويكون ليها مصانع او تتجمع في مصر يارب ومانحتجش لا كوري ولاصيني رغم انهم بيغزوا اسواق العالم باسعار رخيصة وجودة واعتمادية حاليا
في الاخر استخير ربك واتكل علية

مش كل اللي معاهم اوبل هنا في المنتدي بتعطل منهم كتير صحيح في بتعطل كتير و قرفاهم و في لا.
الفتيس الايزي ترونيك في مصر بس نزل في فيات و اوبل و تويوتا و برة مصر عربيات كتير بتستخدمه و لو علي فضيحة الفتيس يبقي الdsg 7 سرعات ايه؟؟