الموضوع: ▓ ميتسوبيشى (اتراج) ▓ Attrage

عربية كويسه بس ممكن يكون سعرفا فيه زيادة شوية لكونها تايلاندي ، وفيه تجار منزلينها بخلاف التوكيل كان معلن في ملحق اخبار السبت قبل الماضي حد كان كاتب العملاق التايلاندي
تقبلوا مروري

المشاركة الأصلية كتبت بواسطة drmemo80

ليه التحامل على العربية ومحدش ركبها انا جربتها فى التوكيل عربية تحفة وسحبها حلو وجبت بيها 130 مع التكييف وثباتها جميل ولو عاوز تتقارن تتقارن بالبيكانتو اكيد هتكسبها وواسعة وعالية عن الارض وموتورها تكنولوجى عالى والمستقبل للعربيات دى عشان بتدى اداء معقول واستهلاك بنزين رائع

يافندم مش تحامل ولا حاجة بس حضرتك بتكلم عن 111 الف وكانه مبلغ صغير. هو فيه ايه هو 111 الف دى كام شهر شغل يعنى لو قلنا انا لو دخلى الشهرى 7 الاف جنيه ( طبعا ده دخل كبير نسبياىبالنسبة لعامة الشعب ) يبقى انا اشتغل 16 شهر منغير ما اصرف خالص على بيتى يعنى فى الواقع انا اقعد 4 سنين علشان احوش المبلغ ده وفى الاخر يجيبلى عربية زى الاتراج او اللوجان. انا هقول ان اللى دخله زى فى بلد شقيق زى السعودية او الامارات دخله الشهرى حوالى 12 الف ريال او درهم يعنى يكافئ شغل 5 شهور لو هجيب كورولا 2014 ب 60 الف تقريبا يعنى سنة تحويش.
ده اللى مزعلنى

الصراحة غالية أوي على مواصفاتها.
أنا شايف أنها مفيهاش ميزة غير استهلاك البنزين و دي متستاهلش كل السعر ده.
أنا معايا بروتون ساجا أوتوماتيك و مواصفاتها أفضل كتير من أتراج و أرخص حوالي 20% و تقفيل ماليزي.
ال3 سلندر أنا مخافش منها لأني كان عندي دايو ماتيز 3 سلندر و كانت زي الفل. طبعا مع التكييف العزم بيقل شوية.