الموضوع: ▓ ميتسوبيشى (اتراج) ▓ Attrage

المشاركة الأصلية كتبت بواسطة eng f3lix

المشكلة يا دكتور ايمن ان احنا في مصر الواحد اما بيجي يشتري عربية بيقعد يستلف من هنا ويتداين من هنا وياخد قروض عشان يدوبك يلحق يجيب العربية قبل ماتغلى

انا متوقع ان العربية دي موديل 2015 منها سعرها هيعدي ال 118 الف .. يعني زي الجين2 الاوتو بالظبط :)

والزبون يشتري ومبسوط وفاكرها عربية العمر .. وانا افضل اعيط من كتر الضحك عالجهل

ربنا يهدي الناس وتفهم بقى لانهم عايزين عربية وخلاص وقليل اوي لما حد يدور على مواصفات معينة

خد بالك ياباشا إنها بتلعب في ملعب العربيات الموفرة للوقود ومصاريف التشغيل والملعب ده الأنواع الجيدة فيه قليلة فعلا ولكن مطلوبة حاليا

يعني مثلا أنا معايا الألتو 800 سي سي ومعايا البيرسونا ... وبصراحة البيرسونا برغم متعة قيادتها إلا إن اللى نازل وسط البلد أو مكان زحمة سواء أنا أو المدام بيسيب البيرسونا وياخد الألتو لأن البيرسونا غول بنزين جنب الألتو في الزحمة والعكس صحيح تماما

يعني لما أكون مسافر وأمشي بالألتو على سرعات عالية بتعمل استهلاك بنزين أكتر من البيرسونا اللى على طريق السفر بتكون موفرة جدا واستهلاكها بيقل جدا ويكون زي الألتو في الزحمة وأكتر كمان

عشان كدة في ناس كتير جدا ممكن تفضل عربية صغيرة الحجم سواء في الموتور أو حجم الصالون نفسه لأن كل مشاويرها في وسط البلد ومالهاش في السفر لأن فرق التوفير يستاهل فعلا

المشكلة بقى إن الملعب ده مافيهوش غير السوزوكي الألتو اللى من غير كماليات ووسائل أمان كفاية ... وبعديها الماروتي اللى من غير تكييف حتى والناس ابتدت تبعد عنها للسبب ده وبصراحة تقفيلها وشكلها خلاص بقى قديم جدا ومن جوة سيئة للغاية

وبعد كدة الآي تن اللى مش ماشية أساسا في السوق

الساجا اللى كل الناس أجمعت على إن استهلاكها عالي للبنزين لأن موتورها قوي بصراحة والناس بتحب تستمتع بيه وبتحرق عليه جامد وبكدة يفقد معنى إنه موتور موفر تماما

السيريون اللى اختفت من السوق بعد ما كانت ممكن تحقق معدلات كويسة بسبب توكيلها

السويفت والسيلاريو (اللى هي أصلا الألتو) اللى برضه مالهمش نصيب بسبب توكيلهم (مع إنهم عربيات رائعة جدا)

مافيش بعد كدة بيلعب في السوق غير البيكانتو تقفيل كويس شكل كويس من برة وكويس من جوة وسعرها بعيد عن أقرب منافسيها بـ 10000 جنيه يبقى طبيعي لما الميراج والأتراج ينزلوا على إنهم ياباني يبقى ده سعرهم


عشان كدة في ناس ممكن تفضلها على عربية زي الجين 2 ... برغم إن كفاءة الجين أفضل بكتير ... لكن عنصر التوفير مع الجودة مش هايكون متوفر غير في دي

وبعدين ... في ملاحظة كمان ... هي الفيات بونتو بكام وكام سي سي ... الفئة العالية فيها بتعمل 125 ألف و 1200 سي سي برضه (على السعر القديم .. الله أعلم هاتبقى بكام بعد التوكيل الجديد) ... وده راجع لجودة التقفيل العالية جدا ووسائل الأمان المتوفرة فيها كسيارة أوروبية بمواصفات أوروبية


من الآخر مافيش عربية تسعيرها في مصر مضبوط

يا جماعه

معلش ليا تعليق مش المشكلة انها 1200 سى سى - بالعكس دى ميزة
المشكلة انها 3 سلندر - صعب قوى

المشاركة الأصلية كتبت بواسطة D . a .\ AYMAN

خد بالك ياباشا إنها بتلعب في ملعب العربيات الموفرة للوقود ومصاريف التشغيل والملعب ده الأنواع الجيدة فيه قليلة فعلا ولكن مطلوبة حاليا

يعني مثلا أنا معايا الألتو 800 سي سي ومعايا البيرسونا ... وبصراحة البيرسونا برغم متعة قيادتها إلا إن اللى نازل وسط البلد أو مكان زحمة سواء أنا أو المدام بيسيب البيرسونا وياخد الألتو لأن البيرسونا غول بنزين جنب الألتو في الزحمة والعكس صحيح تماما

يعني لما أكون مسافر وأمشي بالألتو على سرعات عالية بتعمل استهلاك بنزين أكتر من البيرسونا اللى على طريق السفر بتكون موفرة جدا واستهلاكها بيقل جدا ويكون زي الألتو في الزحمة وأكتر كمان

عشان كدة في ناس كتير جدا ممكن تفضل عربية صغيرة الحجم سواء في الموتور أو حجم الصالون نفسه لأن كل مشاويرها في وسط البلد ومالهاش في السفر لأن فرق التوفير يستاهل فعلا

المشكلة بقى إن الملعب ده مافيهوش غير السوزوكي الألتو اللى من غير كماليات ووسائل أمان كفاية ... وبعديها الماروتي اللى من غير تكييف حتى والناس ابتدت تبعد عنها للسبب ده وبصراحة تقفيلها وشكلها خلاص بقى قديم جدا ومن جوة سيئة للغاية

وبعد كدة الآي تن اللى مش ماشية أساسا في السوق

الساجا اللى كل الناس أجمعت على إن استهلاكها عالي للبنزين لأن موتورها قوي بصراحة والناس بتحب تستمتع بيه وبتحرق عليه جامد وبكدة يفقد معنى إنه موتور موفر تماما

السيريون اللى اختفت من السوق بعد ما كانت ممكن تحقق معدلات كويسة بسبب توكيلها

السويفت والسيلاريو (اللى هي أصلا الألتو) اللى برضه مالهمش نصيب بسبب توكيلهم (مع إنهم عربيات رائعة جدا)

مافيش بعد كدة بيلعب في السوق غير البيكانتو تقفيل كويس شكل كويس من برة وكويس من جوة وسعرها بعيد عن أقرب منافسيها بـ 10000 جنيه يبقى طبيعي لما الميراج والأتراج ينزلوا على إنهم ياباني يبقى ده سعرهم


عشان كدة في ناس ممكن تفضلها على عربية زي الجين 2 ... برغم إن كفاءة الجين أفضل بكتير ... لكن عنصر التوفير مع الجودة مش هايكون متوفر غير في دي

وبعدين ... في ملاحظة كمان ... هي الفيات بونتو بكام وكام سي سي ... الفئة العالية فيها بتعمل 125 ألف و 1200 سي سي برضه (على السعر القديم .. الله أعلم هاتبقى بكام بعد التوكيل الجديد) ... وده راجع لجودة التقفيل العالية جدا ووسائل الأمان المتوفرة فيها كسيارة أوروبية بمواصفات أوروبية


من الآخر مافيش عربية تسعيرها في مصر مضبوط

متفق مع حضرتك يا دكتور تماماً

بس انا اعتراضي على السعر

السعر عالي اوي اوي اوي بالنسبة لامكانيات العربية دي

مهما كان مينفعش تقارن عربية زي التويوتا بريوس اللي نزلت الاسواق كأحسن عربية موفرة للبنزين قصاد عربية مثلا زي المازدا 3 .. دي عربية موفرة وليها سعر .. ودي عربية فيها رفاهية وليها سعر تاني خالص

اللي عايز اقوله ان مينفعش عربية موفرة تبقى في سعر عربية احسن منها في كل حاجة ماعدا نقطة التوفير دي .. ونفس الكلام على البيكانتو ونفس الكلام على ال i 10 .. دي كلها عربيات بتخاطب جزء كبير من الناس المفروض محدودة الدخل
ناس عايزة تجيب عربية توفرلها بنزين وفي الاخر ادفع اكتر من 100 الف؟ .. طب مانا ممكن ادفعهم مقابل حاجات تانية كتير زي الامان والثبات والقوة والتكييف والكماليات والرفاهية والخ الخ

شوف العربية دي في اسواق بريطانيا هتنزل مثلا ب 7000 استرليني .. ليه بقى تتباع بالسعر الخرافي ده في مصر؟

نفس الكلام على الياريس لانها نفس الفئة واكيد نفس السعر في بريطانيا .. بس هنا نازلة اغلى من الاتراج ب 40 الف جنيه بحالهم

المشكلة مش في التوكيل بس المشكلة في الناس بردو انهم بيشجعوا

المشاركة الأصلية كتبت بواسطة sozana

مينفعش عربية موفرة تبقى في سعر عربية احسن منها في كل حاجة ماعدا نقطة التوفير دي

فين الاحسن منها بنفس السعر ومش موفرة اوتوماتيك ؟؟؟؟؟

عربيات كتير ولو اني مبرجحش زيرو بالاسعار الهبلة دي .. ممكن جداً مستعمل كسر زيرو

انا عن نفسي هجيب جين2