مقبل على شراء لادا زيرو ان شاء الله .. هل من نصايح ؟

**georgedada82** · 09-06-2014 12:54 AM

المشاركة الأصلية كتبت بواسطة احمد رشدي

والله ما عارف بصراحة افكر فى اية، انا عارف ان كلها عيوب لكن انا اللي حاكمنى السعر مش اكتر
الماروتى هتكون كويسة وانعم وموفره فى البنزين لكن حجمها صغير اوى متشيلش بضاعة جواها ومافيهاش شنطة

طيب انا قدامى حاجة بتاعت صاحبى عربية محترمة ومش متهانة ماشية بتاع 50 الف وهى موديل 2007، اخدها منه على كام تقريبا تفتكر ؟؟؟، والعربية فبريكا برة وجوا

انا والله نفسى في حاجة تانية لكن زى ما وضحت انا اللي حاكمنى السعر

؟؟؟؟ مش فاهم اية علاقة دة بسؤألى عن اللادا ؟؟

العلاقة ان الشركة المصنعة مش ضامناها الا سنة واحدة او 10 الاف كيلو في حين ان ضمان اي عربية محترمة لشركة محترمة بيبقي اقل ضمان 60 الف كيلو او 3 سنين ... حتي كمان ما بقاش فيه 60 الف كله بقي 100 الف كيلو او 3 سنين وساعات توصل 5 سنين ... يعني اللي عاملها مش ضامنها اصلا بسبب سوء المكونات ... ده المقصود

**A.Roushdy** · 10-06-2014 12:13 AM

المشاركة الأصلية كتبت بواسطة georgedada82

العلاقة ان الشركة المصنعة مش ضامناها الا سنة واحدة او 10 الاف كيلو في حين ان ضمان اي عربية محترمة لشركة محترمة بيبقي اقل ضمان 60 الف كيلو او 3 سنين ... حتي كمان ما بقاش فيه 60 الف كله بقي 100 الف كيلو او 3 سنين وساعات توصل 5 سنين ... يعني اللي عاملها مش ضامنها اصلا بسبب سوء المكونات ... ده المقصود

اها معلش يا باشا مكنتش فاهم القصد
لا يبقى كدة توكلنا على الله وشلنا فكرة اللادا الزيرو خالص من مخى
الف شكر يا رجالة على المساعدة

**ramadan272** · 10-06-2014 05:17 PM

المشاركة الأصلية كتبت بواسطة blazer

الادا متتجابش زيرو
انت لو اشتريت عربيه موديل تسعينات بس تكون روسة و تكون فبريكا دواخل هتتجاب ب 20 الف ولا حاجه و تصرف لك 5 - 7 الاف تضبيط ماتور و فتيس و عفشه و كاوتش و رش خارجى وفرش " دا لو عربيه متهانه " و تبقى راكب عربيه زيها زى الزيرو

انا جبت لادا 2110 الشكل الحديث كانت عامله 50000 كم موديل 2006
تكييف وباور وزجاج كهرباء الامامى فقط من سنتين ب35 الف وسياره ممتازه

**عبدالرحمن رشدى** · 13-06-2014 10:46 AM

عيب الادا انها قيله شويه مش كتير بس الادا كويسه خصوصا لما تبقى زيرو افضل بس المهم تبقى ايدك فيها على طول طول ما انتا بتحترم عربيتك عربيتك حتحترمك

**ibrahim sallam** · 13-06-2014 11:37 AM

المشاركة الأصلية كتبت بواسطة hamo81

ممكن أسألك القسط كام وعلى كام سنه؟

انا دفعت 15000 مقدم لعربية بي واي دي f3 وقسط 1020 جنية على 90 شهر من بنك ناصر الإجتماعي ( سعر العربية من المعرض 77000 زي ماقولت لحضرتك كاملة مانوال )

معلش فهمني واحده واحده

انت بتقول انك دفعت 15 الف مقدم وقسط 1020 على 90 شهر

يعني 1020*90 شهر=91800 جنيه المبلغ ده بالاضافه ل15 الف اللي انت دفعتهم ولا بيتخصم منهم ال15 الف؟

يعني هيبقا 91800- 15000 =76800 جنيه

يعني ال15 الف هما الزياده عن تمن العربيه في خلال90 شهر

**mif** · 16-06-2014 11:16 AM

المشاركة الأصلية كتبت بواسطة zing0

عاوز الخلاصه
بما أنك استقريت على اللادا
و بتقول ظروفك مش هتسمح بحاجه سعرها أعلى
و برضوا بتقول صاحبك معاه لادا 2007
أنا رأيى كالتالى:
-----------------
تجرب عربية صاحبك فى السواقة,طريق سريع و طريق زحمه و شوف لو هتقدر تتعامل عادى
يبقى تتوكل على الله و تصلى استخارة و تجيبها
و تطلع على البشمهندس محمد طلبه اللى فى الوراق يكشفلك عليها و يعمل الحاجات اللى محتجاها و مبروك مقدماً

فين فى الوراق ?

**hobabmb2010** · 11-07-2014 06:19 AM

لادا انت بتهرج ولا ايه لو بتهرج مش هتقول الكلام ده اياك واللادا ده انت تركب عجلة ولا تركب لادا ده هتطلع عين ام بن اخت خالة عم طنط فوزية
قولو حاجة ياجدعان مش كده

**hesham fawzy h** · 11-07-2014 07:24 AM

اللهم صل على محمد وعلى آله وصحبه أجمعين

انا رايى لانوس احلى و عملية اكتر .
اللادا ب 62000
و اللانوس ب 78000
الاسعار بالتقريب على حد علمى . ولو فى غلط فى الاسعار ياريت حد يصحح .
و انت كدا كدا عايز تقسط . يعنى الفرق مش هيبقى كبير فى القسط .
اللادا بيبان عليها الشقا بسرعة :)
و بعدين انت هتدفع زيادة بسيطة فى القسط بس هتبقى مستريح فى اللانوس اكتر بكتير من اللادا بمراحل.
القرار لييييك و يا رب توفق فى الاختيار