الموضوع: اخوكم محتاج رايكم في السواقه والعربيه

المشاركة الأصلية كتبت بواسطة drcobra

للاسف زى ما كرهت المواصلات هتكرة السواقة فى قاهرة المعز لدين الله الفاطمى بس نسبيا افضل بعد الزواج

بس والله السواقه في الزحمة اهون عليا مليون مره من قرف المواصلات والسواقين
وفعلا لابديل عن وجود عربيه مع الاسره في الوضع اللي احنا عايشين فيه

ثانيا الهاتشباك انا كنت مجنون بيها اكتر منك بس بحمد ربنا انى جبت سيدان .. الشنطة لا مفر منها ومن الضروريات

والله انا كل ماروح معرض واتفرج الاقي نفسي اروح للهاتشابك من غير ماحس :copy of new: مش عارف زي مايكون فيها مغناطيس ههههههههههه

عامة فى القاهرة افضل عربية مستعملة لو جديدة هتتخبط ويتتخربش والركنة ومشاكل كتير فالافضل مستعمل
عموما انا لو مكانك هدور على لوجان كسر زيرو علشان العلو والشنطة وبصراحة الواحد يشيل اى حاجة فى الشنطة والعربية احسن من اشتغلال بتوع الربع نقل ( نظرية برضو ) هههههه

ياباشا والله انا قلت زيك اجيب مستعمل بس الرينو بيقولو قطع غيارها عالي جدا وبصراحه بسمع ارتياح الناس اما يكون العربيه فيها ebs
منا فكرت في الشيفروليه افيو زي اللوجان في العلو وارخص في قطع الغيار واسهل في الصيانه بس فكره وجود ebs ليها تاثير

العربية لازم تكون اوتوماتيك اللى بقاله 30 و40 سنة بيحب السواقة بيدور على اوتو دلوقتى

ماهو ده اللي مجنني اني بدور على الاتوماتيك ولابديل ليه في القاهره
ادعيلي يابشا ربنا يهديني للعربيه اللي فيها خير ليا

المشاركة الأصلية كتبت بواسطة mohamed_e36

بص اوعى تشتري عربيه جديده خليك في اي حاجه مستعمله لانوس او فيرنا مثلا لغايه ما تتمكن من السواقه وبعدين اشتري جديد لان السواقه مش انك تمشي العربيه بس لا في حاجات هتكتسبها طول مانته ماشي في الطريق و طبعا مفيش مانع من حكه كده او تريحه كده وساعتها لو معاك عربيه جديده هتزعل عليها اوي وقطع غيارها هتكون غاليه لو لا قدر الله بعد الشر حصل حاجه , ياسيدي هات اللانوس مش هاقولك سنه لا هاتها 6 شهور وهاتها موديل عالي ونضيف عشان متقرفكش وساعه لما تحس انك اتمكنت من السواقه اتوكل على الله وبيع اللانوس وساعتها مش هتخسر فيها الا حاجات بسيطه
بالتوفيق باذن الله

والله ياباشا انا عايز اتوماتيك من الاول وهل فيه بديل عن اللانوس ؟؟؟