الموضوع: اخوكم محتاج رايكم في السواقه والعربيه

المشاركة الأصلية كتبت بواسطة Egypt_Fiancee

السلام عليكم ورحمة الله وبركاته
وعليكم السلام ورحمة الله وبركاته
زملائي واحبائي في منتدى نايل موتورز
اخوكم محتاس حوسه كبيره ومش عارف افكر
وبصراحه تعتب من كتر التفكير في موضوع السواقه والعربيه

ندخل في صلب الموضوع
العبد لله بعرف اسوق بس خفيف جدا وماسوقتش قبل كده في القاهره غير مرات يتعدوا على الصوابع في مركز تدريب قياده وكنت بتعلم تعتبر هاديه نوعا ما وسوقتش بره في شوارع رئيسيه
المهم عاوز اجيب عربيه نظرا لظروف شغلي والبهدله اللي بتبهدله في المواصلات العامه والقرف اللي بشوفه يوميا لما بفكر اكرب ميكروباص ولا زحمة المترو التي اصبحت لاتطااااااق
بس محتار وتعبت من كتر التفكير في نوع العربيه اللي اجيبها
ناس تقولي هات الهيونداي اكسنت 1300 عمليه ومش مكلفه بنزين وناس تقول هات دايو لانوس هربيه كويسه جدا وموفره بردوا
الاكسنت والفيرنا واللانوس والنوبيرا كويسين بس تكون حالتها كويسه وسعرها معقول
وناس تقول هات عربيه جديده وانت كده كده مش اول مره هاتجيبها تروح تنزل بيها في الزحمه وكده
على اساس ان العربيه المستعمله بتكون فاتحه بوقها بالبلدي كده
واللي هاتدفعه صيانه وتصليح تجيب بيه عربيه جديده وتدفعه قسط وهي هي العمليه
طبعا العربيه الجيده احسن بكتير وهتريحك اوى بس ابعد عن القسط لانك هتدفع تمنها مره ونص
في واحد اقترح عليا اجيب السايبا تيبا عربيه سعرها معقول جدا وحنين ويوم ماتفتح العربيه الجديده بقها زي مابسمع في الشارع مش ااقل من 4 او 5 سنين
خليك فى العربيات المعتمده او المعروفه علشان عيوب الصناعه وقلة قطع الغيار وصعوبة الصيانه .... والعربيات من اول ما تدور حتى لو زيرو لازم تتكلم وكل عربيه على حسب حوارتها
وفي نفس الوقت عايز عربيه اجيبها وتعقد معايا فتره كبيره يعني مش ااقل من 3 سنين مثلا لو فكرت اغيرها في حالة المستعمله
لكن لو جديده اعتقد هاتعقد معايا اكتر من كده بكتير باذن الله
فاكنت بفكر لو عربيه مستعمله تكون في هيونداي جيتز او شيفروليه افيو هاتشابك
بصراحه العربيتين دول مجنون بيهم وبعشق حاجه اسمها هاتشابك
بس فيها ناس قالتلي ان عربيات الهاتشباك بتتباع بالعافيه :( صح الكلام ده ولا غلط
ايوه العربيات السيدان عليها طلب اكتر انما الهاتشباك فئة الشباب بس وطلب البيع عليها فليل لحد ما
الافيو والجيتز قطع غيارهم متوافره وصيانتها موجوده استخير ربنا وتوكل على الله فى واحده منهم
بس هل العربيه دي هاتفيدني عائليا خصوصا باني مقبل عالزواج باذن الله كمان كام شهر وبصراحه عاوز اتجوز وتكون معايا العربيه خصوصا اني مخلي فلوس العربيه على جمب
اذا كان انت ولحدك اتبهدلت فى المواصلات امال بقى لما يكون معاك زوجه كمان ربنا يوفقك وييسرلك الحال
وهل اجيبها اتوماتيك ولا مانيوال خصوصا من كتره شكاوي الناس من زحمة القاهره وتعبهم من المانيوال
نوع العربيه هو اللى بيحدد نوع الفتيس علشان تستريح وانت سايقها انما الافضل طبعا الاوتوماتيك نظام احدث واريح من نظام المانوال اللى تعبنا من كتر ما بندوس دبرياج
ولما اجيبها باذن الله هل يفضل انزل مدرسه تعليم قياده من تاني واتدرب على العربيه اللي هاجيبها باذن الله ولا اتدرب على عربيه مركز التدريب
لما تشترى العربيه خلى حد من صحابك القريبين منك يركب معاك ويوجهك تعمل ايه وتتصرف ازاى وهيكون عارف دماغك وشايف عربيتك ويقدر يساعدك احسن من مركز التدريب
فاتنصحوني بيه افادكم الله
يارب اكون قدرت افيدك بحاجه

بص يا باشا انا شايف ان حضرتك تجيب عربية مستعملة بس تكون كسر زيرو اريح من حوارات القسط والكلام ده واذا كان على تعليمك السواقة انا كمان ساكن فى الجيزة لو احنا قريبين من بعض ابقى اديك كام حصة كدة بس نتفق على الحساب الاول ههههههههه وربنا يوفقك لما يحبه ويرضاه وعلى فكرة انا بردو برشح الاكسنت او اللانوس او الفيرنا