الموضوع: أوبل فيكترا وكمية مفاجآت

المشاركة الأصلية كتبت بواسطة samaty

الحمد لله إشتريت أوبل فيكترا 2003 cd
الموتو 2000 سي سي ايكوتك
العربية [gdwl]تكييفها معقول[/gdwl]
مش قوي ومش ضعيف
فيها جنوط عادية مش سبور
أول يوم جبتها اخدتها من المالك السابق في الاسكندرية ورحت بيها مطروح على سرعة بين 120 و 170 والغالب السرعة العالية وبدون توقف في الطريق ووقفت في مطروح حوالي ربع ساعة وجعت تاني اسكندرية على سرعة بين 180[gdwl] و200[/gdwl] وبرضه من غير ما اقف في الطريق
الحمد لله العربية ثابتة جدا ما شاء الله
اللي شجعني على الجري إن الجو كان [gdwl]هوا شديد وفيه رمل [/gdwl]في الجو يعني مفيش رادار ( معلومة مهمة الرادار العادي بتاع المرور مش بيقرا لما يكون فيه رمل في الجو لان الرمل بيشوش الإشارة بتاعته)
أنا مكنتش ببص على عداد السرعة ماشي بزود وأبص على الطريق قدامي ودايما حاسس إن العربية بطيئة بسبب ثباتها على الأرض
انا لو ما كنتش بطلع من العربيات التانية كنت هفكر إن العداد بايظ
أصلى متعود إن السرعة معناها مطبات هوا ومراجيح المولد تدخل عليك فجأة والموتور يزعق ويستغيث
لكن في الفيكترا ولا أي حاجة من دي
تجيب 120 أو 140 قبل ما تبدأ تسمع صوت الموتور
الغريب بقا
الحرارة دايما بين 80 و90 وكانت القربة ناقصة
لما زوتها أخدت 1/2 لتر ولما مشيت الحرارة عليت [gdwl]ووصلت 95[/gdwl] ( مش هزودها تاني)
الفتيس مش ناعم زي فتيس الكوري[gdwl] بحس بالنقلات[/gdwl] جامد مش عارف دا من قوة الموتور ولا فيه حاجة بس انا شاكك في الكوبلن الداخلي
العربية لو بطلتها وهيا ماشية ممكن ادورها تاني والفتيس على d لكن لو وقف مش بتدور غير على n أو p ودي او مرة اشوف [gdwl]عربية تدور على دي[/gdwl] ( ببطلها وهي ماشية وأدورها تاني لإني لما بجيب 200 واقابل مطلع أو منزل يرفع العربية عن الارض التراكشن بيفصل فلما ابطل العربية وأورها تاني بيشتغل) وللأسف عندي تراكشن شغال ومعنديش مفتاح يفصله
تسارع العربية قليل إلة حد ما مع التكييف ومعقول من غيره بس لو شغلت الإسبورت مود تحس إنك راكب صاروخ وصوت الموتور بيبقى عامل زي الديفل والفتيس بينقل على 6 أر بي إم
أكتر حاجة عاجباني في الفتيس ده هوا النقلة الخامسة
دوس زي ما إنت عايز واول ما توصل لسرعتك شيل رجلك من على البنزين لحظة هتلاقي العربية أخدت الخامس طالما إنت على سرعة 80 فما فوق
الغريب إني لما هديت العربية فضلت على الخامس لحد سرعة 50 والأر بي إم كان على 1
بس مع أول سنة بنزين الخامس فصل والعربية رجعت للتالت من غير كيك داون
آه بمناسبة الكيك داون
من غير الاسبورت مود مع الكيك داون العربية بتنقل على 3.5
الطبيعي إنها بتنقل على 2 بس مع الاسبورت بتنقل على 6
عندي [gdwl]زنة في طرمبة الباور[/gdwl] وبتزيد لما أجيب الدركسيون يمين للآخر أو شمال للآخر
ولما سحبت الزيت من علبة الباور ودورت العربية الزنة زادت بس الزيت كان فيه زي رغوة خفيفة ( حد يعرف دا إيه...؟؟؟؟؟؟؟؟؟؟؟؟؟؟؟؟؟؟؟؟� �)
العربية كانت كلها ملزوقة فاميه ولما شيلت البلاستيك [gdwl]بيطلع ويسيب اللون[/gdwl] ودا مضايقني ( أنا بحب الزجاج الشفاف ) أنا راجل واضح ومعنديش حاجة أداريها
النهارده عملت أرضي للموتور
جبت سلك 3 مم ودبلتين 13 شبكت الدبلتين في طرفين السلك ولحمتهم بالقصدير وغطيت الدبلتين بالكامل بالقصدير
وصلت واحدة بارضي البطارية في مسمار القطاش السالب والدبلة التانية واصلة بمسمار في وش السلندر فوق غطاء الفرن مباشرة
العربية اتحسن استهلاكها للبنزين كتير بعد الحركة دي
عملت 140 كم ب 10 لتر ( سفر + مدينة) رغم أن فيها بلوف (كستبان) بايظة
مش عارف اقول إيه تاني
حبيت بس الكل يشاركني

الف مبروك اولاً وربنا يكفيك شرها
بالترتيب كده

التكيف طبعاً الزمن له عامل الكمبروسر والتلاجه تلاقيهم 50% لعلمك التكيف ده وهى جديده تلاجه بجد

بالنسبه للسرعات حد يعمل كده يا راجل 180 ايه و200 ايه هدى شويه الكلام ده عواقبو كبيره

وطبعاً فى حالة وجود رمل وهوا الناتج سنفرة وش العربيه من الرمل واستهلاك بنزين خرافى فركز فى قصة الجري فى الاجواء دى

الحراره عادى تكون بين ال90 وال95 وقصة النقلات مش طبيعى طبعاً الفيكترا بي انعم من الكورى واليابانى فى النقلات

تدوير العربيه وارد لأن طرمبة الزيت بتكوت لسه محضره وبتضغت فبتدور اول وا تنور الكونتكت ومنغير مارش وانت بتجرى بالعربيه وخلى بالك ده لفتره صغيره يعنى لو استنيت شويه مش هتدور والفيكترا لو مشيت وهى مش على نقله او قطرتها حتى وهى مش على ال دى حتي الفتيس هيتحرق فخلى بالك

وعربيتك محتاجه طرمبة باور واثار الفاميه بتطلع بتنر او بنزين بس خلى بالك على البويه

ولمفروض فى زرار بيفصل التراكشن كنترول جنب زرار الانتظار ازاى مش عندك؟؟

واخيراً الف مبروك وخرج حاجه للغلابه وربنا يكرمك فيها