السلام عليكم

بقالى كتير مكتبتش مواضيع جديده هنا.. يمكن بسبب ظروف الشغل

المهم حبيت انقل لكم التجربه دى بخصوص الحراره والتكييف مع الصيف

اولا الحمدلله الحراره عندى الطبيعى بتاعها كان 91 بدون تكييف.. ومع تشغيل التكييف 95 وممكن تطلع ل 97.. والمراوح شغاله تمام والسرعتين مظبوطين بيفتحو ف معادهم.. ودا طبيعى بالنسبه للاوبل والصيف وطبعا بعد تغيير سويتش المراوح كالعاده اول كل صيف

المهم انا مكنتش مقتنع ان العربيه تسخن مع التكييف.. الطبيعي انها تبرد ! لان المروحتين شغالين علطول.. اخدت الهوا من القربه مفيش.. برده بتسخن مع التكييف لحد 95 ~ 97

كنت قريت من فتره عن موضوع انك تعمل تقوية للكابل الأرضى بتاع العربيه.. وقلت اجربها.. جبت كابل محمل من التخان دول ووصلته من الارضى الى خارج من البطاريه لمسمار ف جسم الموتور.. وهنا كانت المفاجأه !!

الحراره بقت ف العادى 80 ~ 85 وممكن توصل 90.. مع التكييف بقت 85 وقليل لما اشوفها على 90 !!

حبيت بس انقل لكم التجربه دى لان فى ناس كتير عندها مشكله مع السخونه والتكييف والصيف.