عن باسات 1999

**mmdbdw** · 20-06-2014 06:31 PM

شكرا لحضرتك
كنت عايز كمان اسال هل يوجد وسائل لحماية العربيه من السرقه او سرقة اى شئ فيها؟؟

**Ahmed Saad** · 20-06-2014 07:57 PM

المشاركة الأصلية كتبت بواسطة mmdbdw

شكرا لحضرتك
كنت عايز كمان اسال هل يوجد وسائل لحماية العربيه من السرقه او سرقة اى شئ فيها؟؟

بص ياسيدي الباسات دي كانت أول جيل من فولكس فاجن يصعب سرقته لأن فيها 2 وسيله امان صعب جدا اختراقها أولا المفتاح المشفر أو الايموبلايزر وده العربيه مش بتدور غير بالمفتاح بتاعها ومفتاح العربيه طبعا خريطه ومش أي حد بيطلع عليه طبعا غير الشفرة وطبعا موضوع السلكين ده درب من الخيال وثانيا العربيه لما بتقفلها بالمفتاح في لمبه جنب مسوجر باب السواق لو اللمبةدي نورت وتطفي متواصل احمر كده االأبواب عملت لوك والشنطه وهات اتخن واحد في مصر يعرف يفتح العربيه لأنها كده بئت زي الخزنه الحديد وبالسلامه ممكن انت تزود معاهم جهازاإنذار زي مانا عامل وبكده تبقى أصعب عربيه ممكن تتسرق هي ومجموعة فولكس عموما والألماني كله وبس يا سيدي

**mmdbdw** · 20-06-2014 10:41 PM

تمام
الحمد لله انا لسه جايب العربيه حالا و ما شاء الله عليها زى الفل و سحبها تمام

كان ليا سؤالين

الاول هل لحزام الامان طريقه لاستخدامه لانى استخدمته و البكره مرجعتوش تانى

تانى حاجه لمبة ال abs منوره دائما هل ده معناه وجود مشكله؟؟

و شكرا

**Ahmed Saad** · 20-06-2014 11:21 PM

المشاركة الأصلية كتبت بواسطة mmdbdw

تمام
الحمد لله انا لسه جايب العربيه حالا و ما شاء الله عليها زى الفل و سحبها تمام

كان ليا سؤالين

الاول هل لحزام الامان طريقه لاستخدامه لانى استخدمته و البكره مرجعتوش تانى

تانى حاجه لمبة ال abs منوره دائما هل ده معناه وجود مشكله؟؟

و شكرا

بالنسبه للسؤال الأول طالما البكره مارجعتوش تاني يبقى بايظ ومحتاج يتغير
والسؤال الثاني طبعا في مشكله في منظومة ال abs طالما االلمبة منوره ولازم تعمل سكان على العربيه وعلى منظومة ال abs وهتلاقي العطل ببإذن الله وفي الغالب هتلاقيه حساس عجله بايظ وغالبا برضه هتلاقيه واحد من اللي ادام يمين أو شمال وماتخفش تمنه 100 ج استيراد وألف مبروك على العربيه وربنا يكفيك شرها ويديك خيرها وأي استفسار انا في الخدمه

**mmdbdw** · 21-06-2014 01:27 AM

كمان كان فى شوية شغل فى التابلوه بشكل عام و كنت عايز اعرف متوسط اسعارها و هى :-

1- صندوق التابلوه فيه مفصله مكسوره ولكن احكام اغلاقها كويس
2- الريش البلاستيك بتاعة احدى فتحات التكييف مكسوره
3- الكفر الخاص بالجزء بتاع الولاعه مخلوع
4- الجزء الخاص بحامل المشروبات لا يخرج تقريبا مشكله ف السوسته
5- بكرة رجوع حزام الامان فيها مشكله برضو
6- لاحظت عند استخدام حزام الامان مفيش لمبه بيان اشتغلت معاه

و كمان لاحظت ان فى هزه بسيطه ف الموتور عند بداية تشغيل التكييف هل ده طبيعي ولا فى مشكله؟؟

و شكرا

**NightmarE84** · 21-06-2014 04:25 AM

الف مبروك العربية

وربن يديك خيرها ويكفيك شرها

ومتابع لانى شكلى هحصلك :)

ممكن تقولنا جبت العربية بكام ؟؟؟

وكشفت عليها فين ؟

**mmdbdw** · 21-06-2014 11:48 AM

العربيه جبتها ب 70 الف...
و انا من بورسعيد و كشفت عليها عند شركه اسمها الالمانيه معاها توكيل bosch

و ربنا يكرمك و يكتب لك الخير

**mmdbdw** · 21-06-2014 10:30 PM

كمان كان فى شوية شغل فى التابلوه بشكل عام و كنت عايز اعرف متوسط اسعارها و هى :-

1- صندوق التابلوه فيه مفصله مكسوره ولكن احكام اغلاقها كويس
2- الريش البلاستيك بتاعة احدى فتحات التكييف مكسوره
3- الكفر الخاص بالجزء بتاع الولاعه مخلوع
4- الجزء الخاص بحامل المشروبات لا يخرج تقريبا مشكله ف السوسته
5- بكرة رجوع حزام الامان فيها مشكله برضو
6- لاحظت عند استخدام حزام الامان مفيش لمبه بيان اشتغلت معاه

و كمان لاحظت ان فى هزه بسيطه ف الموتور عند بداية تشغيل التكييف هل ده طبيعي ولا فى مشكله؟؟

و شكرا

**Ahmed Saad** · 21-06-2014 11:03 PM

المشاركة الأصلية كتبت بواسطة mmdbdw

كمان كان فى شوية شغل فى التابلوه بشكل عام و كنت عايز اعرف متوسط اسعارها و هى :-

1- صندوق التابلوه فيه مفصله مكسوره ولكن احكام اغلاقها كويس
2- الريش البلاستيك بتاعة احدى فتحات التكييف مكسوره
3- الكفر الخاص بالجزء بتاع الولاعه مخلوع
4- الجزء الخاص بحامل المشروبات لا يخرج تقريبا مشكله ف السوسته
5- بكرة رجوع حزام الامان فيها مشكله برضو
6- لاحظت عند استخدام حزام الامان مفيش لمبه بيان اشتغلت معاه

و كمان لاحظت ان فى هزه بسيطه ف الموتور عند بداية تشغيل التكييف هل ده طبيعي ولا فى مشكله؟؟

و شكرا

بص انا اللىعارف تمنه فيهم درج التابلوه صيني جديد ب 200ج وبالنسبه للمبه البيان هي برضه مش موجوده عندي والهزه بتاعت التكييف عادي بس لو ههذه لحظيه مش مستمره بس باقي الحاجه مش عارف سعرها

**mmdbdw** · 22-06-2014 03:01 PM

النهارده روحت لمركز متخصص و كشفت على العربيه بالكامل كمبيوتر و عفشه و موتور و سمكره كان الوضع كالتالى :-

1- وجود مشكله فى حساس ال abs الفرده قدام يمين " اتكلمنا على النقطه دى قبل كده "
2- السمكره تمام بدهان بلادها مع وجود خرابيش بسيطه طبعا
3- الموتور اتقال لى ان فى شامبر بيسرب زيت بنسبه بسيطه و قالى ده ممكن يكون بسبب ردائة الزيت و الفلتر قبل كده بس حاسس من كلامه انه عايز يفتح شغل و خلاص

4- العفشه قالى طبعا اول حاجه محتاج طقم مقصات لان فى جلبه متاكله و ده كلام اتقالى ان اى عفشجي هيقول كده
بالاضافه انه قالى ان فى تسريب ميه ممكن يكون طبه مفكوكه بس برضو كلامه حاسس انه عايز يفتح شغل و خلاص

ف كنت عايز اعرف مدى صحة الكلام ده هل له اعراض معينه عشان يبقى كلامهم صح ولا ايه النظام

و شكرا