البلد ديه مش نافع فيها حاجه

**amz2011** · 09-06-2014 12:00 PM

البلد ديه فعلا مش نافع فيها حاجه
امبارح لقيت مراتى و اولادى زهقانين عشان مكنتش بخرجهم بقالى فتره نتيجة الشغل المهم قولت اخدهم و اروح النادى
خرجنا و قضينا وقت جميل و روحنا و واحنا مروحين قبل البيت ب 200 متر المهم كنت ماشى و قدامى توكتوك التوكتوك داه وقف فجاءه عشان ينزل ناس من اى اشاره المهم جيت اطلع منه من على الشمال عشان كان ورايا عربيه جايه بسرعه
المهم لما جيت اطلع منه لقيت موتسيكل راكب عليه اتنين اول ما شافونى راح عامل حصان بالموتسيكل و المسافه بينى و بينه قصيره جدا و و راح نازل بالعجل اللى قدام امام الاكصدام الامامى و خبطه و عمالين يضحكوا المهم مراتى اتخضيدت جامده المهم طبعا الموتوسيكل مزنوق فى وش عربيتى المهم سيبتعه يرجع و بيحود بالمتوسيكل عشان يعدى من جمبى لحد لما بقى الموتسيكل بالعرض قدام العربية و رحت داس بنزين على الاخر و خبطهم و وقعو نص واقعه رجليهم اليمين بين الموتوسيكل و الارض و رجليهم الشمال تحت العربيه لدرجة و ابصلهم و اضحك و ادوس سنه بنزين و هما يزعقو و يزحلقو سنه و بين اريح سنه يحاول يعدلو نفسهم اروح داس بنزين تانى يروح متزحلقين تانى المهم الناس اتلمت و فضو بينا

المهم البلد مش هتتعدل ابداااااااااااااااااااااا ااااااااا.

**M R. Z E C O** · 09-06-2014 12:22 PM

كويس انك خدت حققك منهم وربنا يعوض عليك فللاكصدام بس لو انا كنت هشوط بغباوة زي مهما اتغابو بس بحدود

**#MAAM#** · 09-06-2014 12:42 PM

المشاركة الأصلية كتبت بواسطة amz2011

البلد ديه فعلا مش نافع فيها حاجه
امبارح لقيت مراتى و اولادى زهقانين عشان مكنتش بخرجهم بقالى فتره نتيجة الشغل المهم قولت اخدهم و اروح النادى
خرجنا و قضينا وقت جميل و روحنا و واحنا مروحين قبل البيت ب 200 متر المهم كنت ماشى و قدامى توكتوك التوكتوك داه وقف فجاءه عشان ينزل ناس من اى اشاره المهم جيت اطلع منه من على الشمال عشان كان ورايا عربيه جايه بسرعه
المهم لما جيت اطلع منه لقيت موتسيكل راكب عليه اتنين اول ما شافونى راح عامل حصان بالموتسيكل و المسافه بينى و بينه قصيره جدا و و راح نازل بالعجل اللى قدام امام الاكصدام الامامى و خبطه و عمالين يضحكوا المهم مراتى اتخضيدت جامده المهم طبعا الموتوسيكل مزنوق فى وش عربيتى المهم سيبتعه يرجع و بيحود بالمتوسيكل عشان يعدى من جمبى لحد لما بقى الموتسيكل بالعرض قدام العربية و رحت داس بنزين على الاخر و خبطهم و وقعو نص واقعه رجليهم اليمين بين الموتوسيكل و الارض و رجليهم الشمال تحت العربيه لدرجة و ابصلهم و اضحك و ادوس سنه بنزين و هما يزعقو و يزحلقو سنه و بين اريح سنه يحاول يعدلو نفسهم اروح داس بنزين تانى يروح متزحلقين تانى المهم الناس اتلمت و فضو بينا

المهم البلد مش هتتعدل ابداااااااااااااااااااااا ااااااااا.

خدت حقك ومفيش لوم عليك ياباشا

**Secret-Man** · 09-06-2014 04:08 PM

بلد مين الى تتعدل للاسف المحترمين فى البلد ديه اكتر ناس هيشيلو على دماغهم

**drmsadek1979** · 09-06-2014 04:16 PM

أحسنت التصرف

**drcobra** · 09-06-2014 05:14 PM

الحياة ملهاة لمن يفكر
مأساة لمن يشعر
يعنى اللى بييفكر فى الفلوس والمصالح وغيرة بيلعب وبياخد
واللى بيحس بحال الفقير والغلبان والمظلوم بيتعب زى حالتى
والله المستعان

**qkash.com** · 09-06-2014 10:31 PM

الله ينور هو ده الكلام
الصنف ده لازم ياخد علي دماغه ويرجعوا زي زمان في الجحور

**Anaslbda** · 09-06-2014 10:58 PM

الصاع صاعين, بس مش في وجود عيلتك معاك, متضمنش الشمحطجية المبرشمين دول يعملوا ايه..

**S O P H O S** · 21-06-2014 01:03 AM

مبقاش ينفع تمشي حتي !!

**Ahmed_selmy** · 21-06-2014 09:09 AM

كويس انك اخدت حقك ......انا دمى اتحرق وانا بقرا الموضوع
هما فالحين يلموا ملصقات "هل صليت على النبى" وسايبين الاشكال الضاله دى تبرطع فىالشوارع وتؤذى فى خلق الله.