مذكرات مدير محطة بنزين

**Elawany13** · 10-06-2014 10:38 AM

متهيألى الزيت أو السولار بيذوب فورا ً فى البنزين مش محتاج مواد إذابه

**Elawany13** · 10-06-2014 10:38 AM

المشاركة الأصلية كتبت بواسطة agaty1st

الجديد دلوقتي انهم بيعملو bypass بيت الصهاريج عشان يسرق في أي وقت

ياعنى ايه ؟

**aif** · 10-06-2014 11:56 AM

[[/quote]

المشاركة الأصلية كتبت بواسطة elawany13

ياعنى ايه ؟

يقصد انه يتعمل ماسورة تفتح الخزانات علي بعضهم من تحت الارض
لكن ده صعب جدا
لان شركات البترول هي اللي بتبني المحطة وهي اللي بتركب الخزانات وباشراف من جهات رقابية كتير
مش صاحب المحطة اللي بيبني الحاجات دي

**aif** · 10-06-2014 12:15 PM

نرجع للمحطة ومشاكلها وبلاويها
لكن الاول نصلي علي سيدنا وحبيبنا النبي عليه افضل الصلاة والسلام
...
يوم من الايام لقيت واحد جاي عاوز مدير المحطة
قابلته
طلع راجل ساكن جنب المحطة واشتكالي انه مون م المحطة والعربية عطلت منه والميكانيكي قاله ان البنزين فيه مياه
قعدت مع الراجل وفهمته ان حتي لو حد عاوز يغش البنزين ماينفعش بالمية زي ما شرحتلكم في المشاركة السابقة
والراجل اقتنع ان الميكانيكي بيشتغله ومشي
بعدها بكام يوم رجع تاني بنفس الشكوي لكن من ميكانيكي تاني وبعد مامون من عندنا الصبح بردو
قعدته معايا
وجبت علبة مادة كيماوية زي المرهم كدة لما بيجي عليها مياه بتتلون باللون الاحمر علطول دي كنا جايبينها من شركة البترول بيكشفو بيها عن وجود المياة
وجربتها قدامه في كوباية ميه لونت احمر علطول وجربتها في شوية بنزين مالونتش
وطلعت المقياس بتاع التانك اللي تحت الارض اللي بنقيس بيه التانك
وهو عبارة عن خوصة نحاس طويلة حوالي 3.5 متر مبططة زي المسطرة ومدرجة بننزلها من فتحة معينة في بيارة فوق كل تانك عشان نشوف التانك فيه بنزين قد ايه
ودهنت اسفل المقياس بالمرهم ده
ونزلت المقياس قدام الراجل للآخر بما يعني ان لو فيه مياه في اي مكان ف التانك ح يلون احمر علطول
وطلعت المقياس قدامه
...
وبعدين ........
نكمل بعد الفاصل الاعلاني

**Y a r i s** · 10-06-2014 12:24 PM

ههه أيه يا عم اسلوب التشويق ده
متابع معاك يا رياسة ... وبالذات حتته المية دي عاوز اعرف. بتيجي منين ... لان انا شفتها بعيني ايام البيجو ال ٥٠٥ الي كانت عندي فلتر البانزين بيبقى شفاف بعد الكاربيتر فالمكانيكي وراني الميه بتلعب في قلب الفلتر ... ولمن رجعت لصاحب المحطة قالي احتمال العمال وهما بيشطفوا البانزينة الصبح شوية مية اتسربت ودخلت الخزنات .

نقطة اخرى .... كان في موضوع زمان هنا من احد الاعضاء. وقال فيه ... ان عامل المحطة قبل ما يجي يمون. بيقعد يلعب في المسدس (( تك تاك تاك تاك. ..... الخ )) والهدف انو يخلي كمبيوتر الطرومبة يفوت. بحيث يعد على الفاضي فهل الكلام ده صحيح .... وتحياتي

**aif** · 10-06-2014 12:58 PM

ههههههه
لازم التشويق ده لزوم الاثارة
طلعنا المقياس .... لقيناه بنفس لونه ومش احمر ... يعني مفيش مياه
علشان الراجل يطمن اكتر
بعد ما طلعت المقياس روحت راشش عليه شوية ميه راح ملون احمر
الراجل اقتنع ومشي
لكن انا ماقتنعتش وما طمنتش
بعد ما مشي
روحت جايب مراقب المحطة وكان بقالو كتير ف المحطة من قبل ما نشتريها بسنين وحضر تركيب التانكات الجديدة
وقعدت استجوبته
طلع ان المقياس ده بيقيس من فوق مش من تحت
يعني لازم ينزل في التانك بالكامل لغاية القمة العلوية بتاعته ماتخبط في الفتحة اللي في البيارة اللي علي وش الارض
وكان المقياس علي طول التانك بالظبط قبل كدة
فكان كل ما يقيسو التانك طرف المقياس السفلي يخبط في ارضية التانك
ومرة في مرة ومع القياس كل وردية
قاع التانك اتخرم وبقي يسرب بنزين ف الارض
لما ركبو تانكات جديدة في تجديد المحطة ارادو تجنب المشكلة دي
راحو قطعين حوالي 25 سنتيمتر من قاع المقياس عشان مايطولش القاع وفي نفس الوقت يقيس من قمة التانك عادي
اذن المقياس بالمعجون اللي في طرفه لم يصل فعليا الي قاع التانك ... ولو كان فيه مياه اكيد ح ترقد في القاع
روحت فاكك وش فتحة القياس اللي ف البيارة ورابط المقياس بحبل ومنزل المقياس لغاية ما المقياس خبط في قاع التانك
طلع المقياس احمرررررر
يا وقعة مربربة
.....
نكمل كمان شوية

**محمد بلال** · 10-06-2014 04:09 PM

جيده

-

الموضوع: مذكرات مدير محطة بنزين

LinkBack

أدوات الموضوع

عرض

-

-

-

-

-

-

-

المواضيع المتشابهه

أفضل محطة بنزين

مدير مصنع - مدير جوده - مدير انتاج - مدير صيانة

مذكرات حرب اكتوبر مذكرات الفريق سعد الشاذلى

تحذير من محطة بنزين

خطوات انشاء محطة بنزين

الكلمات الدلالية لهذا الموضوع

المفضلات

المفضلات

ضوابط المشاركة