الموضوع: سبب وحل مشكلة دخول روائح واتربة وحرارة مع الجرى وتسريب مياه تحت الطابلوه اليمين

السلام عليكم ورحمة الله وبركاته

ازيكم يا سيتاوية

كان فى مشكلة عندى مش عارف سببها وهى ان فى تراب جامد بلاقيه على الطابلوة والطارة والفرش بتاع الأبواب وبتشعر ان ملكش نفس تنضف العربية تانى

كمان بشم أى ريحة خارجية سواء عادم او مجارى او هوا سخن ولما اجرى بالعربية الاقى هوا سخن داخل من فتحات التكييف وانا مش مشغله ..

وأحياناً كمان تلاقى تسريب تحت الطابلوه من ناحية الدواسة اليمين لما تكون غاسل العربية جامد او مطر شديد

إليكم الحل

الحمد لله رب العالمين لما كنت بعمل التكييف اكتشفت فتحة تهوية للعربية من جوه الكبوت وليها بوابة بتقفل وتفتح لو انت مركب تكييف والبوابة دى بتبقى جوه التلاجة الداخلية اللى فى الطابلوه ورا المروحه، وبتقفل لما بتشغل التكييف وبتفتح لما تقفله ومعنى انها بتفتح يعنى بتجيب هوا من برا ممكن سخن وممكن بريحة عادم أو اى روايح كريهه.

وصورتها هتشوفها فى الموضوع ده فى المشاركة دى والحل كمان :
http://www.nilemotors.net/Nile/3875609703-post8.html


لو انت معندكش تكييف فالفتحه مفتوحه طبيعى ودى هتلاقيها فى سدر العربية جوه الكبوت ناحية الشمال وانت واقف امام الكبوت والعربيات الحديثة بيبقى ليها فلتر خاص بالتكييف فى المكان ده، والقديمة بتبقى شبكة محطوطة وخلاص تمنع دخول ورق الشجر وأيضاً من وظايفها تصريف المياه الخاصة بالمطر فلو مسدوده تنزلك مياه تحت الطابلوه من ناحية اليمين ولو مش مسدوده تدخلك هوا واتربه وحرارة وعادم

تعالوا نشوف احدى الحلول اللى مهندس حسام حلها بيها بشكل مبدئى فى الموضوع ده
http://www.nilemotors.net/Nile/374068-94-98-a-3.html

ده اقتباس من رده الخاص بالقضية دى

المشاركة الأصلية كتبت بواسطة hossamalsadik

المياه كانت بتخش من عند فتحة التكييف من الخارج فسدتها بكيس بلستيك
هوا معدتش الميه بتنزل نهائى بس لما اروق عملها فكره افضل وعمليه
السقاطه تملها اما شويت أمير او سيلكون لأن المشرشر الداخلى بيكون باظ
وحتى لو جبتها جديده هيا مش غليه خالص وفى منها اشكال جميله

وأخيــــــــــــــراً ربما يكون مقدمتش حلول ليكم كاملة لكن الأهم انك عرفت سبب المشكلة وسهل جدا نحل الجزء التانى منها والخاص بالناس اللى معندهاش تكييف.