الموضوع: عن ثبات الـ a7 أتحدث :)

انا من ملاك العربيه و عامل حتى الأن حوالى 11600 كم

انا قلت قبل كده ان لو مفيش هوا جانبى جامد العربيه و لا بتحس بيها بالسرعه اطلاقاً ما شاء الله و ال200 فى النسخه التربو على حوالى 3500 RPM و مفيش صوت موتور فبتحس انك فعلاً ماشى عادى جداً

كل المشكله بالنسبالى و نفس النظام مع قريبى الى جايب العربيه معايا فى حاجتين بخصوص الثبات

اولا فى الهوا الجانبى لو شديد شويه بتحس ان العربيه بتروح معاه ولازم تركيز شديد لان الدركسيون ناعم , و انا شخصياً و من كلام مع ناس انجليز فى منتدى بريتش سكودا ان غالباً ده من الRough Road Package الى بتنزل فى العربيات الى نازله مصر , يعنى لو العربيه نزلت للأرتفاع الأصلى غالباً مش هيبان تأثير الهوا ده و الله اعلم

ثانياً بردوا بسبب الأرتفاع و ده يعتبر اكستريم سواقه شويه بس انا جربت الموقف ده على وصلت مريوطيه ان لو بتجرى جامد 160 كده و عمال تاخد يمين فى شمالى فى يمين فى شمال بسرعه و الطريق فى تموجات فى الأسفلت العربيه بتتنطط شويه و مش settled as it should be مش زى العربيات الواطيه على الارض الى كانت معانا السيفيك و البى ام .

لو مش فاهمين اقصد عمال تاخد غرز فى فرامل فى شد فى غرز و الاسفلت مش مستوى - الأسفلت مموج

غير كده مظنش اساسا ان العفشه الخلفيه بصراحه عامله اى اختلاف فعلاً زى انسبريون ما قال .

المشاركة الأصلية كتبت بواسطة inspiron

بشكركم جميعاً علي ردودكم القيمة..

بالنسبة للعزل في العربية محسيتش بفارق كبير بينها وبين الفانتازيا..لكن الفرق واضح بينها وبين الباسات.

بالنسبة للوسع العربية دي فعلاً ( شِرحة وبِرحة )

بالنسبة لإحساس القيادة بينها وبين الفانتازيا...ميزة الفانتازيا إنها في موضوع نقل الغيار علي rpm 6500 مع صوت المحرك المميز بتاعها بيخليك تحس إن قيادتك impressive علي السرعات العالية وانت بتسمع صوت آخر نفس الموتور في الكيك داون
الـ a7 بتنقل علي rpm 6000 فالإحساس ده أقل شوية..لكن كجري..طبعاً تشيب الفانتازيا .. فعلاً خياااااال.

الـ a7 فيها esp وده قُتل بحثاً ونازل بإختصار تاني إسمه esc :)

بالنسبة للأخ الفاضل اللي قال من مشوار حكمت علي العربية وإني مش حيادي في أي موضوع بعمله..
أولاً تُشكر علي ردك الكريم :)

ثانياً .. هو حضرتك عاوزني أركب العربية أد إيه عشان أحكم عليها أكتر من سواقة لمسافة 140 كيلو بكل ظروف القيادة القاسية اللي ممكن تتخيلها من جري وغرز علي سرعات وفرامل ومناورات.جايز حد زي حضرتك محتاج يركب العربية شهر عشان يعرف يحكم عليها وده مش عيب.أنا حكمت علي العربية بحكم خبرتي اللي لا يستهان بها والفضل والعزة لله.

العربيات اللي عندي وراكبها حالياً ( ليس للإستعراض علي حضرتك ) باسات p7 و bmw 335i f30 و الفيرنا اللي حضرتك بتتريق وتقوللي أعملها تقرير كسوبر كار..دي أنا جايبها للمشاوير الكحرتة والشقا..لأنها تسد في الحاجات دي..مش جايبها عشان أجري بيها وأكل بيها الأسفلت وأعملها تقرير إنها وحش الوحوش..لما بحب أجري بإفتراء .. بروح علي الـ 306 حصان علي طول ودي اللي ممكن أقول عليها سوبر كار.

الخلاصة عشان مخرجش برة نطاق الموضوع أكتر من كده..

العربية دي ثابتة ثبات جميل...واختبرتها في كل الظروف اللي ممكن تخطر علي بال أي حد ( متعمد )
العربية دي عليها موتور كلمة واحدة توصفه ( مفتري )
العربية دي فراملها ممتازة من هنا للسنة الجاية.
العربية دي واسعة بشكل مُفرح عن الموديلات السابقة.
العربية دي تكييفها جميل.
العربية دي كمالياتها والرفاهية اللي فيها والديزاين بتاعها يخلي أي حد يتمني يشتريها.
العربية دي عفشتها كتحمل في النقر والمطبات ممتازة.
وأخيراً لو بطلنا فتي..والله هنتغير.

الاستاذ المحترم
اشكرك علي تقييمك للسيارة
انا من ملاك السيارة واتفق معاك في تقييمك

مع اختلافى فى كام نقطع معاك
بس بيج لايك يا حج
نقطه الفتى دى فكرتنى بشاب كان معنا فى المنتدى هنا كان معاه فيرنا
كنت بحرقلى علبه احمر و انا بكلم معاه ههههههههه