الموضوع: فضفضة وطلب نصيحة

انا متشكر جدا ليكم يا جماعة وربنا يجزيكم كل خير ، البنت دلوقت احسن بكتير الحمد لله ، واضح ان الموضوع كان بعبع الثانوية العامة اللى كل الناس بتخاف منه وخلاص اتعودت عليه ، والحمد لله وربنا يخليها لى هى واخوتها ويباركلى فيهم ويسترها عليهم وعلى كل بنات المسلمين

المشاركة الأصلية كتبت بواسطة طارق _عبد السلام

للاسف شبح الثانويه والمجموع بيعمل اكتر من كده وهذا ليس ضغط الامتحانات فقط هو ضغط متراكم من البدايه المجمووووووووووووع والكليه المرموقه .. بجد رعب فى رعب ربنا معاها ومع كل اولادنا ... العبىء النفسى ده انتم (الاسره) ادرى به وانتم من تستطيعون ازالته واخراجها من الضغط العصبى باى شىء تحبه ربنا معاكم

تصدق بالله . انا داخل على 47 سنه واقسم لك انى بيجى لى زى كابوس كده انى اتاخرت على الامتحان وببقى مخنوق وفى ضيق انى هسقط واعيد السنه(بتحصل كتير ) ولما اقوم من النوم بضحك واقول هو الكابوس ده مش هيسيبنى دا ابنى اللى فى الثانوى مش انا ههههههههه

ازيك طارق باشا كل سنة وحضرتك طيب ، هو فعلاً ضغط عصبى على الاسرة كلها مش على الاولاد بس ، الواحد بيبقى صعبان عليه تعب ومجهود البنت او الولد وفى نفس الوقت الفلوس اللى بتتصرف فى الايام اللى ما يعلم بها اللى ربنا ،الحمد لله على كل حال
ههههههههههههههههه ربنا يكون فى عونك يا عم ايه الرعب ده مش كفاية رعب ابنك بس

طب مش واجب تطمنا عملت ايه فالامتحانات ؟؟ :)

المشاركة الأصلية كتبت بواسطة ramymechanics

طب مش واجب تطمنا عملت ايه فالامتحانات ؟؟ :)

عايز اقول لحضرتك انى نبهت على مامتها انها متسألهاش على حاجة ، مش عايزها تحس انها تحت ضغط انا قولتلها اعملى اللى عليكى وذكرى وسيبي الباقى على ربنا ، وبينى وبينك احساسى بيقولى ان اخرها من 75% : 80% مش اكتر من كده وربنا يخيب ظنى وتجيب اكتر

المشاركة الأصلية كتبت بواسطة cdkareem

عايز اقول لحضرتك انى نبهت على مامتها انها متسألهاش على حاجة ، مش عايزها تحس انها تحت ضغط انا قولتلها اعملى اللى عليكى وذكرى وسيبي الباقى على ربنا ، وبينى وبينك احساسى بيقولى ان اخرها من 75% : 80% مش اكتر من كده وربنا يخيب ظنى وتجيب اكتر

ان شاء الله مش أقل من 95% اللى بيخاف دة بيبقى خايف مجهوده يروح لكن اللى مذاكرش بيبقى مكبر دماغه ... ان شاء الله ربنا هيكرمك فيها بإذن الله بس متنساش الحلاوة :))))