باركولى وساعدونى اشتريت النترا أوتوماتيك

**Ahmed Sharaf** · 18-10-2008 10:44 PM

المشاركة الأصلية كتبت بواسطة ahmedfd

أولاً ألف مبروك عليك العربية و ربنا يديك خيرها و يبعد عنك شرها.
تركيب الفوجات و الباركينج سينسورز بيخرجوا ضفيرة الكهربا بس من الضمان في حالة لو حصل فيها مشكلة نتيجة لتركيبهم.
أنا ركبت الباركينج سينسورز و كانوا بـ 275 من عشم نوار اللي في شارع دمشق بس أعتقد ممكن تجيبهم أقل من كدة ..و هيفرقوا معاك كتير و يريحوك في الركن أنا كان نفسي أركب كاميرا خلفية و شاشة داخلية و سألت عليهم في دبي بس كانوا غاليين.
بالنسبة للفوجات سألت عليهم في غبور فرع قليوب ونا بعمل صيانة الـ 5000 من حوالي 4 أشهر و قالولي الفوج لايت الواحد بـ 460 جنيه و دراع النور الداخلي بيتغير كمان و ده برضه تقريباً نفس السعر يعني إجمالي حوالي 1300 أو 1400 جنيه بس ممكن طبعاً متجيبش الدراع و تحط مفتاح منفصل لكن الأصلي طبعاً أشيك كتير.

أشكرك جداً على أهتمامك , انا لقيت سينسور صينى عند سبير كار وقالى انة بـ 150 تقريبا وهو لة شاشة تتلزق على التابلوة فيها علامات باللون الاخضر و الاحمر بس ماعجبنيش شكلها , انا هبقى اروح عند عشم نوار واشوفهم عندة أو لو تصورها يبقى الف كتر خيرك لانى شغلى فى المنصورة و بنزل القاهرة جمعة و سبت.

**big big** · 20-10-2008 11:36 AM

هوة السنسور دة عبارة عن اية واية فيدتة وياريت لو صورة لية

**big big** · 20-10-2008 12:53 PM

هوة مفيش حد عاوز يرد علية لية

**AHMEDCAR** · 20-10-2008 12:55 PM

السينسور عباره عن حساس بيركب فى الاكصدام الخلفى للسياره و ده بيكون ليه شاشه فى داخل السياره و بيقولى و انت بترجع للخلف اذا كانت المسافه بينك و بين اللى خلف مناسبه كفايه ام لا

**ahmedfd** · 20-10-2008 01:16 PM

ده شبه الشكل اللي عندي و الحساسات المدورة بتركب في الإكصدام الخلفي و بتطلق موجات صوتية تحسب المسافة اللي فاضلة بين العربية و أي عائق في الخلف.
الشاشة الصغيرة بتركب على التابلوه و في الإلنترا ممكن تتحط في نص التابلوه ورا حساس التكييف علطول بيكون شكلها كويس.
في أنواع تانية بدل الشاشة دي بتكون مراية صالون عادية مدمج فيها شاشة الباركينج سينسور و بتركب فوق المراية العادية في الصالون بس مبتعجبنيش شخصياً.
إن شاء الله افتكر اصور اللي راكب عندي و أرفع الصورة.

**big big** · 20-10-2008 02:58 PM

انا متشكر جد علي ردودكم واهتمامكم بس معلش علشان انا معنديش خبرة اوي بالمواضيع دية وانا عاوز اعرف الفتيس الاتوماتيك الحروف بتاعتة كل حرف فيدتة اية واستخدامة اية وامتي معلش انا هتعبكو معاية وهل الالنترا الاوتوماتيك سحبها حلو ولي تجمعها وحش

**AHMEDCAR** · 20-10-2008 03:03 PM

p يعنى الباركنج و ده كان العربيه متعشقه

R يعنى ريفيرس بمعنى الرجوع للخلف

N وضع المور او بمعنى اخر العربيه مش متعشقه او متمره

D السير للامام

D3 قياده رياضيه

L تستخدم فى حاله صعود مطالع جامده جدا

**ahmedfd** · 20-10-2008 04:47 PM

المشاركة الأصلية كتبت بواسطة AHMEDCAR

p يعنى الباركنج و ده كان العربيه متعشقه

R يعنى ريفيرس بمعنى الرجوع للخلف

N وضع المور او بمعنى اخر العربيه مش متعشقه او متمره

D السير للامام

D3 قياده رياضيه

L تستخدم فى حاله صعود مطالع جامده جدا

أحمد باشا هوا لو بيتكلم عن الإلنترا فالي عندي زي ما قلت بالظبط زي ما إنت قلت بالظبط مع تعديل بسيط:
P=Park
R=Reverse
L=Low
2=Second Gear
3=Third Gear
D=Drive

هوا الحقيقة أنا بستعمل الـ Low بس لما بكون طالع مطلع جامد في حتة ضيق زي مطلع جراج حاد و الـ 2 و الـ 3 عمري ما جبتهم بس من الكتالوج واحد منهم للمنازل الطويلة و التاني لما تكون بتجر حاجة بس مش عارف مين فيهم بيعمل إيه.