الموضوع: القرية الذكية

المشاركة الأصلية كتبت بواسطة Ahmed Taha

المشكلة أنه إحنا بنستكبر نركب مواصلات "ياى" و لازم نروح بالعربية عشان الفشخرة و القرية لها أتوبيسات محترمة جدا يعني مش حنركب أتوبيس 500 بتاع العتبة و الناس تدوس عليك.

والله في هولاندا مهندس في شركة بترول بيروح الشغل بالعجلة (طبعا دة extreme بالنسبة لمصر) و في أمريكا كله مشي أو بالمواصلات (دة في نيو يورك و أمثالها) لوجود مبانى إدارية كبيرة.

بيتهيالي حضرتك عممت زيادة عن اللازم
قد يكون فيه نسبة من العاملين بيحسبوها زي ما حضرتك قلت بس أكيد الغالبية مش كدة
انا باتكلم معبراً عن نفسي وعن زمايلي اللي انا عارفهم كويس
احنا مثلاً مشكلتنا عدم وجود مواعيد منتظمة للانصراف فإزاي هاتربط نفسك بمعاد باص
ده غير ان الاوتوبيسات اللي حضرتك بتتكلم عنها اللي بتوفرها القرية اشتراكها مش هين على ما اتذكر من سنتين كان 500 جنيه في الشهر
وكمان بياخدك من الميادين الرئيسية شاتل باص يعني
في الحالة دي هاتدفع ال 500 جنيه اللي انا باشوفهم مبلغ عالي جداً وبالاضافة لده مصروفات تاكسي مرتين في اليوم من بيتك للميدان اللي بتاخد منه الباص والعكس
من ناحية تانية بقى
الباصات دي مش متوافرة في كل حتة في القاهرة الكبرى
ومن ناحية تالتة على حد ما سمعت من سنتين برضة الباصات دي مفيهاش أماكن فاضية

المشاركة الأصلية كتبت بواسطة Ahmed Taha

رأيي أنه شئ طبيعي و جود باركينج بياخد حوالي 50 سيارة تحت المبنى و أمامه باركينج اخر 20 سيارة أمام المبنى (أساسا للزائرين).

التخطيط سليم و على أعلى المواصفات الدولية.

لكن المشكلة إنه مفيش بلد في العالم المتقدم كل موظف بييجي بعربيته الشغل.

تعالى نحسبها بالعقل لو كل دور فيه 90 موظف و المبني أربعة أدوار يعني حوالي 400 مكان للموظفين بس و لسة الزائرين. مفيش أي منطق يقول إن مبني 4 أدوار يتعملو باركينج سعة 500 سيارة!!

المشكلة أنه إحنا بنستكبر نركب مواصلات "ياى" و لازم نروح بالعربية عشان الفشخرة و القرية لها أتوبيسات محترمة جدا يعني مش حنركب أتوبيس 500 بتاع العتبة و الناس تدوس عليك.

والله في هولاندا مهندس في شركة بترول بيروح الشغل بالعجلة (طبعا دة extreme بالنسبة لمصر) و في أمريكا كله مشي أو بالمواصلات (دة في نيو يورك و أمثالها) لوجود مبانى إدارية كبيرة.

احمد باشا
انا ماتكلمتش عن ده خالص
انا بتكلم عن الباركينج الكبير


لو حضرتك بصيت على المباني اللي لسه تحت الانشاء هتلاقيها ضعف عدد المباني القائمة فعلا

يعني لسه فيه ناس كتيييييييييييييييييييير قوي هيشرفونا

هيكنوا فين (برضه انا لا اقصد الباركينج تحت مبنى الشركة)

ثاني حاجة مين قال ان كل اموظفين بييجوا بعربياتهم

بالعكس تماما

الاغلبية بيجوا بالمواصلات اللي الشركة بتوفرهالهم
النسبة اللي بتيجي بعربياتها
1- زوار عددهم مش كبير دايما
2- موظفين مواعيد شغلها مفتوح (زي حالاتي) وقت مابيخلص الشغل بيروح
3-موظفين لا يحق لهم ركوب الباص زي المديرين والمبيعات والناس اللي الشركة بتديهم عربيات

دو مش مكفيهم البرك الحالي
ولسه القرية ماخلصتش

لسة فيه ناس كتيييييير هتيجي

المشاركة الأصلية كتبت بواسطة Ahmed Taha

يمكن عشان أنا شغلي في أبراج نيل سيتي (الباركينج مأساه بكل المعاني) في الشارع مستحيل أما في المساكن مع البلطجية و ال......... الركن بتلاتة جنية للناصح و خمسة جنية للزبون لما بروح القرية عشان لية مشروع هناك بحس إني فالجنة و إن حضرتك بتتبطر عالنعمة.

أعتقد أن كلامك صحيح بخصوص الباركينج العمومي الغير مناسب لحجم القرية الصحراء واسعة و الباركينج العمومي ممكن يبقي زي بتاع المطار كده المساحة بالهبل لكن أنا بردو مصر إن المباني بها باركينج ملائم لنشاط مبني إداري أربع أدوار.

و للعلم المباني مش حتتضاعف بس لا دي في الخطة إنها تصبح ثلاث مرات العدد الحالي و ربنا يبارك و يوسع المحور.

نايل سيتي !!
ربنا يبعدنا عن الباركينج بتاعه

واحد زميلي كان رايح هناك في شغل
دفع 170 جنيه باركينج

اي نعم 170 جنيه يوم كامل


سمارت مش وحشة بس انا بتكلم عى حاجة لسه جديدة ليه ماتتعملش صح من الاول