عداد ال rpm

**المنسي** · 24-06-2014 10:19 AM

المشاركة الأصلية كتبت بواسطة captainahmed

عزيزي الاخ منسي
اولا لم يأخرني الرد علي حضرتك غير اني اولا كنت مشغول شوية في الشغل و ثانيا اني حبيت اجرب و اتاكد قبل ما ااديكم اي رد

ثانيا : احب اشكر المهندسة داليا فرج علي اهتمامها

ثالثا احب احكيلكم اللي حصل

يوم السبت اتصلت في حدود الساعة 11 و نص بفرع القطامية و ردت عليا مهندسة داليا مشكورة و افادت ان المركز فاتح و شرحتلها اني مش حقدر ااجي الاحد فمحتاج ااجي في نفس اليوم و بالفعل بعد ساعة بالظبط كنت موجود

الحمد لله مكنش في زحمة اوي و لما وصلت بصراحة اتاخر شوية الاستاذ اللي بستلم العربية و بيكتب في الكارت ايه المشاكل فكلمت الرقم الارضي تاني و مهندسة داليا نزلت بنفسها و جاء المهندس اللي بيستلم العربيات و كتب المشكلة

كان عندي زي معظم الناس مشكلة ان الشنطة مش بتقفل بس بصراحة كنت خايف لحسن يبوظوها زي ما حصل مع احد اعضاء المنتدي بس بصراحة شجعوني ان نكتبها و تتصلح و فعلا بصراحة دلوقتي الشنطة بقت بتقفل من غير مشاكل ولا رزع خاااااااااالص !!!! كنت بتكسف و الناس بتضحك عليا لما ادخل مول و اقول للامن لو سمحت ارزع الشنطة عشان تقفل !!!

موضوع عضه الفتيس كمان ذكرتها و ذكرت ان دي تاني مرة اشتكي منها و فعلا بردوا الحمد لله اتصلحت

و اخيرا بقا المشكلة الرئيسية و هي موضوع ال rpm

عايز اقولكم العربية كانت حتجنني و انا رايح التوكيل الادب كله نزل عليها و كانها لسه زيرو من المصنع !!!
و قدام المهندس معملتهاش ولا مرة !
حطوها علي الجهاز و مشيوا بيها و مفيس فايدة العيب اختفي !!!!

اتكلمت مع مهندس اسمه محمد و قالي الجهاز بيقول مفيش مشاكل و العربية تمام قلتلته لو حصلت حرجعلك تاني قالي لو حصلت تعالي في صيانه ال 10000 قلتلته لا حتلاقيني عندك تاني يوم مش حستني لاني لسه في حوالي 6600 كم

خرجت من التوكيل و العربية 100 100 مفيش مشاكل يا دوبك وصلت عند عباس العقاد بدأت العربية تستهبل تاني و تتجنن !!!
قلت الف و ارجع لهم

قلت الاول امون دخلت مونت و بعدين لقيت الوقت اتاخر قلت خلينا لبكرة

و بصراحته من ساعتها العيب اختفي !!!!!!!!!!!!!!!

الخلاصه ...........

استاذ منسي اعتقد ان كلامك كان صح 100 في 100
اعتقد ان المشكلة ممكن تكون كانت مشكلة بنزين ! و الدليل ان لما خلص البنزين و مونت و المرة دي مونت من محطة مختلفه و جديدة العربية حتي الان منتظمة !

حتي مشيت بيها مشوار من مصر الجديدة الي مدينه بدر و العودة و محصلش مشاكل

في النهاية احب اشكر

استاذ منسي
مهندسة داليا
و العاملين بفرع القطامية

و خصوصا الراجل بتاع البوفيه لان القهوه كانت حلوة اوي و شكراااااااااا :d :d :d

يا باشا ولا يهمك احنا هنا اخوات
الحمد لله ان المشكلة اتحلت بس معرفتش هما عملو ايه بالظبط فى الفتيس؟؟؟؟؟؟؟
موضوع البنزين الحمد لله ان معملش اكتر من كده ان فى عربيتى الفليشيا العربية بقت بتبطل لوحدها رفعت السلانسيه بتاعها علشان اعرف امشى ( العربية كربراتير ) المهم لما البنزين قرب يخلص مونت من بنزينة تانية والحمد لله
ملحوظة البنزينة اللى مونت منها البنزين وعمللى مشكلة كانت بنزينة وطنية

فالاول والاخر ربنا يديك خيرها ويكفيك شرها ويدومها عليك نعمة
تقبل تحياتى