الفلوانس مزعلاني من يوم ما جبتها

**ELSAMAN** · 19-06-2014 12:41 PM

نفس الرجة عندي من يوم ما اشتريت العربية، و عربيتي عاملة ٢٠٠٠ كيلو،،،،،، و رحت التوكيل مرتين، جربوها قالوا مفيهاش حاجة !! حطيت بنزين ٩٥ و منظف للدورة و مفيش فرق!!!!!

**ahmed mahgoub** · 19-06-2014 12:53 PM

المشاركة الأصلية كتبت بواسطة yasser100

يا جماعه ارجو تجربة بنزين 95 علشان موضوع الرجه دى . تجربه سهله و بسيطه و غير مكلفه كتير لانه بنزين هاتستعمله بارضه . ﻻنه نفس المشكله بالظبط ظهرت فى الاسترا و على السرعه القليله اللى تقريبا على نقلة التانى و ظهرت بارضه على كيلومتر عالى نسبيا و التوكيل اعترف انه لازم 95 برغم انه كان بيأكد من اول ما نزلت انها 92 اسألوا فى قسم الاوبل لانه نفس الموضوع فى الاسترا الرجه و ال ار بى ام اللى بيلعب . ارجو التجربه و الافاده

شكرا

**yasser100** · 19-06-2014 12:55 PM

المشاركة الأصلية كتبت بواسطة minamonir

لسا راجع من التوكيل في اسيوط
الجميل بقا ان المشكلة لا في علبة البيئة ولا الشكمان ولا الحساس
تسألني و تقولي المشكلة فين اقولك سبحان الله في التوكيل قالو مش عارفين
و حجزولي ميعاد تاني يوم الاثنين اللي جاي عشان محتاجين يراجعوا علي كهرباء العربية بالكامل

الجديد بقولهم العفشة ورا ناشفة شوية و كنت قولتلهم في توكيل سموحة يوم الاحد اللي فات و قالولي ربطناها و تمام مفيهاش مشكلة
هنا بقا قالولي المساعد الورا يمين ضارب و عايز يتغير و ميعرفوش تمنه هيسألوا و يردو عليا

و كفي الله المؤمنين شر القتال

وشكرا فلوانس

تجربة و هتعدي انشاءالله

ما تقلقش عين و ها تعدى :)

**yasser100** · 19-06-2014 12:57 PM

كده خلاص كان لازم تجربه علشان تخرج العامل بتاع البنزين من الموضوع . لانه ما فيش حد عارف السبب ايه . و ممكن التوكيل يبعت لفرنسا و بعد شويه ينزل سوفت وير

**M_Marwan** · 19-06-2014 01:36 PM

الله يكون فى عونك ويصبرك انا من كتر ما الناس بتشكر فى العربية هنا فى المنتدى فكرت ابيع عربيتى واجيبها !! ان شاء الله تتحل

**eng.m7md.ali** · 19-06-2014 02:17 PM

المشاركة الأصلية كتبت بواسطة minamonir

لسا راجع من التوكيل في اسيوط
الجميل بقا ان المشكلة لا في علبة البيئة ولا الشكمان ولا الحساس
تسألني و تقولي المشكلة فين اقولك سبحان الله في التوكيل قالو مش عارفين
و حجزولي ميعاد تاني يوم الاثنين اللي جاي عشان محتاجين يراجعوا علي كهرباء العربية بالكامل

الجديد بقولهم العفشة ورا ناشفة شوية و كنت قولتلهم في توكيل سموحة يوم الاحد اللي فات و قالولي ربطناها و تمام مفيهاش مشكلة
هنا بقا قالولي المساعد الورا يمين ضارب و عايز يتغير و ميعرفوش تمنه هيسألوا و يردو عليا

و كفي الله المؤمنين شر القتال

وشكرا فلوانس

تجربة و هتعدي انشاءالله

لا حول ولا قوة الا بالله

هيا لحقت؟!

العين فلقت الحجر بقى

بس المفروض المساعد ده يتغير على حسابهم عشان في الضمان ياباشا

**omaranes77** · 19-06-2014 03:54 PM

معلش العربية شكلها اتحسدت
متابع
بس كدة شكلة عيب منتشر

**yasser100** · 19-06-2014 05:17 PM

الغريب انه فيه برضه اخ معلق و معاه فلوينس 2011 يعنى مش الفيس ليفت الجديده و عنده نفس الملحوظه .

**Dr.a.osman** · 19-06-2014 07:51 PM

بص ياباشا،
رأي المتواضع فى الحوار ده هو أن بالنسبة لموضوع الرجة لما تشيل رجلك من على البنزين وانت على سرعة قليلة ده طبيعى ﻷنه كان موجود فى الفيس ليفت اللي كانت معايا و لاحظته فى أكتر من فيس ليفت سوقتها برضه و ده ليه علاقة باسلوب السواقة و الفتيس ال cvt و اللي بيديك احساس ان أول ما ترفع رجلك من على البنزين تحس زي مايكون فيه سير أو جنزير بيتزحلق من على ترس و ده شائع جدا مع الفتيس ال pulley based cvt . موضوع ال rpm ده برضه كنت بشتكى منه و لاحظته برضه فى عربية واحد صاحبى و ده حاجة أنا فى حياتى ماشوفتهاش فى أى عربية!!! ازاى تبقى واقف و ال rpm يبقى على 1150 لفة؟؟؟ و ماتتعبش نفسك مع بتوع التوكيل فى أسيوط و لا حتى فى القاهرة ﻷن محدش منهم عنده تفسيير و ده عن تجربة. الحل أن الناس اللي عندها الموضوع ده تجمع نفسها و تروح مع بعض للتوكيل عشان يهتموا و يشوفوا المشكلة فين ﻷن لما واحد بيرحلهم لوحده ببقعدوا يحوروا عليه و يقولوا كله تمام و مفيش حاجة و ده عن تجربة و مرمطة و خناقات معاهم.
شكرا و ربنا يوفقك

**MinaMonir** · 19-06-2014 10:25 PM

المشاركة الأصلية كتبت بواسطة eng f3lix

لا حول ولا قوة الا بالله

هيا لحقت؟!

العين فلقت الحجر بقى

بس المفروض المساعد ده يتغير على حسابهم عشان في الضمان ياباشا

حضرتك متأكد ان المساعد بيتغير في الضمان

الموضوع: الفلوانس مزعلاني من يوم ما جبتها

LinkBack

أدوات الموضوع

عرض

-

-

-

-

-

-

-

المواضيع المتشابهه

الفلوانس عربية عالية مفيش كلام : خلوص الفلوانس عن الأرض....Ground clearance

الزيوت اللي جبتها صح ولا ولا

مشكلة مزعلاني من النوبيرا

كريستالتي... بس في حاجات صغيره مزعلاني

مشكله فى السرينه الى جبتها

الكلمات الدلالية لهذا الموضوع

المفضلات

المفضلات

ضوابط المشاركة