الموضوع: طلعه ال 406 تعبانه اوي

المشاركة الأصلية كتبت بواسطة ah_tharwat

انا عندي ٢٠٠١ المكنة السوداء ٢٠٠٠ سي سي و عايز اقولك بالنسبة للتأخير في طلعة العربية هي مش بتبقى تقيلة غير لو الفتيس مش مظبوط و بيأخر نقل القوة من المكنة للعجل .... انا مرة كنت باشد مع واحد معاه هوندا سيفيك الشكل بتاع ٢٠٠٩ ده و ما عرفش يطلع مني لغاية ١٩٠ و بعد كدة هدينا احنا الاتنين ..... بصراحة انا ما كنتش اتوقع ان عربيتي هتعمل كدة بس ماشاء الله فاجإتني ..... اليومين دول بقى انا عندي نفس مشكلتك في تقل الطلعة و الميكانيكي قالي خلينا نشيك على الفتيس ...
اما بقى بالنسبة للمكيف فانا بتعامل مع واحد فاتح في بنزينة توتال اللي عند بيبسي في مدينة نصر ما شاء الله عليه شكله فاهم قوي ...كان عندي تسريب في الكومبريسور و كذا واحد قالي كدة بالسلامة تجيبلك واحد استيراد و انت و نصيبك بقى ..... الاخ ده عمل حاجة تقريبا غير جوان او حاجة في الكومبريسور انا ما اعرفش بالظبط و من ساعتها اللي يقولكمكيف الأوروبي بقعده عندي في العربية دقيقتين و على تاني درجة حتى لو بره ٤٨ .... بينسى اي حاجة سمعها .....اصلا مكيف ال ٤٠٦ ده من احسن المكيفات ...اكيد فيه عندك حاجة مش مظبوطة ....

بس يا باشا انا رغيت كتير معلش بس حبيت اشارك باللي اعرفه .. و لو اقدر افيد بحاجة تانية انا تحت امرك ..

شاكر لاهتمام حضرتك بالرد على استفسارى

ومفيش اطالة ولا حاجة احنا كلنا بنحاول نفيد بعض باللى نقدر عليه

وربنا يبارك لك فى عربيتك بس كنت عايز اعرف الفتيس مانيوال ولا اوتو ؟

وحضرتك منين وبتتعامل مع مين من الصنايعية ؟؟ وبالنسبة لصنايعى التكييف هل لو التكييف مشحون علشان يكشف عليه لازم يفضى الشحن ويشحنه من جديد (وطبعا هياخد فلوس على الشحن الجديد ولا ايه )؟؟؟

وهو بياخد كشف كام او بيشحن بكام ؟؟

المشاركة الأصلية كتبت بواسطة nightmare84

غيرت علبة البيئة منين وبكام لانى عايز واحدة

غلي الدهشوري وداني لواحد بتاع شكمان جنبه و كانت ب 700 او 600

المشاركة الأصلية كتبت بواسطة ah_tharwat

انا عندي ٢٠٠١ المكنة السوداء ٢٠٠٠ سي سي و عايز اقولك بالنسبة للتأخير في طلعة العربية هي مش بتبقى تقيلة غير لو الفتيس مش مظبوط و بيأخر نقل القوة من المكنة للعجل .... انا مرة كنت باشد مع واحد معاه هوندا سيفيك الشكل بتاع ٢٠٠٩ ده و ما عرفش يطلع مني لغاية ١٩٠ و بعد كدة هدينا احنا الاتنين ..... بصراحة انا ما كنتش اتوقع ان عربيتي هتعمل كدة بس ماشاء الله فاجإتني ..... اليومين دول بقى انا عندي نفس مشكلتك في تقل الطلعة و الميكانيكي قالي خلينا نشيك على الفتيس ...
اما بقى بالنسبة للمكيف فانا بتعامل مع واحد فاتح في بنزينة توتال اللي عند بيبسي في مدينة نصر ما شاء الله عليه شكله فاهم قوي ...كان عندي تسريب في الكومبريسور و كذا واحد قالي كدة بالسلامة تجيبلك واحد استيراد و انت و نصيبك بقى ..... الاخ ده عمل حاجة تقريبا غير جوان او حاجة في الكومبريسور انا ما اعرفش بالظبط و من ساعتها اللي يقولكمكيف الأوروبي بقعده عندي في العربية دقيقتين و على تاني درجة حتى لو بره ٤٨ .... بينسى اي حاجة سمعها .....اصلا مكيف ال ٤٠٦ ده من احسن المكيفات ...اكيد فيه عندك حاجة مش مظبوطة ....

بس يا باشا انا رغيت كتير معلش بس حبيت اشارك باللي اعرفه .. و لو اقدر افيد بحاجة تانية انا تحت امرك ..

انا عندي مشكله في المالتي سويتش بيعلق كتير محتاج ظبط ........ممكن يكون ده سبب تأخير الطلعه

المشاركة الأصلية كتبت بواسطة mostafa afifi

غلي الدهشوري وداني لواحد بتاع شكمان جنبه و كانت ب 700 او 600

طيب ممكن صورة ليها
وايه الفارق اللى حسيت بيه بعد تركيبها ؟؟(من حيث صوت العربية وايضا الاداء و استهلاك البنزين )

المشاركة الأصلية كتبت بواسطة nightmare84

العربية موتور ابيض-مفيش حد معين فى قطع الغيار بتعامل معاه ، انا شغلى قريب من التوفيقية بسأل عن ارخص واحد بيبيع قطعة الغيار و بجيب منه و بسال تليفونيا فى التوكيل و كتير الاقى التوكيل يبيع ارخص من برة زى تيل الفرامل (الاصلى طبعا ارخص من الحرفيين ب130 جنيه) وزى مجموعة الكاتينة (سير و بلى) ، الاوكيم شمعة واحدة اغلى من البوش بعشرين جنيه

الاوكيم الفرنساوى الاصلى ب 120 جنيه عند واحد بتاع فرنساوى فى شارع سليمان الحلبى بالقرب من التقاطع مع احمد عرابى و قريب جدا من التوفيقية

بالنسبة لقطع الغيار

اثنين لا ثالث لهما :

أصلى و ماركتها و جنسيتها على حسب المصنوع اساسا فى العربية و بالاتفاق بين بيجو و هذه الشركات
فرنساوى معظم المكونات
المانى زى بوش فى بعض المكونات
ايطالى - دى لمكونات دورة الوقود فى بعض الموديلات (ماجنيتى ماريللى)


غير اصلى
ودا ممكن تلاقيه يقولك فرنساوى زى كوجيفا او اوتوموبيل و دا صينى درجة عالية
و يقولك كورى و دا صينى درجة اقل
و يقولك صينى بس حاجة حلوة و دى آخر الصينى

المشاركة الأصلية كتبت بواسطة mostafa afifi

انا عندي مشكله في المالتي سويتش بيعلق كتير محتاج ظبط ........ممكن يكون ده سبب تأخير الطلعه

المالتى سويتش انا فكيته من الداخل عبارة عن مجارى نحاسية نصف دائرية متوازية

و دراع الفتيس بتعدى على المجارى دى بواسطة توصيلات معينة و منها الكمبيوتر بيعرف العربية على وضع ايه
ولا علاقة له بصعوبة طلعة العربية نهائيا
مجرد لحظة التشغيل او الركن الكمبيوتر يعرف انت على ايه

المشاركة الأصلية كتبت بواسطة nightmare84

شاكر لاهتمام حضرتك بالرد على استفسارى

ومفيش اطالة ولا حاجة احنا كلنا بنحاول نفيد بعض باللى نقدر عليه

وربنا يبارك لك فى عربيتك بس كنت عايز اعرف الفتيس مانيوال ولا اوتو ؟

وحضرتك منين وبتتعامل مع مين من الصنايعية ؟؟ وبالنسبة لصنايعى التكييف هل لو التكييف مشحون علشان يكشف عليه لازم يفضى الشحن ويشحنه من جديد (وطبعا هياخد فلوس على الشحن الجديد ولا ايه )؟؟؟

وهو بياخد كشف كام او بيشحن بكام ؟؟

العفو يا باشا احنا كلنا هنا بنشارك بعض تماما زي ما قلت ...

عربيتي أوتوماتيك الفتيس القديم و هو ابتدى يهيس الفترة الأخيرة دي مع دخلة الصيف الجميل ده ربنا يستر .... انا بروح على طول لأمجد اللي في الحرفيين و بنسبة كبيرة كان بيزبط العربية و قليل لما أرجعله على نفس المشكلة مرتين .....

و الراجل بتاع التكييف بيكشف على الشحن من غير ما يفضي , و أنا لما رحتله ما خدش كشف و شحن المكيف فريون أمريكي ب 200 و غير الحاجة البايظة في الكمبريسور ب 100 بمصنعيتها ...

المشاركة الأصلية كتبت بواسطة nightmare84

طيب ممكن صورة ليها
وايه الفارق اللى حسيت بيه بعد تركيبها ؟؟(من حيث صوت العربية وايضا الاداء و استهلاك البنزين )

مش معايا صور بصراحه بس مفيش فرق بينها و بين العلبه الاصليه لما كانت سليمه خالص تقريبا