الموضوع: ميتسوبيشي أتراج و لا كيا بيكانتو

المشاركة الأصلية كتبت بواسطة s o p h o s

اعتقد اننا المفروض ندي فرصة للميتسوبيشي

اه أنا بقول كدا بردو .. ما حدش عارف البلد داخلة على إيه .. إلغاء دعم بنزين وغلاء أسعار و ممكن إللي سوقه واقع دلوقتي تلاقيه كمان شهر عليه طلب أد كدا و الواحد ياخد الريسك بقى و خلاص :)

المشاركة الأصلية كتبت بواسطة ahmzd

أنا مش قادر أفيد حضرِتِك قوي بس حاسس إن الأتراج أحسن من البيكانتو على طول الخط ! لكن عموما في البيرسونا والجين 2 كمان.

شكراً جداً لحضرتك .. أسمع إن توكيل البروتون وال gen2 سيء جداً .. وقطع غيارها غالية جداً و كمان مش متوفرة .. و نادراً ما تلاقي ميكانيكي يفهم فيها .. وف إعادة البيع بتخسر فيها جامد .. ياريت تصلحلي لو أنا غلطانة ف حاجة

المشاركة الأصلية كتبت بواسطة s o p h o s

اعتقد اننا المفروض ندي فرصة للميتسوبيشي

أنا برضه بقول كدا :)

المشاركة الأصلية كتبت بواسطة mohamed bander

انا كنت محتار برضه كده فى عربية لمراتى ،، فى الاخر جبت البيكانتو.

بالنسبة لى متستاهلش سعرها ،، بس زي كل العربيات اللى فى السوق.

نصيحه اشترى ليكى وللسوق بمعنى اشترى العربية اللى هتلاقى قطع غيارها فى كل حته و توكيلها قوى لوما تبيعيها متخسريش فيها كتير ،، وده للاسف هينطبق على البيكانتو.

لو قدرتى تدورى على سانديرو اوتوماتيك او لوجان اوتوماتيك الشكل القديم مستعمل استعمال حلو هيكون كويس و تستفيدى بفرق السعر بس اهم حاجه الكشف فى التوكيل،، انا حاولت بس يأست بسرعه و جبت البيكانتو ،، هى فعلا صغيرة بس كعربية حريمى كويسه مش وحشه،، اما لو سفر فهتتعبك لان مجرد ما حطيت فى الشنطة طفاية الحريق و المثلث و شنطة الاسعافات حسيت الشنطة كشت :)

لو هتجيبى بيكانتو هاتى الخليجى افضل هتلاقى فيه اوبشنز حلوة.

بالتوفيق

الف مبروك العربية الجديدة .. ربنا يباركك ليكو فيها و يكفيكو شرها .. بس أنا قريت موضوع لحضرتك على المنتدى بتشتكي فيها من البيكانتو وإن أد إيه هي خفيفة و الدركسيون بتاعها يخدع .. أرجو الإفادة .. شكراً جداً لحضرتك

هو عموما الفئة السعرية دي مافيهاش حاجة أوتوماتيك عدلة للأسف! ربنا ييسر لحضرتك.

المشاركة الأصلية كتبت بواسطة mohamed bander

الله يبارك في حضرتك و يوفقك للخير

هو فعلا الدركسيون خفيف لما سقتها المرة الأولي لأني عندي أوكتافيا فطبيعي كنت احس الإحساس ده بس لما سقتها تاني لما رخصها تأقلمت عليها و محستش انه أزمة أوي بالتعود هيبقي حلو

وانت أكيد برضه هتحسي بكدة مع البيكانتو او الاتراج بعد الصني

انا المشكلة اللي معايا اني حاسس اني دفعت ١٠٢٠٠٠ في عربية متستهلش سعرها ومتاخدمنها كماليتها بس للأسف كل العربيات كدة مش ال بيكانتو بس،، هي بالنسبة لي اكتر عربية توفرت فيها الشروط اللي عايزها كعربية زيرو اوتوماتيك و وكيلها قوي بالسعر ده

الاتراج محدش يعرف عنها حاجة و لسة جديدة و محدش عارف هل دايموند هيوفر قطع غيارها و بكام لان أسعارهم مع اللانسر غالية

بالتوفيق ان شاء الله

اه والله الزمن ده بقى غريب .. الواحد معاه 100 ألف جنيه ومش عارف يشتري عربية عدلة :) .. شكراً جداً لحضرتك .. أنا نويت إن شاء الله أجيب الأتراج .. عملتلها تست دريف ولقتها كويسة و سحبها و تكييفها كويسين .. هي فعلا الدركسيون بتاعها أنعم من النيسان كتير .. و العربية ارتفاعها أقل من نيسان بردو .. بس أنا أصلا كنت مضايقة من النيسان فالنقطتين دول .. كنت بحس الباور بتاع الدركسيون مش ناعم .. زائد من ارتفاعها و ضخامتها كنت بحس اني راكبة مركبة فضائية :) ف لاقيت الأتراج بقى تقضي الغرض .. وسألت على أسعار قطع غيارها و لاقتها زيها زي اللانسر و النيسان .. تقريباً كل أسعار قطع غيار الياباني متقاربة .. هبقى أقولكو تقرير عنها بقى :)

المشاركة الأصلية كتبت بواسطة sue214

اه والله الزمن ده بقى غريب .. الواحد معاه 100 ألف جنيه ومش عارف يشتري عربية عدلة :) .. شكراً جداً لحضرتك .. أنا نويت إن شاء الله أجيب الأتراج .. عملتلها تست دريف ولقتها كويسة و سحبها و تكييفها كويسين .. هي فعلا الدركسيون بتاعها أنعم من النيسان كتير .. و العربية ارتفاعها أقل من نيسان بردو .. بس أنا أصلا كنت مضايقة من النيسان فالنقطتين دول .. كنت بحس الباور بتاع الدركسيون مش ناعم .. زائد من ارتفاعها و ضخامتها كنت بحس اني راكبة مركبة فضائية :) ف لاقيت الأتراج بقى تقضي الغرض .. وسألت على أسعار قطع غيارها و لاقتها زيها زي اللانسر و النيسان .. تقريباً كل أسعار قطع غيار الياباني متقاربة .. هبقى أقولكو تقرير عنها بقى :)

الف مبروك مقدما انا شفت العربية وقلقي منها عشان نفس الاسباب الموتور 1200 و3 سلندر لكن كشكل خارجي كويس جدا وداخليا معقول جدا بالنسبة لسعرها وكان سعرها امبارح الفول اوبشن 109 عند سمير ريان