السلام عليكم ورحمة الله وبركاته
شباب ونسور المنتدى كل عام وانتم بخير :)

واخص بالذكر والترحيب .. الدكتور حازم .. واستاذ عمرو اكسيل .. وكل واحد ساعندني هنا في المنتدى

نبدا بقا ....
امبارح توجهت الي ساندن للتكيفات فرع المعادي الجديدة الساعة 9.30 الصبح وكانوا لسة فاتحين

باختصار ...
كل حاجة جديدة ماعدا الكباس استيراد بــ 2500
كل حاجة جديدة حتى الكباس ساندن ومعاه ضمان سنة ب3200

المهم انا قلت اركب الاستيراد مؤقتا عشان الفلوس معايا ما كفتش .. ولو ربنا كرمني هابقى اجيب الجديد

سألته على موضوع قص حنه من الصاج .. قالي الكلام ده كان زمان دلوقتي المروحة باقيت رفيعة وفعلا محتاجتيش نقص حاجة ...

بدأنا الشغل ...
فكوا الاكسدام بس .. وماحدش فك التابلوه نهائي ..فك ناحية اليمين بس على خفيف و المهندس اتشقلب وفضل شغال ... جهزوا كل حاجة وفضل على تركيب قاعدة للكباس ...

على الساعة 3 ونص كده بعد التجهيز واحد من اللي شغالين اخادني وروحنا دار السلام عند واحد اسمه الحج محمد .. عشان قاعدة الكباس وتركيبه .. فضلت عنده بتاع 3 ساعات وبعد ماخلص .. روحت تاني لساندن ظبط مواسير وقص وقيف وشحن وكله تمام .. شغل ياباشا .. تمام الجو جوه برد زي الفل ...

انتهينا على الساعة 10 ونص باليل .. ورحت مروح البيت ....

طبعا فضلت مشغل التكييف على 1 وانا ماشي كنوع من انواع التجربة .. انا عارف انها مش هاتبقى تجربة صحيحة بنسبة 100% عشان كان بليل .. وكان الججو مش حر .. بس قلت لازم اجرب برضو

مشواري كان قريب لاني ساكن في المنيب .. اخر البحر الاهظم .. فكل الحكاية كان شارع النصر على الدائري على البحر الاعظم على البيت ... الطريق كان بيجري .. ومافيش غير وقفات بسيطة جدااا في التريق .... كل ده وانا قالفل الشبابيك ومشغل التكييف على واحد بس ....

وكانت الصدمة !!!!! ويارت حد يفيدني وخاصتا اساتذنا اللي جربوا الموضوع ده قبل كده !!!

مؤشر الحرارة عدى النص ... ياعني بقى على النص مابين علامة الهاي والوسط !!!!
انا اتخضيط بسراحة ... بعد ماركنت بفتح الكبوت لاقيت الصاج اصلا مولع .. ولما قتحته لاقيت صهد عالي جداااا ... ايه ده !!!! داحنا باليل اومال الصبح او في الشمس والجو مولع هايعمل ايه !!!

كمان لما جيت ابطل العربية وهي سخنة جدا .. بعد ما فصلت وشلت المفتاح حصل دربكة ولخبطة جامدة جداااا للعربية ... رجة رجة رجة .. طولت شوية .. كأنها عاوز تبطل ومش عارفة .. كنت معشقها بس لسة ماشلتش رجلي من على الدبرياج ... ولما شلت رجلي راحت ناطة !!!! ايه ده انا شايل المفتاح اصلا .. شوية .. وراحت هديت .... !!!! الحمد لله

النهاردة الصبح روحت بيها الشغل من غير ماشغل اتكييف خالص .. وانا بسخن الصبح كالعادة روحت شادد الشفاط سنة صغيرة جدااا ... دقيقة والعربية بدأت تسخن اسرع من الاول .. روحت منزل الشفاط ...
مشيت بها من البيت لحد وسط البلد .. لاكن الحمد لله ... المؤشر ماعداش النص اصلا .. كان طبيعي .. ولما جيت ابطل .. برضو بطلت طبيعي .. جداا الحمدلله ....

لاكن موضوع سخونة العربية مع التكييف ده طبيعي .. وهل ليه حل ولا ايه ؟؟ برجاء الافادة .. وكمان موضوع الرجة المجنونة لما تسخن ده حله ايه .... برجاء الافادة

وشكرا