الموضوع: صوت الموتور عالى جدااا ابيزا 94

اهلا بيك في قسم سيات نايل موتورز

ممكن تقولنا تفاصيل اكثر عن موتورك زي السعة والكود وموديل السيارة
واخر صيانات عملتها ولون دخنة الشكمان وهل الزيت بينقص - وبينقص قد ايه - وهل المياة بتنقص - طب لونها متغير - بتزود المياة قد ايه كل قد ايه

عشان نقدر نساعدك

تحياتي

المشاركة الأصلية كتبت بواسطة Magdy-Ibiza

بسم الله الرحمن الرحيم

دى أول موضوع ليا فى المنتدى و بشكر كل الاعضاء لما بذلوه من جهد و تعب اللى خلى الموقع دا من أحسن و أفضل المواقع عن السيارات و انا شخصيا سعيد بانضمامى للموقع الرائع دا

انا كان عندى شوية استفسارات
انا عندى صوت الموتور عالى جدااا و رحت عن ميكانيكى و بص فيها و قالى دى عايزه شواكيش تكيهات و فى ميكانيكى تانى قالى دى عايزه وش سلندر

هوا انا اعرف منين ؟؟؟؟

الحاجة التانيه لما الموتور يسخن و اربة المياه سخنه جداا و بطلع دخان و الكربراتير نفس الكلام بيطلع دخان دا ممكن يكون عيب بوابة بنزين و الرشاش ؟؟؟؟ بالأخص ان الميكانيكى من شهر قالى ان البوابة بالرشاش عايزين يتغيرو بس انا عايز اعرف السخونة و الدخان دا من البوابة و الحساس ولا لأ ؟؟ ( انا سمعت ان البوابه لما بتبقى بايظة بدخل هواء للموتور )

المشاركة الأصلية كتبت بواسطة Magdy-Ibiza

شكرا لردك
ابيزا 1994 سعة الموتور 1300 سى سى ( الموتور بتاعها مش مسقط واحد )
لون دخنة الشكمان اسود - الزيت مش بينقص - المياه تحس انها بتتبخر كل ما احط مياه و اروح مشوار بتفضى ( مش مخرومة ) و لونا مش متغير لأ - روحت مشوار للتحرير رايح جاى و انا رايح مكنش في حاجه ( قبل ما تحصل المشكلة ) و انا جاى فى الطريق فتحات التهويه دخلت دخان عندى فوقفت و فتحت الكبوت لاقيت بخار طالع من الاربة المياة و هيا مقفولة و الكربراتير بيطلع دخان و فشفت ميكانيكى فى الشارع اللى كنت في صلحهالى و قالى الموتور كان فيه هوا و فضتهولك و بقى مليان مياة مشيت بيها كويس عقبال ما وصلت ( الطريق 40 كيلو ) نفس المشكلة حصلت دخان تانى و الموتور بعد ما حصل المشكله دى تحس ان صوته مش ضخم زى الاول تحس انو بيصرخ ( انا اسف على الالفاظ دى بس انا مش عارف اعبر صح )

في البداية تعال نشوف المشاكل كدة واحدة واحدة
اولا الدخنة السودا دة ضبط كاربراتير (هوا وبنزين) واحتمال ان فعلا يكون الماينفولد عندك عايز جوان او بيسرب هوا
الزيت مش بينقص دة مؤشر كويس ان جوان السلندر تمام
المياة بتنقص ليها عدة اسباب وانا شخصياً شاكك في غطا القربة

انت بتقول البوابة والرشاش
انت موتورك 1300 ولا 1400 هاف انجيكشن spi ؟؟؟؟
ال1300 مافيهاش رشاش دي كاربراتير وفيه بكات وليس رشاشات

كمان ال1300 مافيهاش حساسات
انا شاكك ان موتورك 1400 spi

ياريت تقولنا الكود بتاعه ايه

وجرب الأول تختبر غطا القربة ولو عايز تغيير غيره
هتختبره عن طريق انك تسيب العربية تسخن والمروحة تشتغل وتبص في جنب القربة هتلاقي فتحة - لو بتطلع بخر خفيف يبقي الغطا عايز يتغير وبيسرب

اما عن كود الموتور فهتلاقيه علي البلوكة تحت الأسبراتير

تحياتي

المشاركة الأصلية كتبت بواسطة magdy-ibiza

حضرتك البخار ميبتسربش من الغطاء .. هيا الاربة المياه فيها فتحات عشان المياة الزيادة و هوا بيطلع منها .. اما عن الكود انا هجيبه النهاردة ان شاء الله
شكرا لاهتمامك

طالما الفتحة مش بتطلع بخار يبقي الغطا تمام
طب بصيت علي الشجرة والكوليهات
راكب عندك ثرموستات الكوعة ؟؟

راجع تاني علي الدورة بالكامل وشوف طبات المحرك

تحياتي