الموضوع: تجربتي مع تغيير زيت فتيس كوردوبا 2006

السلام عليكم ورحمة الله وبركاته.
الحمد لله تم تغيير الزيت بفضل الله وبداية كنت حابب أشكر كل الناس اللي شاركت في الموضوع اللي موجود في اللينك وقدمت بعض النصائح والمعلومات.
http://www.nilemotors.net/Nile/423245-2006.html
عايز اقولكم إن الموضوع كان في حيرة وتخبط بسبب المعلومات المتغيرة من شخص لشخص وإن ديه أول مرة بغير في الزيت مع عدم الإطالة ديه معلومات عن فتيس الكوردوبا 2006 موديل
6l2 1.4 16V 55KW Engine Code BKY
- نوع زيت الفتيس: زيت الفتيس من النوع الأبيض كما يقال وهو فعليا لونه مائل للون العسلي وموضوع أن زيت الفتيس ده هو الزيت الأحمر ليس له أساس من الصحة وده الحمد لله إتأكد منه عند التغيير لأن ديه أول مرة أغير زيت يعني ده زيت المصنع والحمد لله الزيت كان نازل إلى حد ما بدرجة لونه لأن العربية كانت عاملة 53000 كيلو يعني الحمد لله كانت حالته المعنوية كويسة أتمنى الزيت الجديد لما أغير القيه متماسك كده.
- نوع الفلتر (المصفى): طبعا أنا حابب إني أقول عليها المصفى لأنها في الواقع تشبه إلى حد كبير فكرة المصفى و طبعا لما نزلت اشتري الفلتر كل بتوع قطع الغليار قالولي أنه بتاع الA4 والكلام ده غير صحيح مصفة الفتيس كلها من المعدن وليس بها أجزاء بلستيكيه زي الA4 وديه شكلها.

- كارتيرة الفتيس: وبما أن الفلتر بتاع الA4 زي ما التجار قالولي يبقى أكيد جوان الكارتيرة بردة نفس جوان الA4 مش محتاجة فقاقة . المفجأة بقى إن الكارتيرة ملهاش أصلاً جوان وكانت متقفلة بسيلكون الفبريكة .
مرحلة التغيير:
طبعا بعد المعلومات المغلوطة الكتير نزلت لفيت كتير عشان أعرف أجيب أنه زيت بالضبط وكمان أي نوع الفلتر وكانت النتيجة ودي طبعا ملهاش علاقة بالنتيجة اللي وصلتلها من المنتدى. المهم 90% من التجار أكدولي إن زيت العربية من النوع الأبيض وليس الأحمر وده طبعا كان مسببلي شك وريبة لأن كان معظم الناس أكدولي أنه من النوع الأحمر. المهم أتوكلت على الله واشتريت الزيت الأبيض وطبعا الكل عايز يعرف جبت أنه نوع والله الموضوع كان محير والزيت الأصلي غالي واللتر كان بيوصل من 170 ل 200 وده صعب جدا وكما مكنتش مستريح لأن العلبة كان مكتوب عليه صنع في اليابان مش ألمانيا و بما أنها كده كده مغامرة فقررت أجرب الزيت الجديد

وده جبته من ورشة نايل موتورز في الحرفيين.
أما وعن الفلتر فكانت الطامة الكبرى يكاد يكون بلا مبالة 99% من التجار أكدولي أنه هوه هوه بتاع الA4

وطبعا أنا اشتريته وزي ماوضخت الكلام ده خاطيء والصراحة يعني الفلتر اللي فيها مش لازم يتغير لأنه كله معدني وكمان لما خلعة من الفتيس كانت حالته زي ما هي 100% فالميكانيكي نظفة بهوا وبنزين رجع جديد.
المهم رحت للميكانيكي في مدينة 6 أكتوبر وهي ورشة جديدة اسمها DAS auto وهما قالولي ان ليهم فرع في مدينة نصر وهما مبيشتغلوس غير في عائلة فولكس فقط وباين عليهم انهم صنيعيه قوي وفهمين والورشة المسئول عنها أحمد ومدحت وناس محترمة جدا ومش غاليين في المصنعية والله أعلم بردة عشان انا معنديش خبرة في الموضوع بس مقارنة بناس تانية رحلتها.
المهم ساب العربية تهدى لأني كنت راحع من مصر الجديدة وعندهم واحد اسمه رضا بس شكلة خبرة في الفتيسات لأن أول ماشف الفلتر قبل مايعمل أي حاجة قالي العربية ديه مش ده فلترها والكارتيرة ملهاش جوان وبتتعمل بسيلكون وقالي الزيت أبيض أوعى تكون جبت الأحمر.
المهم متزعلو مقدرتش أصورلكم مرحلة التغيير كنت لسة راجع من الشغل وتعبان بس ممكن اي حد عايز يستفسر عن حاجة يسألني تحتك أمر الجميع.
تقيمي بقى للزيت أو بعد التغيير.
الصراحة أنا مش عارق أقيم لسة لأن الحمد لله مكنش في مشكلة عندي في الفتيس وانا غيرت الزيت بس عشان لقيت تعريقة خفيفة حولين الكارتيرة وكده كده كان ميعا تغييرة قرب وإن كان في إحساس بسيط من النعومة أكتر من الأول في نقل الغيارات وعمتا أما أمشي بس كام ألف كده هوفيكم بالجديد.

تحياتي للجميع وشكرا على المساعدة

المشاركة الأصلية كتبت بواسطة kyrillos

ألف مبروك تغيير الزيت, أعتقد انك عملت الصح, يا ريت لو تقلى الورشة بتاعتهم فى مدينة نصر فين بالظبط عشان انا حطيت زيت أحمر فى الفتيس من اسبوعين واعتقد ان ده مش صح

Volkswagen 01M transmission - Wikipedia, the free encyclopedia
مكتوب فى ويكيبيديا ان الزيت المفروض يكون Pentosin ATF-1 or Volkswagen G 052 162 A2
وده وده مكتوب عنهم فى النت انهم amber - عسلى
يعنى مش ابيض ابيض, ابيض غامق light brown
يا ريت لو تقلى مكانهم فين فى مدينة نصر او رقمهم وشكرا

بالضبط هوه لون الزيت مش أحمر ولاكن عسلي زي ما وضحت في التقرير وإنت لازم تغيير للزيت الموصى به والكود اللي إنت كتبته ده الكود الصحيح بتاع الزيت.
أما موضوع الزيت فانت قدامك أختيارات كتير الزيت الأصلي اللي مكتوب عليه الكود ده بحوالي 170 وهتلقية في التوفيقية عند كل تجار الفولكس أو معظمهم لو عايز وولفر ممكن تطلبه من الرقم ده وهيجيلك لحد عندك 01140222140 أو ممكن تجيبه من ورشة نايل موتورز في الحرفيين .
رقم المركز في أكتوبر 01004998347 أسمه أحمد ممكن تكلمه وتسأله عن مكانهم في مدينة نصر انا أعرف إنهم جنب مبنى أمن الدولة الورشة اسمها DAS Auto.
تحياتي