ارجو المساعده في اتخاذ قرار شراء سياره من فضلكم

**mohamed ali** · 20-07-2007 12:24 AM

[size=6][/sizeالف شكر ياجماعه علي الردود
بالنسبه لموضوع الايجار انا فعلا كنت باجر قبل ما اشترى عربيتي السابقه ولكن كنت بانزل مصر مرتين في السنه وكنت بادفع حوالي 7000 في حوالي شهرين او اقل زياده علي ذلك ماكنتش باخرج بالعربيه كل يوم فا كنت باستحرم الفلوس لكن اكمني متعود علي العربيه ما كنتش باقدر استغنى عنها واكيد انتوا مجربين وفاهمين زد على ذلك انا فلوسى في البنك ما باستحلش الفوائد او العائد زي ما بيقولوا وناوى استقر في مصر في خلال سنتين علي الاكثر وهايكون نزولي كتير شويه فا اعتقداان الايجار ها يكون مكلف شويه.
بالنسبه للواجا انا ماعرفشى اي حاجه عنها انا بس شوفت الويرا والجين2 وماعنديش معلومات غير ان فيه ناس كانت بتشتكيمن الحدفه في الويرا وخامات التابلوه في الجين 2 والتوكيل.
اما بالنسبه للماتيرا العربيه اتعرضت هنا في فرنسا في شهر مارس ولكن ماشفتهاش في الشارع غير مرتين فقط بعكس الماتريكس مثلا ممكن تشوفها كل يوم
وشكلها مش عارف الناس بتقول عليها ايه في مصر لكن اعتقد انها سابقه لاونها شويه يعنى ممكن الناس كمان 10سنين كده تقول عليها الله دي عربيه جميله انا طبعا العربيه عجبانى لكن اعتقد انها مش استلام فوري وعلي حسب ما سمعت انها مش منتشره اوى وكمان الكبوت بتعها صغير قوى و ارتفاعها عن الارض اعقد انها اكيد ها تخبط في المطبات في ارض المحروسه والشنطه سعتها يعني مش كبيره والخامات بتعتها كويسه فعلا لكن مفيش مخدع لا امامى ولا خلفي وكمان عداد الحراره مفيش.
بالنسبه للتريوس انا ما شفتش الموديل الجديد لكن القديمه ضيقه قوي وكمان اتزنها مش كويش
بس انا عاوز اعرف هي الكيا السيراتو متوفره في المعارض ولا ايه وكمان مين الوكيل الي منزلها وبيعمل لها الصيانه ويا تري سعرها كام وايه اخبار قطع الغيار متوفره ولا ايه.
وشكرا لكم جميعا وما زال البحث جاري والحيره موجوده

**fahd_628** · 20-07-2007 01:20 AM

انها مش منتشره اوى

يا باشا الماتريكس من اكثر السيارات انتشارا فى مصر

**Karim_Monir** · 20-07-2007 03:57 AM

بص يا محمد بما انك مش فارق معاك كوري من ياباني هات سيراتو وما تقلقش من التوكيل لانها الحصان الربح بتاعه هيا والبيكانتو
وهيا نفسها الالنترا بس متغير فيها شوية حاجات لان شركة كيا وهيونداي بيستعملوا شاسيهات ومواتير واحدة والموديل الجديد من سيراتو عدلوة وطوروه جدا والكلام ده اتشرحلي من استااذ خالد فراوق مدير مبيعات شركة كيا ايجيبت
اما لو عايز عربية اعادة البيع زي الجنية الدهب زي ما حازم قالك هيا مفيش غيرها الكرولا
وده السبب اللي خلاني بعد ما قارنت بين الماذدا 3 والصني واللانسر والالنترا والسيراتو والماتيرا والكرولا
انحزت للكرولا رغم ان كلهم 1600 وهيا 1300 بنفس التمن
اما عن الحجز والكلام الفاضي ده انت ممكن تدفع الف ولا الفين وتستلم فوري وممكن يطلع حظك حلو زيي رايح اسال لقيتها قدامي فورا بس الالوان الغامقة عليها طلب زيادة شوية
المميزات بتاعت الكرولا
واسعة جدا جدا-وشنطة واسعة برضه
توكيل محترم جدا جدا وحاجتها موجودة من اول الياباني للتيواني للصيني
ثبات حلو لحد 140 بعد كدة لازم تركب حاجات تزود الثبات وانت مش محتاجة
تسارع جميل رغم ان موتورها 1300
تكييف تلاجة وده هاتعرف قيمتة في مصر ولا يؤثر علي العربية نهائيا
تقفيل ممتاز وخامات كفياة انها من تويوتا
اخر حاجة استهلاط بنزين قليل جدا بطريقه غير طبيعة علي الحجم والامكانيات دي
اسواء عيوبها عدم وجود عداد RPM بس انا ركبت واحد
تاني اسواء عيوبها بتدفع فيها تمن اكتر مما تساوية غيرها زي لانسر 1300
يعني مثلا لانسر 1300 ب 88 الف
وكرولا 107 فيه فرق 19 الف
بس شوف حالة لانسر 98 في شوارعنا وشوف حالة كرولا نفس الموديل هاتعرف الفرق في الخامات لكن كمان قيمة اعادة البيع هاتلاقيها في صالح التويوتا
ربنا يوفقك وماتنساش الاستخارة

**madoo** · 12-08-2009 03:38 AM

لو طلبك عربيه عائليه يبقى هي دي الافضل كموصفات و حجم داخلي وسمعه وكيل وماركه محترمه وياباني .. بالاضافه لسعر منافس جدا -- نفس سعر الكورولا 1300 فاضية -- لكن دي بقه حميع الكماليات و زياده و مستوى الصالون مبهر في تصميمه او الخامات المستخدمه ولكن بعد الفحص والتمحيص يوجد بعض العيوب (مع الاخذ في الاعتبار عدم وجود عربيه خاليه من العيوب)
1- خلوص العربيه من الارض اقل من اللانسر ب 2 سم و الكورولا ب 3سم يعني العربيه واطيه شويه ومحتاجه حرص في المطبات ... يعني لو طريقك الطبيعي مليان مطبات و طرق غير ممهده هتبقى ماشي قلقان. بس في المقابل ده بيدعم ثبات العربيه على السرعات العاليه وفي الملفات وبناء على كلام احد موظفي التوكيل (هو شخصيا اشتراها) العربيه ثابته لغايه 160-170 والملفات على 70-80 مستريح .

2- عصاية الفتيس بعيده شويه عن متناول ايدك في الوضع المريح للسواقه... انا مسوقتهاش بس ركبت جواها.... وان كان اللي ساقوها بينفو الموضوع ده. (والحل هنا الاتوماتيك) بس زود 7 الاف.

3 -عدم وجود كونسول بي الكراسي الاماميه رغم وجود مساحه كبيره تسمح بذلك ...

4 - عدم انتشار العربيه حتى الان قد يجعل من الصعب توفر اكسسوارات مناسبه لها خارج التوكيل معنى ذلك انك مضطر تأمن عليها لان لو حصل اي حاجه لا قدر الله هتبقى الحاجات غاليه عند الوكيل (فوانيس -- اكصدام --- خلافه)

5 -وضع الموتور في كبوت العربيه اعتقد انه بيصعب شويه من عمليه الصيانه ...-- بس مش متأكد من الكلام ده لانه استنتاج شخصي--- على فكره هو نفس موتور التريوس الجديده ويتميز بالنعومه الشديده والصوت المنخفض.

مش ها اتكلم عن سعر اعاده البيع لانه غير معروف ... بس هي مش هتبقى منتشره وهتلاقي ناس بتحبها جدا وناس بتكرها جدا .. يعني مش زي اللانسر و الكورولا مثلا الي ما بيحبهاش مش بيكرها ...

تفتكر بعد كل ده هل ها تغامر وتشتريها ....
انا شخصيا مقتنع بيها جدا وشايف ان كل العيوب دي في مقابل الوسع غير الطبيعي ووضعيه القياده الممتعه والتوكيل المحترم و الساوند السيستم الجامد والتكييف التحفه يخليني اشتريها ........

http://www.sts.com.sg/general/review.php

اللينك ده في شويه لينكات لريفيوهات اتعملت عليها ..

وربنا يوفقك في اختيار العربيه المناسبه

+1111111111111111111111111111

صدقنى انا معايا الماتيريا عربييه زى الفل والله العظيم عربيه محترمه جدا جدا

كفايه انك تبقى راكب ومحدش زيك والله احساس مش يتعوض