عربيتي عملت حادثة ومش عارف اصلحها فين

**ezz** · 15-10-2008 09:56 PM

وعسي ان تكرهوا شئ وهو خير لكم واضح من كلامك انك عندك ايمان بربنا ربنا يقويك

**m.3abdel3al** · 15-10-2008 10:04 PM

كام بالظبط دي مستحيل اي حد يقدر يحددها غير الصنايعي هو عارف شغله و نصيحه منب انزل عند الزقازيقي الكبير في بورسعيد بسم الله ما شاء الله عليه 100 / 100 و هيؤلك على الصح ..... وقدر الله وما شاء فعل

**ahmedsrs** · 15-10-2008 10:51 PM

الف سلامة عليك انا شايف انك تبيع العربية بحالتها كده وتريح دماغك هتصرف كتير وهتوجع دماغك ما الصنايعية ومش هترجع ذى الأول اشترى دماغك احسن

**مصراوي جدا** · 15-10-2008 10:53 PM

موضوع ان العربية كويتي او خليجي او بضمان او مش بضمان فده كله يتعلق بالصيانة وكلمة ضمان معناها تغطية لعيوب صناعة زي مثلا مساعد او بطارية تلفت خلال فترة الضمان يتم تغييرها مجانا لو في الضمان او على حساب العميل لو مش في الضمان

اما الحوادث فليس لها علاقة بالضمان وانما تكون مغطاة بالتأمين او غير مأمن عليها

بخصوص التوكيل فحادثة جامدة زي اللي حضرتك بتوصف في تلفياتها دي متنفعش تتعمل في التوكيل لأن التلفيات المذكورة دي لو كانت العربية متأمن عليها فاحتمال كبير جدا يتم عمل مقايسة بمبلغ كبير يجعلها تعتبر Total loss يعني شركة التأمين تاخدها وتسلم العميل قيمة التامين بالكامل
وده لأن في التوكيل لازم كل قطعة غيار تعرضت لأي نوع من انواع التلف انها تتغير (يعني على سبيل المثال لو الفانوس الأمامي سليم تماما انما الودن البلاستك اللي شايلاه ومربوطه بمسمار اتكسرت بيتم تغيير الفانوس بالكامل في المقايسة علشان العربية ترجع بعد الاصلاح زيرو تاني)

انما طالما مش متأمن عليها يبقى انصح حضرتك تعملها خارج التوكيل وممكن تشوف السمكري اللي بينصح به الاستاذ أدهم أو اي سمكري في الحرفيين يكون معروف انه كويس

ويفضل لو حضرتك تصور العربية وتفتح موضوع في المنتدى العام تطلب فيه نصيحة الأعضاء بسمكري كويس يكون معرفة ومجرب وتروح الأول تقابلهم وتختار ما بينهم وربنا يوفقك وحمد لله عالسلامة

**MedaSam** · 16-10-2008 11:32 AM

alf 7amd lellah 3ala salamtak enta 7'abat fe eh belzabt aw meen elly 7'abatak?

**Adham** · 18-10-2008 12:33 PM

لو الحادثة كبيرة قوي كدة و التلفيات كتير في الحوض ممكن تشتري ربع امامي استيراد كامل و السمكري يقوم بتركيبة و لحامة في العربية من تحت القوايم (انت بتقول ان القايم كمان اتعوج) بس طبعا تشتري ربع امامي بنفس لون السيارة علشان ماتبقاش راشة حوض
و كدة ممكن توصل التكلفة ل 15-20 الف بس تبقى العربية رجعت لأصلها و كل اللي فيها متغير بأصلي (حيث الربع استيراد)
و لو حاتسمكرها و تشدها زراجين و تتدهن يتجاب كل اللي اتكسر في الحادثة اعتقد التكلفة بين 7000 و 12000 الف حسب مدى الضرر و حسب اية اللي العربية محتاجاة
ربنا يعوض عليك ان شاء الله

**OldVic** · 18-10-2008 01:30 PM

المشاركة الأصلية كتبت بواسطة mohamedway

معرفش فى التوكيل هتتكلف كام بالضبط بس مش هتقل عن 40000 جنيه بأى حال من الأحوال و لو مأمن عليها عليها التأمين هو اللى هيشيل التكلفه وطبعا التوكيل أفضل عشان قطع الغيار اللى هيركبها هتبقه أصليه بما فيها نوع الدهان و فى بره التوكيل صنايعيه محترفين ممكن يعملوها سمكره و دوكو كويس بس الأجزاء الميكانيكيه اللى باظت فى رأيى لازم تبقه أصلى.

على فكرة دى كدة تبقى total loss