301 ...صيانه و 3 شهور استخدام...من الاخر

املك بيجو 301 بيز لاين من 3 اشهر و الحمد لله معي اوبترا 2013 من سنه...هكتب تجربتي مع البيجو و بطبيعه الحال غصب عني هيبقي في مقارنه بينها و بين الاوبترا في وسط الكلام
اولا عملت صيانه ال 3 اشهر والعربيه عامله 2200 كيلو العربيه بتاعه المدام و استخدامها ليها خفيف ممكن العداد انا عامل نصه ....الاستقبال في مركز ابو رواش جيد مكان الانتظار فقير شويتين لا يمكن رؤيه السياره اثناء الصيانه ولم يحدث اي تغيير للسياره بعد الصيانه رغم اني اشتكيت من بطء السحب
ثانيا ..اداء السياره ...سحب السياره علي البطء سئ للغايه و مع التكييف العربيه بتبقي ميته في السحب ولازم تضغط عليها جامد عشان تسحب ولازم الار بي ام يعلي جدا فوق ال 3 عشان تحس بتسارع معقول و صوت الموتور ساعتها بيعلي جدا
التكييف ...متوسط جدا ..وبصراحه كده انا كارمه ...خاصه علي السرعات البطيئه ...يعني النهارده وانا راجع من التوكيل و في الزحمه اللي قبل المطب بتاع حازم حسن التكييف كان وحش جدا جدا ..طبعا التوكيل قال مافيهوش حاجه
فرامل العربيه كويسه
السوند سيستم طبعا سماعتين بس ..لكن معقول جدا
النهارده ضغط علي العربيه شويتين يعني رحت بيها القصر العيني ورجعت علي ابو رواش و بعدين الهرم ...علي اخر المشوار حسيت انها فيصت مني .....
المشاكل ..حصل لي مشكله لمبه التشيك ..بس العربيه كانت ممونه من بنزينه مختلفه قبل المشكله دي و المشكله راحت في 30 دقيقه
الثبات ..كويس بس في الملفات ولو معدي جنبك نقل بيتاثر جامد و فوق ال 120 تبدا تحس بالسرعه
الخلاصه .....بالنسبه للسعر هي عربيه كويسه و لو استخدام خفيف يبقي مش هتعمل مشاكل كتير ...لكن اعتقادي انها مش للبهدله

مع أخد كلامك كلّه بالاعتبار, لو اتيحت لي الفرصة اني اشتريها قريّب هشتريها باذن الله.

انا بتفق معاك فى تقييم العربية دى برضه رؤيتى ليها
هى عربية جميلة و لو مافيهاش مشاكل هتبقى ممتازة جداً للإستخدام العاقل انما وكيلها هو اللى بيهينها و مع كتر الشكاوى اكيد هياخد موقف جيد فى صالح العربية عشان اسم بيجو كبير لا يستهان به

كنت اتمني العربية تثبت اعتمادية اكتر من كده

خلاص العربية دي طلعت مقلب كبير وفريق التسويق اللي موجود هنا في المنتدى لعبها صح بأسم بيجو وقت ما طلعت جديد !!!!!!!!!!

بقايا العربيات من بيجو صنعوا بيها عربيات غير صالحة للاستعمال الادمي من هروب فرامل وتيل فرامل اخره 5000 كيلو وموتور ضعيف جداً وطقة في العفشة وبطئ في السحب مع التكيف وخراطيم بتتقطع في الفحص !!!!!!!

اقول لك ايه بس يا فندم !!!!!!! قولنا الكلام ده مليون مره لكن فريق المبيعات بتاع الشركة هنا في المنتدى كان واقف قدامنا

يعني يادكتور
من الاخر العربيه ادائها متوسط

انا اتصدمت

اعتقد موديلات 2013 اول دفعة مفيهاش المشاكل دي

طيب و الاليزيه ... المفروض انها نفس المكونات
يا ترى ملاكها بيعانوا من نفس المشاكل و لا محدش اشتكى ... او يمكن فيها نفس المشاكل بس مش مسمعه اوى عشان مش منتشره زى 301 .
لو 301 بس يبقى البيجو فيها مشكله كبيره .

العربيه متوسطه فعلا ......و بصراحه كده بالنسبه لي الاوبترا سواقتها احسن وثباتها احسن و تكييفها احسن
نيجي بقي للسؤال المهم ....لو معاك 125 الف تجيب ايه ..ريو فاضيه ولا ار بي فاضيه ولا اوبترا و هي بطبيعتها فاضيه ولا بيجو 301 بيزلاين
الجواب بقي ار بي و ريو مفيش ثبات تقفيل داخلي متوسط وصاج ضايع البيجو انا وضحت راي فيها الاوبترا فاضيه و صاجها ضعيف و شكل قديم ...معني كلامي ايه ؟؟!!!!
السعر ده مفيش فيه سياره ممتازه 100 بالمائه

اقتباس:

---

المشاركة الأصلية كتبت بواسطة dozo

طيب و الاليزيه ... المفروض انها نفس المكونات
يا ترى ملاكها بيعانوا من نفس المشاكل و لا محدش اشتكى ... او يمكن فيها نفس المشاكل بس مش مسمعه اوى عشان مش منتشره زى 301 .
لو 301 بس يبقى البيجو فيها مشكله كبيره .

---

الاليزيه انتشارها ضغيف جدا
لكن العربيتين
كوبي واحد

عشان نبقي واضحيين ......البيجو و الاليزيه عربيه واحده اللي فيهم ده مش مشاكل ده طبيعه العربيه كده اداؤها كده ...التيل بيخلص علي 10 الي 15 الف زي كل الجديد ...ممكن مشكله الاتنين الزملاء اللي هربت منهم الفرامل تبقي مشاكل فرديه و ممكن دفعه فيها مشكله في الماستر لكن الاغلبيه ما عندهاش المشاكل دي .....لكن بطء السحب و التكييف المتوسط ده طبيعه العربيه ..علي قد فلوسها من الاخر

اقتباس:

---

المشاركة الأصلية كتبت بواسطة د.عماد صلاح

عشان نبقي واضحيين ......البيجو و الاليزيه عربيه واحده اللي فيهم ده مش مشاكل ده طبيعه العربيه كده اداؤها كده ...التيل بيخلص علي 10 الي 15 الف زي كل الجديد ...ممكن مشكله الاتنين الزملاء اللي هربت منهم الفرامل تبقي مشاكل فرديه و ممكن دفعه فيها مشكله في الماستر لكن الاغلبيه ما عندهاش المشاكل دي .....لكن بطء السحب و التكييف المتوسط ده طبيعه العربيه ..علي قد فلوسها من الاخر

---

ربنا يبارك لحضرتك فيها ..
بس هو الواحد كان متوقع امان اكتر و ثبات اكتر من كده من ماركه زى البيجو ... و من ناحيه السعر عمر ما الاروبى تنازل عن الامان و الثبات فى مقابل السعر و هو ده اللى بيميزه عن الكورى و الصينى و حتى بعض اليابانى فعشان كده الواحد مستغرب .

اقتباس:

---

المشاركة الأصلية كتبت بواسطة hugan

الاليزيه انتشارها ضغيف جدا
لكن العربيتين
كوبي واحد

---

تمام كده
يعنى احنا مش سامعين عن مشاكلها عشان انتشارها ضعيف .

اقتباس:

---

المشاركة الأصلية كتبت بواسطة د.عماد صلاح

العربيه متوسطه فعلا ......و بصراحه كده بالنسبه لي الاوبترا سواقتها احسن وثباتها احسن و تكييفها احسن
نيجي بقي للسؤال المهم ....لو معاك 125 الف تجيب ايه ..ريو فاضيه ولا ار بي فاضيه ولا اوبترا و هي بطبيعتها فاضيه ولا بيجو 301 بيزلاين
الجواب بقي ار بي و ريو مفيش ثبات تقفيل داخلي متوسط وصاج ضايع البيجو انا وضحت راي فيها الاوبترا فاضيه و صاجها ضعيف و شكل قديم ...معني كلامي ايه ؟؟!!!!
السعر ده مفيش فيه سياره ممتازه 100 بالمائه

---

الله يفتح عليك
كلام محترم....عشان الناس اللي بتهاجم و خلاص و مش فاهمة حاجة في البطيخ

في السعر ده مفيش عربية اللي هية
و لو رجع بيه الزمن و معايا ال110 هجيب برضه بيجو مانيوال
بس ده ميخلينيش أبقى متعصب زي ناس و أخبي عيوب عربيتي
الواحد بيقدم النصيحة عشان اللي بيفكر يشتري يبقى عنده صورة كاملة
ربنا يهدي

اقتباس:

---

المشاركة الأصلية كتبت بواسطة 2code

خلاص العربية دي طلعت مقلب كبير وفريق التسويق اللي موجود هنا في المنتدى لعبها صح بأسم بيجو وقت ما طلعت جديد !!!!!!!!!!

بقايا العربيات من بيجو صنعوا بيها عربيات غير صالحة للاستعمال الادمي من هروب فرامل وتيل فرامل اخره 5000 كيلو وموتور ضعيف جداً وطقة في العفشة وبطئ في السحب مع التكيف وخراطيم بتتقطع في الفحص !!!!!!!

اقول لك ايه بس يا فندم !!!!!!! قولنا الكلام ده مليون مره لكن فريق المبيعات بتاع الشركة هنا في المنتدى كان واقف قدامنا

---

واضح أن حضرتك لديك خبره كبيره في السيارات ،
لكن أنا مصر على موقفي ان مفيش عربية مفيهاش مشاكل ، او بمعنى ادق مفيش عربية حتديلك كل حاجة مهما كان سعرها .
لكن انا حابب استفيد من حضرتك في مقارنة صغيرة بين البيجو 301 واي عربية اخرى في نفس فئتها السعرية

-المشكلة في التحليل للمتطلبات و فئة السيارة و المزايدة على عربيات معينة

-أولا الريو و اﻷكسنت عربيات من أبعادها لو قريت عربيات sub-compact ثباتها معمول في الفئة متوسط لانها city car أصلا و عربيات بتبيع في امريكيا و الخليج

-البيجو 301 من أبعادها و حجمها تقارن ب Compact cars يعني سيراتو و النترا و كده و تعتبر ضعيفة جدا بالنسبة للسيارات دي

-أركب ريو او رRb ثباتهم في فئتهم مقبول معندهمش اي مشكلة ميكانيكية او كهربية او سوفت وير او توكيلهم عنده فرعين او عربيات بتتباع للاسواق الفقيرة.

-أول ما نزلت قلنا بلاش أفورة و مبالغة زي الصني الهندي.

-ربنا يعبنكم على الاوروبي ^_^ الرخيص

انا معايا اليزيه 2014 و بصراحة عربية محترمه أه هي خفيفه على الرض شويه بس تعتبر بالنسبة للسعرها معقوله جدا
اه مره أو اتنين حاسيت بموضوع السحب السئ ده بس ده حصل مباشرة بعد مابمون بنزين انا اصلا متعود أمون من بنزينه لسه فاتحه قريب قرب الدائري المعادي عندي على المريوطيه أسمها taqa صراحة السحب بيبقى كويس سواء مشغل تكييف او لا و اداء التكييف مش بطال أنما مرة مونت من محطة في شارع البطل بالمهندسين و مرة تانية من بنزينة جنبي على المريوطية بس ناحية القوس التاني للدائري أظن total صراحة العربية تعبتني جدا في السحب
فانا عن تجربة شايف المشكلة في البنزين غالبا في بنزينات بتخلط البنزين بحاجات تانية بنسبة كبيرة
ممكن اللي معاه العربية يدقق في الموضوع و يقولنا شايف ايه و يراجع التوكيل وشكرا

اقتباس:

---

المشاركة الأصلية كتبت بواسطة waleed acc

انا معايا اليزيه 2014 و بصراحة عربية محترمه أه هي خفيفه على الرض شويه بس تعتبر بالنسبة للسعرها معقوله جدا
اه مره أو اتنين حاسيت بموضوع السحب السئ ده بس ده حصل مباشرة بعد مابمون بنزين انا اصلا متعود أمون من بنزينه لسه فاتحه قريب قرب الدائري المعادي عندي على المريوطيه أسمها taqa صراحة السحب بيبقى كويس سواء مشغل تكييف او لا و اداء التكييف مش بطال أنما مرة مونت من محطة في شارع البطل بالمهندسين و مرة تانية من بنزينة جنبي على المريوطية بس ناحية القوس التاني للدائري أظن total صراحة العربية تعبتني جدا في السحب
فانا عن تجربة شايف المشكلة في البنزين غالبا في بنزينات بتخلط البنزين بحاجات تانية بنسبة كبيرة
ممكن اللي معاه العربية يدقق في الموضوع و يقولنا شايف ايه و يراجع التوكيل وشكرا

---

العربية سحبها مش زي الكوري
لكن مش ضعيف
و بعد ال60 تطلع من اي كوري في فئتها بسهولة
العربية في فئتها السعرية صفقة رابحة
و بال110 هتركب عربيات فئة اقل كتير
و لحد 140 هتركب عربية فاضية

البنزينه اللي اسمها طاقه اللي بعد منزل اللبيني ..ممتازه فعلا

اقتباس:

---

المشاركة الأصلية كتبت بواسطة د.عماد صلاح

العربيه متوسطه فعلا ......و بصراحه كده بالنسبه لي الاوبترا سواقتها احسن وثباتها احسن و تكييفها احسن
نيجي بقي للسؤال المهم ....لو معاك 125 الف تجيب ايه ..ريو فاضيه ولا ار بي فاضيه ولا اوبترا و هي بطبيعتها فاضيه ولا بيجو 301 بيزلاين
الجواب بقي ار بي و ريو مفيش ثبات تقفيل داخلي متوسط وصاج ضايع البيجو انا وضحت راي فيها الاوبترا فاضيه و صاجها ضعيف و شكل قديم ...معني كلامي ايه ؟؟!!!!
السعر ده مفيش فيه سياره ممتازه 100 بالمائه

---

هو أنا كنت معدي بس على القسم بتاعكم أتشرف بقراءة تعليقات حضراتكم والتعرف على أعضاء أفاضل جدد منكم..
ولكن لما لاحظت الموضوع ده وقرأت المشاركات وبالذات المشاركة دي حسيت إني عاوز أقول حاجة ^_^
لو معايا 125 ألف.. هجيب BYD-F3 بـ 87 ألف وهوفر الباقي..
عربية كاملة، ستبترونيك، سحب وعزم ممتاز بالنسبة لـ 1600cc، بتعمل 16كم في اللتر (على الطوالي)، وزنها طن و200ك مع نظام تعليق متطور بيديك ثبات لحد 185كم (عن تجربة، وفي ناس وصلت للـ 220كم من غير ما يحسوا بقلق)، Abs، Ebd، آير باج أمامي للسائق والراكب، تقفيل داخلي جيد، تكييف جيد جداً (بارد سخن)، صالون واسع جداً،أماكن التخزين فيه كتيرة جداً، شنطة واسعة جداً، عالية عن الأرض، سيارة اعتمادية جداً ومتجربة (تاكسي منتشر وعملت 130 ألف كم و200 ألف كم بدون مشاكل جوهرية أو أعطال جذرية، وحمالة اسيه بشهادة سواقين التاكسى)، قطع غيار منتشرة جداً ورخيصة جداً وتقدر تستخدم بدائل لها من الياباني (كورولا ومتسوبيشي)
عيوبها:
أول وأكبر عيب (بالنسبة لكم) إنها صيني ودي بالنسبة لبعض الناس ممكن تحسم القرار بالسلب للأسف، كذلك إنها تاكسي (ودي برضه ممكن تحسم القرار بالسلب للأسف)، وإن شكلها مش حديث أوي (أذواق)، توكيلها مش قوي ولا خدماته مبهرة واحترافية الفنيين مش عالية (في مقابل إن أسعاره لقطع الغيار وتوافرها عنده وخارجه، وسعر مصنعياته رخيص.. وبتشوف العربية وانت في صالة الانتظار)، نوعية الدهان المستخدمة في السيارات المحلية القديمة (2013-) مش أد كدة..
الخلاصة:
مفيش عربية مفيهاش عيوب؛ أنا كنت متخيل بقى إني هدخل الأقسام التانية الأوروبي والياباني مش هلاقي عيوب في عربياتهم، لكن للأسف لقيت عيوب من نفس النوع والشكل بل وحاجات أشد من اللي عندي (مشاكل سحب، أعطال، استهلاك بنزين، وكلاء دون المستوى برضه، وكمان أسعار حارقة...)
عموماً أنا اتشرفت جداً إني أعلق على موضوع من موضوعاتكم وأرجو إنكم تتقبلوا شكري لكم ووجهة نظري وتحت أمركم دائماً :)

اقتباس:

---

المشاركة الأصلية كتبت بواسطة 2code

خلاص العربية دي طلعت مقلب كبير وفريق التسويق اللي موجود هنا في المنتدى لعبها صح بأسم بيجو وقت ما طلعت جديد !!!!!!!!!!

بقايا العربيات من بيجو صنعوا بيها عربيات غير صالحة للاستعمال الادمي من هروب فرامل وتيل فرامل اخره 5000 كيلو وموتور ضعيف جداً وطقة في العفشة وبطئ في السحب مع التكيف وخراطيم بتتقطع في الفحص !!!!!!!

اقول لك ايه بس يا فندم !!!!!!! قولنا الكلام ده مليون مره لكن فريق المبيعات بتاع الشركة هنا في المنتدى كان واقف قدامنا

---

وحضرتك تبع فريق تسويق ايه :d

اقتباس:

---

المشاركة الأصلية كتبت بواسطة د.عماد صلاح

املك بيجو 301 بيز لاين من 3 اشهر و الحمد لله معي اوبترا 2013 من سنه...هكتب تجربتي مع البيجو و بطبيعه الحال غصب عني هيبقي في مقارنه بينها و بين الاوبترا في وسط الكلام
اولا عملت صيانه ال 3 اشهر والعربيه عامله 2200 كيلو العربيه بتاعه المدام و استخدامها ليها خفيف ممكن العداد انا عامل نصه ....الاستقبال في مركز ابو رواش جيد مكان الانتظار فقير شويتين لا يمكن رؤيه السياره اثناء الصيانه ولم يحدث اي تغيير للسياره بعد الصيانه رغم اني اشتكيت من بطء السحب
ثانيا ..اداء السياره ...سحب السياره علي البطء سئ للغايه و مع التكييف العربيه بتبقي ميته في السحب ولازم تضغط عليها جامد عشان تسحب ولازم الار بي ام يعلي جدا فوق ال 3 عشان تحس بتسارع معقول و صوت الموتور ساعتها بيعلي جدا
التكييف ...متوسط جدا ..وبصراحه كده انا كارمه ...خاصه علي السرعات البطيئه ...يعني النهارده وانا راجع من التوكيل و في الزحمه اللي قبل المطب بتاع حازم حسن التكييف كان وحش جدا جدا ..طبعا التوكيل قال مافيهوش حاجه
فرامل العربيه كويسه
السوند سيستم طبعا سماعتين بس ..لكن معقول جدا
النهارده ضغط علي العربيه شويتين يعني رحت بيها القصر العيني ورجعت علي ابو رواش و بعدين الهرم ...علي اخر المشوار حسيت انها فيصت مني .....
المشاكل ..حصل لي مشكله لمبه التشيك ..بس العربيه كانت ممونه من بنزينه مختلفه قبل المشكله دي و المشكله راحت في 30 دقيقه
الثبات ..كويس بس في الملفات ولو معدي جنبك نقل بيتاثر جامد و فوق ال 120 تبدا تحس بالسرعه
الخلاصه .....بالنسبه للسعر هي عربيه كويسه و لو استخدام خفيف يبقي مش هتعمل مشاكل كتير ...لكن اعتقادي انها مش للبهدله

---

موضوع السحب وخصوصا مع التكييف واضح انه مشكلة عامة في الاوتوماتيك
ده كان سبب تخوفى من الاوتوماتيك في البداية والحمد لله انى جبت المانيوال

التكييف كان عندى الشحن فضى بسبب واحد كان هينصب عليا ربنا ينتقم منه لما كنت بغير المقص بعد ما العربية اتخبطت واستعوضت ربنا وشحنت برة وكان زي ما بتقول ضعيف في السلانسيه تقريبا بيفصل خالص في الزحمة بس مقابل كدة مكنش بيأثر على العربية خالص بعد الحركة دى ، وفي الطوالى ممتاز وبالليل تلاجة جدا


بعد كدة رحت شحنته في توكيل غمرة في صيانة 10 الاف ، هم عندهم شحن بالكمبيوتر و العربية بتقعد نص ساعة او اكتر تتشحن ، بصراحة رجع ممتاز جدا ، انا اقدر اقول انه زيه زي بتاع الكورولا دلوقتى مفيش فرق يذكر والحمد لله معنديش تاثير ملحوظ على السحب


مشكلة التيل مش مشكلة اوى مع انى داخل على 12 الف ولسة ما غيرتش التيل ولا حتى صفر معايا الحمد لله وان شاء الله يقعد معايا فترة معقولة ، (دى برضه ممكن تكون مرتبطة اكتر بالاوتوماتيك)

الثبات في الملفات كويس وفي الطوالى كويس بس بحس بالسرعة بعد 140 طبعا ولو ماشى ع الصحراوى وفي هوا جامد جدا هتحس ان العربية عايزة تحدف ( اعتقد كويس عليها في الفئة دى ) بس هى تحت الـ 120 حلوة اوى وتحسسك انها ماسكة نفسها وكويسة

الاوبترا كوضع الزيرو هتبقى حلوة معاك بس اتقل شوية وهتلاقى شوية مشاكل برضه في البوابة والباور والفرامل والعفشة والمشكلة والطامة الكبرى عن تجربة اسعار قطع غيار الاوبترا غالية جدا ولا كانها عربية كوري موديل قديم ! حتى الاستيراد غالى جدا بحجة ان الجديد مضروب والتوكيل غالى بهبل !


هو من الاخر فعلا انت قلت كلمة حكمة مفيش عربية هتبقى كاملة في الفئة السعرية دى ، اصلا مش عايز اقولك لحد 200 الف هتلاقى برضه العربيات بيتقال عليها متوسطة ومش بتدي كل حاجة وفيها عيوب برضه

بسم الله الرحمن الرحيم

الإخوه الأفاضل جميعآ

لقد قرأت كلماتكم بهدوء وتأن و دقه و للمشاركه أود أن أخبركم برأى فى البيجو 301 و إليكم التفاصيل.

إتصل بى منذ حوالى شهر صديق لى و طلب منى أن أرافقه إلى بيجو أبو رواش لأنه سيستلم سياره بيجو 301 جديده أوتوماتيك و يخاف من قيادتها و يريد من أن أذهب معه لأستلم السياره ثم أقودها حتى المنزل ومنذ ذلك الحين قدت هذه السياره أكثر من مره لأكثر من غرض حيث أن صديقى يخشى قيادة هذه السياره فى الزحام وبعد قيادة السياره أكثر من مره إليكم رأى فيها.

1 - سحب السياره يتدرج من ضعيف إلى ميت
هذه مشكله خاصه بالبيجو 301 و ليس كل الأوتوماتيك بهذا السحب المزرى و أنا لا أتحدث من خيال بل إننى أيضآ حظيت بقيادة لانسر بوما القديمه و الحق يقال أنه لا مجال للمقارنه بين السيارتين فبمجرد أن تأمر لانسر بالحركه تثب السياره كالأسد

2 - الشبكه الأماميه مثبته فى جسم السياره بكلبسات و لذلك مجموعه صغيره من المطبات تكفى لفك نصفها و عندما قمت بإعادة تركيبها بيدى مره ثانيه أحسست كما لو كنت أتعامل مع ورق كرتون من شدة ضعف مقدمة السياره و خفة وزن الشبكه الأماميه

3 - إشتكى بعض الأعضاء من أن غيارات الفيتيس الأوتوماتيك فى ال301 مخنوقه و هى إما تؤدى لأن تقفز السياره بك للأمام أو العكس أن يتأخر تسارع العربيه بعد الخروج من المطب الصناعى مثلآ (فضلآ راجع الموضوع فى الرابط الآتى http://www.nilemotors.net/Nile/426786-301.html)
وقد وجدت هذه المشكله بالحرف فى سيارة صديقى. الفيتيس مخنوق جدآ كما لو كانت الغيارات غير منتظمه أو الفيتيس بطىء جدآ

4 - فى النهايه لن أشعر بالإطمئنان إن سافرت بهذه السياره مثلآ كما إننى لم أجد لها شىء يميزها عن أى سياره أخرى بل بالعكس أجدها أقل من سيارات أخرى كثير.

أرجو ألا يسبب كلامى ضيق للإخوه الذين إشتروا هذه السياره و كذلك للإخوه المتحمسين لها. أنا عبرت عن رأى بصدق و الإختلاف فى الرأى لا يفسد للود قضيه.

وأؤكد أننى أتمنى أن يبارك الله للإخوه الذين إشتروها فيها لأننى أعلم منى أن تدفع شقى عمرك فى سياره

السلام عليكم و رحمة الله و بركاته

اقتباس:

---

المشاركة الأصلية كتبت بواسطة scientist9508

بسم الله الرحمن الرحيم

الإخوه الأفاضل جميعآ

لقد قرأت كلماتكم بهدوء وتأن و دقه و للمشاركه أود أن أخبركم برأى فى البيجو 301 و إليكم التفاصيل.

إتصل بى منذ حوالى شهر صديق لى و طلب منى أن أرافقه إلى بيجو أبو رواش لأنه سيستلم سياره بيجو 301 جديده أوتوماتيك و يخاف من قيادتها و يريد من أن أذهب معه لأستلم السياره ثم أقودها حتى المنزل ومنذ ذلك الحين قدت هذه السياره أكثر من مره لأكثر من غرض حيث أن صديقى يخشى قيادة هذه السياره فى الزحام وبعد قيادة السياره أكثر من مره إليكم رأى فيها.

1 - سحب السياره يتدرج من ضعيف إلى ميت
هذه مشكله خاصه بالبيجو 301 و ليس كل الأوتوماتيك بهذا السحب المزرى و أنا لا أتحدث من خيال بل إننى أيضآ حظيت بقيادة لانسر بوما القديمه و الحق يقال أنه لا مجال للمقارنه بين السيارتين فبمجرد أن تأمر لانسر بالحركه تثب السياره كالأسد

2 - الشبكه الأماميه مثبته فى جسم السياره بكلبسات و لذلك مجموعه صغيره من المطبات تكفى لفك نصفها و عندما قمت بإعادة تركيبها بيدى مره ثانيه أحسست كما لو كنت أتعامل مع ورق كرتون من شدة ضعف مقدمة السياره و خفة وزن الشبكه الأماميه

3 - إشتكى بعض الأعضاء من أن غيارات الفيتيس الأوتوماتيك فى ال301 مخنوقه و هى إما تؤدى لأن تقفز السياره بك للأمام أو العكس أن يتأخر تسارع العربيه بعد الخروج من المطب الصناعى مثلآ (فضلآ راجع الموضوع فى الرابط الآتى http://www.nilemotors.net/nile/426786-301.html)
وقد وجدت هذه المشكله بالحرف فى سيارة صديقى. الفيتيس مخنوق جدآ كما لو كانت الغيارات غير منتظمه أو الفيتيس بطىء جدآ

4 - فى النهايه لن أشعر بالإطمئنان إن سافرت بهذه السياره مثلآ كما إننى لم أجد لها شىء يميزها عن أى سياره أخرى بل بالعكس أجدها أقل من سيارات أخرى كثير.

أرجو ألا يسبب كلامى ضيق للإخوه الذين إشتروا هذه السياره و كذلك للإخوه المتحمسين لها. أنا عبرت عن رأى بصدق و الإختلاف فى الرأى لا يفسد للود قضيه.

وأؤكد أننى أتمنى أن يبارك الله للإخوه الذين إشتروها فيها لأننى أعلم منى أن تدفع شقى عمرك فى سياره

السلام عليكم و رحمة الله و بركاته

---

برجاء تقييم السيارة بشكل كامل مقارنة بمثيلاتها
الصاج
العفشة
السحب بعد 60 كم
التقفيل
وسع الصالون و الشنطة
اﻹرتفاع عن اﻷرض
الوكيل
سعر إعادة البيع
قطع الغيار توفر و سعر
كل عام و المسلمين بخير

و ليه مش هتشعر بأمان لو سافرت بيها
الفرامل ممتازة
Abs
Ebd
Air bags
صاج محمل

ايه اللي بيحسسك باﻷمان في عربية و مش لاقيه فال301؟؟؟؟

ثبات العربيه كويس وفراملها كويسه ...القضيه انت كنت راكب ايه قبلها .....لان في عربيات اكثر ثباتا و احسن سحبا

اقتباس:

---

المشاركة الأصلية كتبت بواسطة 2CODE

خلاص العربية دي طلعت مقلب كبير وفريق التسويق اللي موجود هنا في المنتدى لعبها صح بأسم بيجو وقت ما طلعت جديد !!!!!!!!!!

بقايا العربيات من بيجو صنعوا بيها عربيات غير صالحة للاستعمال الادمي من هروب فرامل وتيل فرامل اخره 5000 كيلو وموتور ضعيف جداً وطقة في العفشة وبطئ في السحب مع التكيف وخراطيم بتتقطع في الفحص !!!!!!!

اقول لك ايه بس يا فندم !!!!!!! قولنا الكلام ده مليون مره لكن فريق المبيعات بتاع الشركة هنا في المنتدى كان واقف قدامنا

---

والله يا فندم التعليقات دي يتضحكني فعلا
واضح انك مركبتش العربية و انك مجرد بتقرا عالنت مش اكتر ومعظم كلامك مشاكل فردية بتحصل في كل العربيات
ولو عاوز انا ممكن اقولك كل العيوب دي واكتر منها كمان في العربيات الكوري مثلا او غيرها

http://www.nilemotors.net/Nile/429277-301-20-000-a.html

حضرتك دة تقرير عن صيانة ال 20000 والحمد لله مفيش شكوي من العربية في اي حاجة
ياريت تقراه

http://www.nilemotors.net/Nile/430860-301-7500-a.html
ودة كمان تقرير من احد ملاك العربية ياريت تقراه ...
وياريت زي ما فيه ناس بتقرا المواضيع اللي فيها مشاكل فقط ياريت نقرا المواضيع اللي مفيهاش مشاكل كمان عشان اللكلام يبقي بحيادية

والله يا دكتور جبت من الآخر
بس التكييف اقل من المتوسط بكتير
اخويا عندي اكسنت 2000 تكييفها احسن من الـ 2014 بيجو 201

اقتباس:

---

المشاركة الأصلية كتبت بواسطة MuslimMeskeen

هو أنا كنت معدي بس على القسم بتاعكم أتشرف بقراءة تعليقات حضراتكم والتعرف على أعضاء أفاضل جدد منكم..
ولكن لما لاحظت الموضوع ده وقرأت المشاركات وبالذات المشاركة دي حسيت إني عاوز أقول حاجة ^_^
لو معايا 125 ألف.. هجيب BYD-F3 بـ 87 ألف وهوفر الباقي..
عربية كاملة، ستبترونيك، سحب وعزم ممتاز بالنسبة لـ 1600cc، بتعمل 16كم في اللتر (على الطوالي)، وزنها طن و200ك مع نظام تعليق متطور بيديك ثبات لحد 185كم (عن تجربة، وفي ناس وصلت للـ 220كم من غير ما يحسوا بقلق)، Abs، Ebd، آير باج أمامي للسائق والراكب، تقفيل داخلي جيد، تكييف جيد جداً (بارد سخن)، صالون واسع جداً،أماكن التخزين فيه كتيرة جداً، شنطة واسعة جداً، عالية عن الأرض، سيارة اعتمادية جداً ومتجربة (تاكسي منتشر وعملت 130 ألف كم و200 ألف كم بدون مشاكل جوهرية أو أعطال جذرية، وحمالة اسيه بشهادة سواقين التاكسى)، قطع غيار منتشرة جداً ورخيصة جداً وتقدر تستخدم بدائل لها من الياباني (كورولا ومتسوبيشي)
عيوبها:
أول وأكبر عيب (بالنسبة لكم) إنها صيني ودي بالنسبة لبعض الناس ممكن تحسم القرار بالسلب للأسف، كذلك إنها تاكسي (ودي برضه ممكن تحسم القرار بالسلب للأسف)، وإن شكلها مش حديث أوي (أذواق)، توكيلها مش قوي ولا خدماته مبهرة واحترافية الفنيين مش عالية (في مقابل إن أسعاره لقطع الغيار وتوافرها عنده وخارجه، وسعر مصنعياته رخيص.. وبتشوف العربية وانت في صالة الانتظار)، نوعية الدهان المستخدمة في السيارات المحلية القديمة (2013-) مش أد كدة..
الخلاصة:
مفيش عربية مفيهاش عيوب؛ أنا كنت متخيل بقى إني هدخل الأقسام التانية الأوروبي والياباني مش هلاقي عيوب في عربياتهم، لكن للأسف لقيت عيوب من نفس النوع والشكل بل وحاجات أشد من اللي عندي (مشاكل سحب، أعطال، استهلاك بنزين، وكلاء دون المستوى برضه، وكمان أسعار حارقة...)
عموماً أنا اتشرفت جداً إني أعلق على موضوع من موضوعاتكم وأرجو إنكم تتقبلوا شكري لكم ووجهة نظري وتحت أمركم دائماً :)

---

كلام محترم جدا