301 ...صيانه و 3 شهور استخدام...من الاخر

**د.عماد صلاح** · 26-06-2014 04:05 PM

املك بيجو 301 بيز لاين من 3 اشهر و الحمد لله معي اوبترا 2013 من سنه...هكتب تجربتي مع البيجو و بطبيعه الحال غصب عني هيبقي في مقارنه بينها و بين الاوبترا في وسط الكلام
اولا عملت صيانه ال 3 اشهر والعربيه عامله 2200 كيلو العربيه بتاعه المدام و استخدامها ليها خفيف ممكن العداد انا عامل نصه ....الاستقبال في مركز ابو رواش جيد مكان الانتظار فقير شويتين لا يمكن رؤيه السياره اثناء الصيانه ولم يحدث اي تغيير للسياره بعد الصيانه رغم اني اشتكيت من بطء السحب
ثانيا ..اداء السياره ...سحب السياره علي البطء سئ للغايه و مع التكييف العربيه بتبقي ميته في السحب ولازم تضغط عليها جامد عشان تسحب ولازم الار بي ام يعلي جدا فوق ال 3 عشان تحس بتسارع معقول و صوت الموتور ساعتها بيعلي جدا
التكييف ...متوسط جدا ..وبصراحه كده انا كارمه ...خاصه علي السرعات البطيئه ...يعني النهارده وانا راجع من التوكيل و في الزحمه اللي قبل المطب بتاع حازم حسن التكييف كان وحش جدا جدا ..طبعا التوكيل قال مافيهوش حاجه
فرامل العربيه كويسه
السوند سيستم طبعا سماعتين بس ..لكن معقول جدا
النهارده ضغط علي العربيه شويتين يعني رحت بيها القصر العيني ورجعت علي ابو رواش و بعدين الهرم ...علي اخر المشوار حسيت انها فيصت مني .....
المشاكل ..حصل لي مشكله لمبه التشيك ..بس العربيه كانت ممونه من بنزينه مختلفه قبل المشكله دي و المشكله راحت في 30 دقيقه
الثبات ..كويس بس في الملفات ولو معدي جنبك نقل بيتاثر جامد و فوق ال 120 تبدا تحس بالسرعه
الخلاصه .....بالنسبه للسعر هي عربيه كويسه و لو استخدام خفيف يبقي مش هتعمل مشاكل كتير ...لكن اعتقادي انها مش للبهدله

**MemO_KinG** · 26-06-2014 05:56 PM

انا بتفق معاك فى تقييم العربية دى برضه رؤيتى ليها
هى عربية جميلة و لو مافيهاش مشاكل هتبقى ممتازة جداً للإستخدام العاقل انما وكيلها هو اللى بيهينها و مع كتر الشكاوى اكيد هياخد موقف جيد فى صالح العربية عشان اسم بيجو كبير لا يستهان به

**S O P H O S** · 27-06-2014 02:47 PM

كنت اتمني العربية تثبت اعتمادية اكتر من كده

**2CODE** · 27-06-2014 03:11 PM

خلاص العربية دي طلعت مقلب كبير وفريق التسويق اللي موجود هنا في المنتدى لعبها صح بأسم بيجو وقت ما طلعت جديد !!!!!!!!!!

بقايا العربيات من بيجو صنعوا بيها عربيات غير صالحة للاستعمال الادمي من هروب فرامل وتيل فرامل اخره 5000 كيلو وموتور ضعيف جداً وطقة في العفشة وبطئ في السحب مع التكيف وخراطيم بتتقطع في الفحص !!!!!!!

اقول لك ايه بس يا فندم !!!!!!! قولنا الكلام ده مليون مره لكن فريق المبيعات بتاع الشركة هنا في المنتدى كان واقف قدامنا

**hugan** · 27-06-2014 03:46 PM

يعني يادكتور
من الاخر العربيه ادائها متوسط

**dozo** · 27-06-2014 04:44 PM

طيب و الاليزيه ... المفروض انها نفس المكونات
يا ترى ملاكها بيعانوا من نفس المشاكل و لا محدش اشتكى ... او يمكن فيها نفس المشاكل بس مش مسمعه اوى عشان مش منتشره زى 301 .
لو 301 بس يبقى البيجو فيها مشكله كبيره .

**د.عماد صلاح** · 27-06-2014 04:47 PM

العربيه متوسطه فعلا ......و بصراحه كده بالنسبه لي الاوبترا سواقتها احسن وثباتها احسن و تكييفها احسن
نيجي بقي للسؤال المهم ....لو معاك 125 الف تجيب ايه ..ريو فاضيه ولا ار بي فاضيه ولا اوبترا و هي بطبيعتها فاضيه ولا بيجو 301 بيزلاين
الجواب بقي ار بي و ريو مفيش ثبات تقفيل داخلي متوسط وصاج ضايع البيجو انا وضحت راي فيها الاوبترا فاضيه و صاجها ضعيف و شكل قديم ...معني كلامي ايه ؟؟!!!!
السعر ده مفيش فيه سياره ممتازه 100 بالمائه

**hugan** · 27-06-2014 04:50 PM

المشاركة الأصلية كتبت بواسطة dozo

طيب و الاليزيه ... المفروض انها نفس المكونات
يا ترى ملاكها بيعانوا من نفس المشاكل و لا محدش اشتكى ... او يمكن فيها نفس المشاكل بس مش مسمعه اوى عشان مش منتشره زى 301 .
لو 301 بس يبقى البيجو فيها مشكله كبيره .

الاليزيه انتشارها ضغيف جدا
لكن العربيتين
كوبي واحد

-

الموضوع: 301 ...صيانه و 3 شهور استخدام...من الاخر

LinkBack

أدوات الموضوع

عرض

301 ...صيانه و 3 شهور استخدام...من الاخر - انشر الموضوع فى :

-

-

-

المواضيع المتشابهه

samsung galaxy ace plus للبيع استخدام 4 شهور بس

الفانتازيا مالها وماعليها بعد استخدام 8 شهور!!

سونى اريكسو ارك استخدام 4 شهور

4 فرد كاوتش 1560195 استخدام 4 شهور للبيع

فيات لينيا 120 تربو 6 شهور استخدام شاق

الكلمات الدلالية لهذا الموضوع

المفضلات

المفضلات

ضوابط المشاركة