الموضوع: بيجــو 301 و تقرير عن صيانة ال 20,000 كيلو

الحمـــد للـــه
انا كملت 20,000 كيلو الاسبوع اللي فات
وروحت عملت صيانة ال 20,000 في مركز صلاح سالم
طبعا كونت حاجز قبلها بحوالي 10 ايام ... ودي فترة كبيرة مقارنة لما حجزت صيانة ال 2500 هناك في صلاح سالم كان قبلها ب يومين فقط .. نظرا للضغط الكبير عالتوكيل وعالعربية طبعــــا
(ما شاء الله انا كان معايا في الصيانة مش أقل من 10 سيارات بيجـــو 301 .. كل الالوان تقريبا كانت هناك)
فرع غمرة اعتقد مفيهوش المدة دي لانه اكبر طبعا .. ساعة صيانة ال10,000 كنت حاجز قبلها ب 4 ايام تقريبا
وصلت توكيل صلاح سالم الساعة 10 صباحا .. استلم مني العربية المهندس / مصطفي
وقاللي عالحاجات اللي هتتعمل في الصيانة بالظبط و قاللي سعرها مش هيتعدي 1800 جنيه
استلمت العربية تقريبا الساعة 1:00 ظهرا (اللي أخرني شوية اني استنيتهم يغسلوها )

اعمال الصيانة في العربية بالظبط :
- فلتر زيت + زيت 10,000
- فلتر هواء
- فلتر بنزين
-فلتر تكييف
- طقم بوجيهات
- تيل فرامل امامي ( مع العلم اني مغيرتوش قبل كدة الحمد لله والفني قاللي انه ممكن يكفيني 2000 كيلو كمان بس انا قولت اغيره احسن ما اجي التوكيل مرة تاني بعدها مخصوص عشان التيل)
- كشف سوائل
- تربيط عفشة
- مراجعة كهربا و كشف عالجهاز طبعا

وكونت سألته علي موضوع الشبكة الأمامية انها بتتفك علي طول خصوصا اني معظم مشاويري علي طريق اسماعيلية كل يوم فبكون سايق علي 140-160 ك/ ساعة وكتير بتفك لوحدها وكان رده انهم مش بيثبتوها عندهم غير بالكلبسات وغير كدة يبقي فرع غمرة هوة اللي ممكن يثبتوها بمسامير زنق

اجمـــــالي تكلفة الصيانة ...... 1675 جنيه
(قطع الغيار 1150 جنيه .... مصنعيات وضريبة 525 جنيه)
والحمد لله انا راضي عن الصيانة و عن توكيل صلاح سالم (افضل من فرع غمرة بالنسبة لي)
بغض النظر عن أسعار المصنعية والضريبة اللي تقريبا واصلة ل 50% من قيمة قطع الغيار

وأخيـــرا اتمني تدعولنا جميعا ربنا يبارك لنا فيها و يحفظنا من شرها

المشاركة الأصلية كتبت بواسطة samoreception

1675 جنية فى صيانة مش اساسية بصراحة كتير انا حاسس انهم بياخدوا تمن العربية تانى فى الصيانات

كلام سليم