الموضوع: اقصى سرعه للجيتا

المشاركة الأصلية كتبت بواسطة lanos2004

هوة الماتور دة يبقه حلو فى بولو او ابيزا انما جيتا وباسات محتاجه مواتير بجد والتربو حل المشكله نوعا ما بس بنزين 92 بهدل المواتير 1400--
على فكرة انا ركبت باسات كتير جدا 1600 و1400 وجريت بيهم بس جيتا عمرى ما ركبت سايق صراحه واكتر حاجه بكرهها فيهم صوت العجل العالى وانته قافل الزجاج

الفكره ان حضرتك مش مقتنع بمواتير فولكس ودي وجهة نظر تحترم
هي ميزة مواتير فولكس انها بتعيش كتير ... اخويا كان عنده جولف 4 كانت معدية 250 الف وكانت الموتور تمام وفيه عزم
عموما زي ما قلت انا دي وجهة نظر

المشاركة الأصلية كتبت بواسطة m07mad

يا استاذ محمد حضرتك احنا بنتكلم عن المكنه الـ 1.6 mpi مع الفتيس الاوتو العادي ال ٦ سرعات مش الفتيس ال DSG لان زي منتا عارف الفتيس السبع سرعات دا بيدي تسارع و عزم اكبر مشاء الله

فاهم حضرتك بس العضو لانوس بيقول ان مواتير mpi1.6 مروحه سقف
والموتور ده عندي في الجيتا ومن حقي اتكلم واقول ان الموتور ده ميه الميه و مع dsg7 جبار

المشاركة الأصلية كتبت بواسطة lanos2004

طب انا هقول لحضرتك انا شايل ماتور من لانوس كان ماشى 450 الف كيلو وكان زى الفل بس شيلته علشان احط ماتور اتنين كام 1500 برضه--المشكله مش فى فولكس فاجن المشكله فى الجمارك الى بتركب عربيه وزنها 1400 بماتور 1600 ولو حملت حموله كامله العربيه بتفطس
وبعدين اتذكر عربيتنا الباسات لما جابت فتيس وكان فيها صوت تكسير عجيب لما تدورها على السخنه واتشالت على الونش-كان عار صراحه

ما هي عربيتي خليجي وجايبها من الخليج لاني عايش هناك و موتور 1600 علي وزن 1370
الجمارك ملهاش علاقه بالموضوع :)
اما حكايه الفتيس ربنا يبعدها عني

من الاخر الجيتا بطة وكل الى بيركب فولكس فى الموديلات دى عارف انها عربيات مش بتاعة جرى زى اليابانى والكورى وانما هى عربيات امان عالى وعربيات استمتاع بالركوب وعربيات للطرق مش للشد بس الميزة الى فى العربيات دى ومش موجودة فى عربيات كتير الثبات والفرامل بمعنى ان فى طريق الاتوستراد شيراتون ماكانش يحلالى الجرى غير فى الملف الى ادام صن سيتى مول يعنى كل العربيات ماشية مهدية وانا كنت اخد الملف دا على 140
بالنسبة للاستاذ لانوس الى مش عجباة عربيات فولكس لولا اختلاف الاذواق لبارت السلع ومع احترامى لحضرتك انا شايف ان الكورى عربيات دى ولا تسوى وعربيات تعبانة رغم انها موجودة فى البيت عندنا بس عربيات تعبانة من الاخر وغالية عالفاضى